Төрскән харсачин Өдр угтад, «Негдсн Әрәсә» партин седвәрәр цергә даалһвран күцәҗ йовдг нег һазра улсиг дөңнлһнә буйнч седклин керг-үүлдвр эклв. Терүнә йовудт цергә шишлң керг-үүлдврт орлцҗадг болн шав авсна ашт эмнлһнд бәәдг цергчнрт дулан хувц-хунр, эм, хот-хол цуглулхмн.

Шидр Москва балһснд хөөнә ноос эд-бод келһнә төрәр ведомствсин хоорндк штабин селвлцән болв. Хальмг Таңһчин залврин ахлачин дарук Җамбинә Очр болн Әрәсән сенатор Хачирә Борис терүнд орлцв.

Лаганя района Улан Хол селәнд олн келн-улс ни-негн, кен-ненәннь сойл, авъяс күндлҗ, хамдан байр-зовлңган әдл хувалцҗ ниитә бәәнә. Энд хальмг, орс, хасг, даргин, маһд болн талдан келн-улсин элчнр хамдан төрскн селәнә делгрлтд тәвцән орулҗ, бәәсн һазр-усндан эңкр улс мөн. Күүкд-көвүд бичкнәсн авн хамдан өсәд, иньгллтин залһлдаг җирһлиннь туршарт әрүнәр хадһлҗ сән үр-иньгүд болна. Селәнд хойр келн-улсиг хамцулсн өрк-бүлмүд баһ биш бәәнә.

Мана таңһчд олн келн-улс ниитә бәәнә. Әрәсәд улсин ниицлтин җил зарлгдсн учрар таңһчин райодар олн келн-улсин иньгллтд нерәдгдсн керг-үүлдврмүд болҗана. Шидр Яшкулин района Улан Эрг селәнә дунд сурһульд «Бидн – нег өрк-бүл» гидг байр болв.

Путь каждого большого профессионала начинается с маленькой мечты. Для Руслана Насунова эта история началась в родном поселке Ики-Бурул, где он в детстве грезил карьерой профессионального баскетболиста. Годы упорных тренировок и просмотров в клубах, однако, привели его к иной, не менее важной миссии – зажигать новые звезды и передавать опыт следующему поколению.

Шар шаҗнд шүтдг улсин Әрәсән төв оюни заллтын һардач гевш Йонтен Энткгт одад, тенд Дрепунг Гоманг хурлд одв. Шаҗна сурһуль дассн хурлд ирсн гевш Йонтенд Дала Ламин Гегәнлә харһх хөв учрв.

Сарпан района Садовое селәнд дегтрин шин саң секгдв. Сүл цагт умшачнрт сән болн өдгә цага таал тогтахин төлә дегтрин саңгуд таңһчд секгдҗәнә. Элст балһснд, зәрм райодар тиим дегтрин саңгуд көдлҗәхнь темдгтә.

Хавр эн җил йир сәәхн болн соньн болх гиҗ Хальмгин Келн-улсин оркестрт тоолҗана. Нарт-делкәд нер туурсн көгҗмлә таңһчин соңсачнриг таньлдулхар оркестр моһа сард «Мировые хиты» гидг көтлвр белдҗәнә.

Шин җилин түрүн сар давад, лу сар зөвтән орчкв. Эн кемд таңһчин үүдәгч коллективс райодар-селәдәр йовҗ, концертсән үзүлх саната бәәнә. Иигәд Хальмг госфилармоня симфоническ оркестр Көтчнрт концерт үзүлхәр белдҗәнә.

Ода мана орн-нутгт техникин делгрлтд болн инженермүдин кадрмуд белдлһнд һол оньг өггдҗәнә. Эн халхар Хальмг ик сурһулин номтнр болн багшнр, оютнр Татарстан Республикин Иннополисин, Өмн үзгин федеральн, Аһшин, Әәдрхнә техникин ик сурһульмудла өргн залһлда бәрҗ нөкцлтән өргҗүлҗәнә. Тернь Хальмг Таңһчин бәәтхә, цуг орн-нутгин төлә инженерин кадрмуд белдлһнд ик дөңгән күргнә.