Шидр РАНХиГС-ин Президентин академин ВШГУ-н шишлң көтлврт орлцачнр Элстд ирәд, бүкл долан хонгтан көдлв. Басң өдрлә таңһчин залврин герт Хальмгин һардврин орлцлһтаһар ашлгч сүүр болв. Хальмг Таңһчин Толһач Хаска Бату, залврин ахлач Босхмҗин Гилән болн залврин гешүд терүнд орлцв.

Җил болһн моһа сарин 25-д сойлын көдләчин Өдр темдглгднә. Эн җил байрин хурган Хальмгин сойлын көдләчнр моһа сарин 27-д кехмн. Әрәсән улсин ниицлтин җилиг ик өргмҗин бәәдлд экләд, сойлын министрин үүлд шидр батлгдсн олна үүлдәч болн номт Бембин Евгенийин һардврт олн керг-үүлдвр күцәхәр сойлын көдләчнр шунҗана. Төрскн һазриг цуг делкәд туурулсн бамб цецгүдин наадмиг дарани кемдән белдҗ давулхар эн халхин көдләчнр ода белдҗәнә.
Таңһчин сойлын көдләчнр төрскн һазрин ке-сәәхн тоотыг ирҗәх олн зуульчнрт үзүлнә. Эн тоотыг белдҗ үзүлҗәх эрдмчнрин билг-эрдмнь җил ирвәс өсәд йовна. Эднә седвәрин болн шунлтын нилчәр Хальмгт сойл цуг халхарн делгрҗ йовхинь әмтн медҗәнә.

Хальмг Таңһчин приставмуд ГАИ-н көдләчнрлә хамцу үүлдвр даңгин бүрдәнә. Шидр өртә улсиг илдкҗ авхин төлә ирлцңгү керг давулсмн.

Моһа сарин эклцәр Хальмг Таңһчин УФССП-д бууһар халһна туст ирлцңһү марһана негдгч девсң экллә. Тиигхд, таңһчин приставмудын заллтын элч Наминә Светлана терүнд орлцад ончрв.

Одахн Хальмгин Шаҗн Лам гевш Тензин Чойдакин үрврәр мана таңһчд ирсн гевш лхарамб Чой Гьяцо бурхн-шаҗна үүлдвриг цааранднь делгрүлхин төлә әрүн керг күцәв.

Шидр Владимирск мүҗин Суздаль балһснд Әрәсән зака үүдәгчнрин Хүүвин социальн политикин комиссин өргн сүүр болсна тускар урднь зәңгләвидн. Терүнд Хальмг Таңһчин Улсин Хуралын (Парламентин) Ахлач Артем Михайлов орлцв. Сүүрт 2025 җилд комиссин көдлмшин аш диглгдәд, сурһульчнр дунд чик авг-бәрц батруллһна төлә сән таал тогталһна туск төр хәләгдв.

Хальмг Таңһчин әмтиг көдлмшәр тетклһнә Төв таңһчин социальн делгрлтин, күч-көлснә болн көдлмшәр тетклһнә министерствин дөңгәр «Абилимпикс» таңһчин марһана йовудт гемтә-шалтгта баһчудын төлә көдлмшч ормсин яарм давулв. Эн керг-үүлдвр сән авъяст тохрв гиҗ келҗ болҗана, юңгад гихлә эн йисн җилин эргцд бүрдәгдҗәнә. Х.Кануковин нертә багшнрин колледжин улд болсн керг-үүлдврт таңһчин дунд шишлң сурһуль-эрдмин бүрдәцсиг эн җил төгсәҗәдг оютнр орлцв. Багшнрин колледжин һардач Җамбинә Татьяна керг-үүлдвриг секәд, эн яарм таңһчин бүрдәцсин элчнрт болн эн җил сурһулян төгсәҗәдг баһчудт туслхиг темдглв. «Мадн хоорнд күүнә улс уга, бидн цуһар ахнр-дүүнр болнавидн» гисн дуудвртаһар эн җил яармиг давулҗанавидн гиҗ Татьяна Николаевна зәңглв.

Давсн долан хонгин басң өдрлә «Негдсн Әрәсә» партин дөңнлтин штабд олна хург болв. Энд Өмн үзгин шаңһа дуһргт Әрәсән «Медрл» ниицәнә үүлдвриг өргҗүллһнә заллтын ахлач Александр Шматькола соньн күүндвр болв. Элстин болн райодын, селәдин, сурһульмудын дегтрин саңгудын һардачнр энүнд орлцв. Әрәсән «Медрл» ниицәнә Хальмг Таңһчин әңгин толһач Манҗин Элеонора харһлтыг нүр үгәр секв.

Әрәсәд зарлгдсн улсин ниицлтин җиләс иштә таңһчд олн керг-үүлдврмүд бүрдәгдҗәнә. Тер тоод олн келн-улсин урн үгин зөөрлә таньлдулҗадг керг-үүлдврмүд дегтрин саңгудт давҗана. Шидр «Төрскн һазрин олн келнә хамцу дүүрән» керг-үүлдвр А. Амр Санана нертә Келн-улсин дегтрин саңд давв.

Хальмг Таңһчин Толһач Хаска Бату чадмг болн дамшлтта һардач, политикин олна үүлдәч Сергей Мироновла харһв.