Элстин администрацин һардач Дмитрий Трапезников балһсна ах архитектор Сергей Шалаевла давулсн көдлмшч селвлцәнә йовудт таңһчин хотл балһсна иргчин делгрлтин, шин микрорайодын, школмудын болн бичкдүдин садмудын тосхлтын туск төрмүдәр күүндв. Элст балһсн үүлдҗәх һоллгч зура арвн җил хооран батлгдсн билә. Терүнәс нааран кесг хүврлт учрсмн. Давсн җилд Дмитрий Трапезников балһсна иргчин делгрлтиг учрт авч, энүнлә ирлцүлҗ һоллгч зураг шинрүлх даалһвр өгсн билә.

2020 җилд «Әәмшг уга болн сән чинртә көлгн-күчнә хаалһс» гидг келн-улсин төсвин йовудт Әрәсән 83 регионд сурһуль-эрдмин болн сул цаган давулҗ амрлһна учрежденьс тал ордг 1327 дууна хаалһсин бәәдлинь ясрулхмн. Энтн 826 хаалһ, ясгдҗах хаалһсин ик зунь шин сурһулин җил эклтл эдлврт орулгдх. Хаалһин җисәнә әәмшг уга бәәдлиг өөдлүллһн энтн келн-улсин һол күсл, тегәд чигн эн төрт онц оньг тусхана.

Өрнә ормд өлг-эдинь бәрәнд авлһн энтн әмтиг өрән өгхиг некчәх эв-арһ. Тегәд эн җилин дөрвн сарин эргцд Хальмгин зарһин приставмуд 353 күцәгч керг-үүлин йовудт өртә улсин 128 сай арслңга мөңгнә өлг-эд бәрәнд авсн болдг. Хулдгдх өлг-эдин үн 110 сай шаху арслң тогтаҗана. Келхд, әмтнә өринь даңцахар патьрмуд, гермүд, малын хошмуд, көлгн-күчн, селәнә эдл-ахун техник болн нань чигн хамг юмн хулдгдҗана. Әмтнә өлг-эдинь хулдад олсн мөңгәр эднә алиментин, жилищн-коммунальн туслмҗин, алвна, кредитин өриг даңцана.

Зуни тўрўн ґдрлі цуг кґрсті єазр деер бичкдўдиг харслєна Ґдр темдглгдні. Дигті кўўкд-кґвўд зуни амрлєндан єарад, эн ґдриг эдн шуугата-байртаєар давулљ, сергмљтієір амрдг авъяс бііні. Тўрўн болљ эн ґдриг тівн љил хооран нарт-делкін кўўкд улсин демократическ федерацин конгресст шиидвр батлгдсна хґґн темдглсн билі. Эн ґдр нарт делкід бичкдўдин тґлі олн зўсн марєас, байрин концерт, єііхўлмўд, харєлтс бўрдігдні. Бичкдўд – мана иргч гиљ бидн келнівидн.

Таңһчин хотл балһсна өмн үзгин района кец-таалнь ясрулхмн. Элстин администрац балһсна өмн үзгин района уульнцсин хаалһсин ясвр келһнә көдлмшин зура ухалҗ бел кесмн. Девсң-девсңгәр кегдх ясврин көдлмшин зура болн хаалһсин диг-даран, көдлмшин түрүн девсң төгсәлһнә болзгнь удлго батлгдх. Темдглсн зурала ирлцүлҗ зуни түрүн сармудт балһсна өмн үзгин района арв һар уульнцин хаалһсиг ясруллһна көдлмш күцәхмн.

Хальмг Тањєчин Толєач Хаска Бату коронавирус гем тархагдљах цагла бає теткврті ґрк-бўлмўдиг болн кґдлмш уга ўлдсн улсиг дґњнлєні туск зірлгўд батлв. Эн зірлгўд федеральн закадас ишті социальн дем авх улсин тоод эс орсн улсиг дґњнхин тґлі белдгдсмн. Тиигід, 143-ч тойгта зірлгіс ишті 8 наснас авн 18 нас кўртл бичкдўдиг асрљах ґрк-бўлмўдт нег дікљ ўрн болєнднь 5 мињєн арслњ ґгхмн. Эн демин мґњгн тањєчин бюджетіс йилєгдхмн.

Элст балһсна шишлң сайтд онлайн-диг-даранд тосхлтын көдлмш болҗах һазриг халәҗ, шинҗлҗ болхмн. Әмтн тосхлтын 4 объектд яһҗ көдлмшиг күцәҗәхиг хәләҗ шинҗлдг арһта болв. Эннь Диилврин паркин бәәдлиг ясруллһна көдлмшиг, Некрасовин нертә уульнцд олн давхр герин тосхлтыг, 4-ч болн 5-ч тойгудта бичкдүдин садмудын ул деер немр бәәрин тосхлтын йовудыг шуд кевәр хәләҗ шинҗлҗ болҗана.

2020 җилд Росавтодор медлд ордг «Каспий» Упрдор ФКУ «Каспий» Р-22 көлгн-күчнә хаалһин участкд, Көтчнрә района Ергенинский селәнә өөр-шидр, автоматическ кевәр залдг электрокүчнә герлтлһнә өдгә цагин систем тәвгдх. Энүнә төлә хаалһин тосхачнр селәнә өөр бәәх электрокүчнә сурлҗна бахнст 92 светодиодн шам өлгхмн. 1,47 дууна хаалһин участк герлткх. Тер мет капитальн ясврин көдлмшин йовудт Үстин района Цаһан Амн селәнә өөр-шидр «Каспий» Р-22 көлгнә хаалһин участкиг 4,3 дуунад шамар теткхмн.

Эндр өдр зарһин пристав болһна компьютер «АИС ФССП России» гидг программн комплексәр теткгдв. Эннь приставмудын көдлмшиг зөвәр гөңглүлв. Зарһин приставмуд эн программин нилчәр цуг күцәгч керг-үүлиг дегц то-дигд авна, зарһин шиидврмүдиг күцәлһнә цаас белднә, статистическ тооца кенә болн нань чигн керг күцәнә. Тегәд чигн эн программас иштә приставмудын цагнь әрвлгднә, аштнь эдн өртә улсин туст кеҗәх көдлмшт ик оньган тусхаҗ, теднд ямаран өлг-эд бәәхинь бүрткҗ чадҗана.

Әмтнә өдр-бүрин бәәдл-җирһлин йовудт болн күцәҗәх үүлдврин ашт дала хог-бог болн хотын үлдл һарна. Сүл цагт хог-богиг зүсәрнь хуваҗ, дигләд эд-бод келһнә кергт өгдгнь делгрлт авчана. Эннь чинртә йовдл гиҗ сангдна. Тер юңгад гихлә альд чигн әмтн экологийин төриг босхҗ,, яһҗ эн нәрн төриг хаһлҗ болхин тускар ухалҗана. Европин орн-нутгуд олн җил хооран хог-богиг зүсәрнь йилһҗ, хурадг болв. Әрәсәд болн СНГ-н орн-нутгудт зуг сүл цагт хог-богиг зүсәрнь хуваҗ диглдг дасчана.