Нәәмнә Цедн (зургт) Үстин района Үст селәнд һарсмн, энд бичкндк цагнь давсмн. Дунд сурһульд орх цагнь ирхлә, эн 1-ч класст зуг түрүн хойр сардан төрскн селәндән сурв. Өрк-бүлнь Элстүр нүүсн учрар цааранднь балһсна сурһульд сурх кергтә болв. Төрскн селәнәс кесг җил хооран нүүһәд, өвкнриннь һазрла салсн болв чигн зүркнднь өөрхн эңкр уханас Үст селән һардго бәәсмн.

Келн-улсин төсвсин кемҗәнд Городовиковск балһснд босхгдсн тосхлт усна өвәрц кеерүлин тоод орсн зәңг шидр һарв.

Бурхн Багшин Алтн сүмд ноха сарин 18-д сурһульчнрт болн оютнрт нерәдсн мөргүл болв. Дарани тиим мөргүл ноха сарин 25-д болхмн.

Н. Пальмовин нертә Келн-улсин музейд шин экспонатмуд немгдҗәхнь йирин йовдл болна. Шидр музейин көрңд йир ховр нег белг орҗ ирв. Мөрнә эмәл таңһчин музейд белглгдв. Хальмг урн һарин эрдмчнр кесн эн эмәл Баһ Дөрвд селәнәс белг гиҗ өггдв.

Эн җил хальмгуд Әрәсән орн-нутгин ханьд орснас авн 415 җил болв. Иҗлин һолын көвәд ирҗ хальмгуд бәәршлв.

Хальмгин Толһач Хаска Бату «Новапорт Холдинг» компаня һардачин дарук Сергей Дмитриевла харһв.

Шидр Элстд «Негдсн Әрәсә» партин Хальмг региональн әңгин хургин хойрдгч девсңгнь болв. Терүнд Хальмг Таңһчин Толһачин суңһврт партин көтлвр батллһна төр хәләгдв. Хургиг Хальмг Таңһчин Толһач, партин КРО-н сегләтр Хаска Бату секәд, Бурятьд болсн шаҗна нарт-делкән II-ч хургт орлцсна болн Москвад Хальмг Таңһчин социальн-экономическ делгрлтин көтлвр батлгдсна тускар зәңглв.

Урҗ өдр Хальмг Таңһчин Толһач Хаска Бату Яшалтан районд көдлмшин халхар одв, тенд Карл Марксин нертә СПК-д буудя эд-бод кедг бүрдәц көдлмшән эклсн йовдлд орлцв (зургт). Эн чинртә төсв 2022 җиләс авн күцәгдҗәлә. Орн-нутгин Өмн үзгин округд эн хамгин ик бүрдәц болна. Энд мана таңһчин бәәтхә хам-хоша бәәдг регионмудын селәнә эдл-ахун арһлачнр буудя эд-бод кеҗ, көдлмшән өргҗүлҗ чадхмн.

Улан-Удэ балһснд ноха сарин 12-ас авн 14 күртл шар шаҗна нарт-делкән II-ч хург болв. Терүнд шар шаҗнд шүтдг һазадын орн-нутгудын болн Әрәсән регионмудын элчнр орлцад, бурхн-шаҗна, сойлын, сурһулин, номин шинҗллтин чинртә төрмүдәр өргн күүндвр тогтав. Хальмг Таңһчин Толһач Хаска Бату болн Хальмгин Шаҗн Лам Тензин Чойдак Бурять Республикүр һарч йовсн мана делегациг һардв. Хальмгин номтнр, депутатнр шаҗна ик хургт, хәләгдсн төрмүдәр болсн күүндврт болн харһлтст орлцв. Мана таңһч нарт-делкән III-ч хург давулх зөв авснь темдгтә йовдл болв. Шидр мана седкүлчнр Хальмгин делегацин ханьд орсн улсла күүндҗ, ухан-тоолврарн хувалцхиг сурв:

Ноха сарин 15-д Элстд, таңһчин багшнрин хург болв. Энд тер мет садмудын сурһмҗлачнр, сурһуль-эрдмин нань чигн салврин көдләчнр, бүрдәцсин һардачнр цуглрв. Түрүләд Әрәсән гегән-герлин министр Сергей Кравцовин келсн үг хургт орлцачнрин оньгт тусхагдв. Багшин тоомсринь өөдлүллһнә керг тер кевәрн һол чинр зүүҗәхинь министр темдглв.