Күн болһн тааста эрдм шүүҗ авад, насн-җирһлиннь туршарт көдләд, олнд туста болхар зүткнә. Ик Буурла района Приманыч болн Баһ Буурл селәдин әмтн эмч Очан Светланаг күндлҗ, цаһан седклтә, тевчңгү, түрүн дуудврар дөңгән күргхәр адһна гиҗ темдглнә. Светлана Тавуновна һучн шаху җилдән эрүл-менд харлһна халхд үнн-чик седклтәһәр көдлҗ, эн җилмүдин эргцд кедү күүнд дөңгән күргҗ олн зүсн гемәс эдгхд тусан күргсиг тоолхд зөвәр берк болхнь лавта. Бичкнәсн авн эмч болх сана зүүҗ йовсн төләдән тааста эрдмәрн көдлҗ йовхнь күүкд күүнд ик дааврта болна.

Келн-улс болһнд эврә цергә туурмҗин диилврин санл үйәс үйд күргҗ медүлгдәд йовдг. Эннь Төрскнә төлә делдсн диилвр болҗана, эн саамд келн-улс болһна төрскнч седклнь, цергә зөргнь, залу-зөрмг бәәдлнь лавтаһар иткүлгднә биший. Эн җил мана орн-нутгт Төрскән харсгч Алдр дәәнд диилвр бәрснә 80 җилин өөн өргнәр темдглгдхмн. Дииләчнрин үйин баатрмудын негнь КАССР-ин Деед зарһин гешүн Очра Эрнҗән бәәсмн, эн Сталинград балһсиг хортнас харслһна догшн дәәлдәнд орлцад, Мамаевин өөдмд әмнәсн хаһцсн болдг.

Хөн сарин 9-д Төрскән харсгч Алдр дәәнд мана өвкнр-дәәчнр, баатрмуд-ветеранмуд мөңкинд мартгдшго Алдр Диилвр бәрсн 80 җилин ончта өөниг мана орн-нутг темдглхмн. Европиг, цуг делкәг фашизмин даҗрлһнас сулдхсн тер күчр-күнд дәәнд, орчлңгин аюлын һалвд Советин Союзин 27 сай иргн әмнәсн хаһцла, тер тоод зөргтә дәәчнр, медәтнр, күүкд улс, бичкдүд әмнәсн хаһцла.

Хальмг Таңһчин Толһач Хаска Бату мал өсклһнә болн талдан чинртә төрмүдәр селвлцә давулв.

Шидр мана таңһчур спортын нарт-делкән мастер, Әрәсән, Европин марһасин болн Олимпийск нааддын орлцач Анастасия Гребенкина ирв.

Таңһчин Толһач Хаска Бату Элстд тосхгдҗадг дәәнә ветеранмудын госпиталиг бүрткҗ хәләв. Эннь ик чинртә бәәрн болҗана. Тер юңгад гихлә тенд дәәнә ветеранмуд эрүл-мендин бәәдлән ясрулҗ, сән чинртә эмнлһ авч чадхмн.

Түрг орн-нутгин Стамбул балһснд кикбоксингәр болсн нарт-делкән марһанд Әрәсән баг дәкнәс ончрв. 16 алтн медаляр, 6 цаһан мөңгн болн күрл медаляр мана спортсменмүд ачлгдв.

Үвлин сүл өдрлә Элстд Цаһан Сарин болн Масленица байрт нерәдсн нәр болв.

Цаһан Сарла хавр ирнә, тер илвтә кемлә шин җирһл эклнә. Кезәнә мана өвкнр Цаһан Сарин байриг бүкл сардан темдглҗ үвләс менд-амулң һарсан, малын идгтә, сәәхн җирһлтә хавр ирсән йөрәҗ, бүкл өргн теегәр элгн-садн талан золһҗ йовлдад, иргч җилин өмн өргнд чидлән урһаҗ нәр-наадан кеҗәлә.

Цаһан Сарла хавр ирнә, тер илвтә кемлә шин җирһл эклнә. Кезәнә мана өвкнр Цаһан Сарин байриг бүкл сардан темдглҗ үвләс менд-амулң һарсан, малын идгтә, сәәхн җирһлтә хавр ирсән йөрәҗ, бүкл өргн теегәр элгн-садн талан золһҗ йовлдад, иргч җилин өмн өргнд чидлән урһаҗ нәр-наадан кеҗәлә.