Цугәрәсән эн марафон намрин кемлә болна. Эн җил «Гүүҗ йовх дегтр - 2021» гиҗ нерәдсн марафон Хальмгт ноха сарин нег шинлә 12 часла эклв. Медрлин өдрлә ирлцсн эн керг-үүлдвр А. Амр-Санана нертә Келн-улсин дегтринр саӊгин талвңгас авн экләд, олн улсиг орлцулв. Дегтрт дурта олн күн, ик зуудан оютнр, Элстин әмтн дегтрин саӊгин көдләчнр кеҗәх керг-үүлдвриг дөңнҗ орлцв.

Хазн балһснд «Хазинэ» гидг урн галерейд Әрәсән харслтын министр, Орс географическ обществин президент Сергей Шойгун зургудын һәәхүл секгдв. Министрин зурсн 100 көдлмш һәәхүлд тәвгдв. Теднәс 83-нь олн-зүсн зургуд, наадкснь урн һарар мод зорҗ кесн кегдлмүд. Ноха сарин 21-д секгдсн «Искусство ради жизни» гидг һәәхүл олн улсин оньгиг эзлв.

Шидр зурач Николай Уланович Шиняев Әрәсән Президентин Күндллһнә һашгар ачлгдв. Сойлын болн билг-эрдмин халхд күргсн ик ач-туснь болн олн җилин сән ашта үүдәгч үүлдврнь тиим өөдәнәр үнлгдв.

Ветерану агропромышленного комплекса, кавалеру ордена «Знак Почета», заслуженному зоотехнику Калмыцкой АССР, кандидату сельскохозяйственных наук, депутату Верховного Совета республики Владимиру Бодлаевичу Чимбееву 5 сентября исполнилось бы 90 лет. За достижение высоких производственных показателей в развитии животноводства он был удостоен знака «Отличник социалистического соревнования сельского хозяйства Российской Федерации», золотой медали Агропромсоюза РФ, бронзовой медали ВДНХ СССР, а также награжден Почетными грамотами Министерства сельского хозяйства СССР, РСФСР, республиканским отраслевым ведомством, был почетным гражданином Ики-Бурульского района, где пять лет руководил вновь образованным совхозом «Бага-Бурульский». После ухода на пенсию, как активист Калмыцкого комитета КПРФ, был удостоен медали ордена «Партийная доблесть».

В Калмыцком госуниверситете уже сложилась добрая традиция отдельно отмечать абитуриентов, сдавших ЕГЭ с высокими результатами и выбравших главный вуз Калмыкии для продолжения учебы. Так они отмечают дальновидность, прагматизм и патриотизм молодых людей, ведь «дома и стены помогают». «Для магистратуры и аспирантуры можно выбрать и другой вуз, тогда уже и опыта жизненного прибавится и цели ставить будет легче», – так говорят умудренные опытом люди, а к их рекомендациям лучше прислушаться.

Одахн, һаха сарин нег шинд, Медрлин өдрлә Әрәсән Президент Владимир Путин Владивосток балһснд цуг орн-нутгас ирсн сурһульчнрла харһв. Эн күүндвр «Океан» бичкдүдин амрлһна төвд болв. Энд Цугәрәсән сурһульчнрин «Ик завср» марһана дииләчнр цуглрҗ орн-нутгин толһачла күүндвр кев.

Хальмг Таңһчин Улсин Хуралын (Парламентин) Ахлач Анатолий Козачко таңһчин санитарн-эпидемиологическ цергллтин медлд үүлддг маальг гемәс хөрлһнә Элстин станцд одв. Бүрдәцин һардач Яшкула Константин күндтә гиичиг станцин үүлдврин һоллгч зөрүллтлә таньлдулҗ, лабораторьс үзүлв.

Шидр хальмг Таңһчин Улсин Хуралын (Парламентин) Ахлач Анатолий Козачко Әрәсән Федерацин Советд Хальмг Таңһчин Улсин Хуралын (Парламентин) элч-сенатор Алексей Майоровла харһв. Харһлтд вице-спикер Сергей Сухинин орлцв.

Давсн долан хонгт мана таңһчд һурвн селәнд шин бичкдүдин садмуд секгдв. Урднь бидн Көтчнрә района Өвдг болн Көглт селәдин бичкдүд шин бүүрән йөрәснә тускар зәңглсн биләвидн. Ода болхла Яшалтан района Эсто-Алтай селәнд бичкдүдин сад эдлврт орулгдсна байрта йовдл болв. Сурһуль-эрдмин бүрдәцин бәәрн «Демографь» гидг келн-улсин төсвин «Көдлмш уга күүкд улст туслһн – һурвн нас күрәд уга бичкдүдин төлә дошкольн сурһулин таал тогталһн» гидг региональн төсвин халхар тосхгдв. Эн объектин тосхлтд 39 сай арслң олзлгдв. «Колосок» гидг бичкдүдин садт 50 күүкн-көвүн орхмн, ода деерән энд нилх күүкдин һурвн баг бәәнә.

Бурятин номтнр болн арһлачнр соньн номин шинҗллт кеһәд, тер шинҗллтин ашар производств бүрдәҗ, әмтнд ик дөң болҗана. Ах-дү республикин номтнр биотехнологин халхар чинртә шинҗллт кеснә тускар «Маяк» радиостанцас соңсҗ байрлад, мана умшачнрт медүлҗәнәвидн.