Цергә шишлң керг-үүлдвр болҗах һазрт Хальмгин кесг әмтн орлцҗана. Теднә негнь Арман Джумагалиев билә. Эн җилин моһа сарин 13-д цергә даалһвран күцәҗ йовад, Арман әмнәсн хаһцв. Цергә даалһвриг күцәлһнд ончрсн төләдән Залу-Зөргин орденәр эн ачлгдв.

Шидр Хальмг Таңһчин Толһач Хаска Бату Хальмгин дотр-дундын кергүдин министр Дмитрий Григорьевла хамдан полицин ах лейтенант Нимгрә Мергнә өрк-бүллә харһв.

Үстин района Үст селән бүрдснәс авн 240 җил болв. Эн селәнд цаһан седклтә, тевчңгү, төрскн һазртан болн сойлдан хару, өвкнрин авг-бәрциг әрүнәр хадһлҗадг улс бәәнә.

Ноха сарин 24-д мана таңһчд Татарстан Республикин Толһач Рустам Минниханов керг-төрин халхар ирв. Хальмгин Толһач Хаска Бату күндтә гиичиг бүләнәр тосч, нөкцлтин туст кесг төрәр күүндв.

С момента своего прихода на Волгу калмыки проявляли невероятную храбрость и стойкость, служа верой и правдой в рядах сначала армии Российской империи, а позже – Советского Союза. Сегодня наши современники-воины продолжают эту традицию, сражаясь за мир и безопасность своей страны и братских республик.

«Демографь» гидг келн-улсин төсвин «Үрнь төрсн цагт өрк-бүлд демин мөңг өглһн» гидг шаңһа көтлврин медлд эн җил 377 өрк-бүл экин сертификатын мөңгиг олзлв.

«Әәмшг уга болн сән чинртә хаалһс» гидг келн-улсин төсвин йовудт мана таңһчд региональн чинртә хаалһс ясгдҗадг деерән хотл балһсна уульнцст хату девскртә шин хаалһс тосхгдҗана. Тиигәд, Элстд Витражная нертә уульнцд бәәдг улсин эрлһәр хату девскртә хаалһин тосхлт эклв.

Әрәсән залвр «Сойл» келн-улсин төсвин йовудт эн җил регионмудын театрмудт болн музеймүдт бат ясвр келһнд немр 1,8 җува арслң йилһхмн. Эннь сойлын бүрдәцсиг шинрүлҗ сән таал тогтаҗ, регионмудт зуульчнр олар ирхд туслхмн, гиҗ орн-нутгин залврин Ахлач Михаил Мишустинә зааврт келгдҗәнә.

Давсн долан хонгин чилгчәр мана таңһчур Луганск Улсин Республикин Антрацитовск районас бичкдүд ирв. Хальмг Таңһчин Улсин Хуралын Ахлач Артем Михайлов бичкдүдлә харһад, зака үүдәгч бүрдәцин үүлдврин тускар келҗ өгв. Хаврар Элстд ЮРПА-н хургин йовудт Хальмг Таңһчин Улсин Хуралын (Парламентын) болн ЛНР-ин Антрацитовск муниципальн округин Хүүвин хоорнд нөкцлтин бооцан батлгдсн билә. Тегәд депутатнр Антрацитовск района бичкдүдин төлә мана таңһчур зуульчллһиг бүрдәв.

В минувшую пятницу стало известно имя победительницы регионального этапа федеральной грантовой программы «Мама-предприниматель». Ею стала Регина Тундутова из Элисты с проектом по развитию мастерской «Gesar», в которой изготавливают буддийские ступы, молитвенные барабаны и различные статуи.