Мана таңһчин улс Курск мүҗд амр биш бәәдлд туссн әмтнә төлә буйнч седкләрн кергтә тоот цуглулад, теднд дарани дөңгән илгәв. Урҗ өдр 15 тонн хот-хол, хувцн, эм, көнҗл, дер, канцелярск болн талдан эд-тавр ачсн хойр ик машин Курск мүҗ темцҗ Элстәс һарв.

Шидр Хальмг Таңһчин Улсин Хуралын (Парламентин) X (дарани биш) сессь болв. Сессин көдлмшт ЮФО-д Әрәсән Президентин зөвтә элчллтин Хальмг Таңһчар үүлддг ах федеральн инспектор Александр Беляев, таңһчин Улсин Хуралд Хальмг Таңһчин Толһачин элч Манҗин Араш, Хальмг Таңһчин залврин Ахлач Босхмҗин Гилән, зөв-йосна, зарһин болн бүртклһнә бүрдәцсин элчнр орлцв. Хальмг Таңһчин Улсин Хуралын (Парламентин) Ахлач Артем Михайлов сүүриг һардҗ давулв. Депутатнр ут тоодан зурһан төр хәләв.

Күн болһнд өсәд-боссн һазр чидл-омг өгдг гидг. Сүл цагт мана таңһчин селәдт баһчуд хәрҗ ирәд, өрк-бүлән өндәлһҗ, малан асрад, өвкнриннь һазрт бәәхәр зүткҗәхнь бахмҗ үүдәнә. Үстин района Татал селәнд бәәдг Бадм болн Гилән Менкеновихн төрскнч седклтә баһчуд мөн. Һурвн үртә эк-эцк буурл теегиннь кишгт багтҗ, эврә эдл-аху делгрүлҗ, буйнч седклтә керг-үүлдврмүдт демән күргҗ олн дунд тоомсрта улс болҗ йовна.

Урднь хальмг келнә багшнр зуг таңһчин кемҗәнд хоорндан дөрлдҗ йовла, ода болхла Әрәсән кемҗәнд чигн эдн марһлдҗана. Сүл җилмүдт келн-улсин республикүдт төрскн кел даслһна төрәр икәр соньмсчана.

Әрәсән Президент Владимир Путин өрк-бүлин җил гиҗ зарлгдснас иштә мана газетин халхст олн үртә, өнр-өсклң өрк-бүлмүдин тускар даңгин бичнәвидн. Сүл җилмүдт кесн то-дигәр, Хальмгт олн үртә бүлмүдин то өсәд йовхнь байрта йовдл, гиҗ темдглх кергтә.

СВО-н ветеранмуд Хальмгт баһ биш. Теднә кесгнь дәәнә шаван эдгәҗ, көл деерән һарсн хөөн юмнас дутшгоһар бәәнә. Сарпуль балһснд болсн «Төрскән харсачнрин кубок» гидг марһанд Хальмгин СВО-н ветеранмуд орлцв.

СВО-д церглҗ йовх дәәчнрт болн Луганск Улсин Республикин Антрацит балһсна әмтнд эмнлһнә дөң күргҗәдг Хальмгин эмчнрин тускар даңгин бичгднә. Тиим нег йовлһна тускар эндр бичҗәнәвидн. «Cулда» гидг шишлң дөң күрглһнә таңһчин төвин хойрдгч тойгта әңгин мергҗлтнр ода Антрацит балһснд дөңгән күргҗ көдлҗәнә. Луганск Улсин Республикд СВО-д орлцҗадг хальмг цергчнр госпитальд эмнлһнд бәәнә. «Сулдан» мергҗлтнр эврә һазрин цергчнрлә шидр тенд харһв.

Цергә шишлң керг-үүлдвр болҗах һазрт Хальмгин кесг әмтн орлцҗана. Теднә негнь Арман Джумагалиев билә. Эн җилин моһа сарин 13-д цергә даалһвран күцәҗ йовад, Арман әмнәсн хаһцв. Цергә даалһвриг күцәлһнд ончрсн төләдән Залу-Зөргин орденәр эн ачлгдв.

Шидр Хальмг Таңһчин Толһач Хаска Бату Хальмгин дотр-дундын кергүдин министр Дмитрий Григорьевла хамдан полицин ах лейтенант Нимгрә Мергнә өрк-бүллә харһв.

Үстин района Үст селән бүрдснәс авн 240 җил болв. Эн селәнд цаһан седклтә, тевчңгү, төрскн һазртан болн сойлдан хару, өвкнрин авг-бәрциг әрүнәр хадһлҗадг улс бәәнә.