Шидр мана таңһчур Әрәсән эрүл-менд харлһна министерствин Р. Вредена нертә травматологин болн ортопедийин Келн-улсин медицинск төвин көдләчнрин баг ирв. Терүнә ханьд төвин һардач, медицинск номин доктор, профессор Р.Тихилов, энүнә дарук, медицинск номин доктор И.Шубняков, регионмудла үүлддг бүрдәмҗин әңгин һардач Е.Вебер орв. Эн номин төв мана орн-нутгт травматологин болн ортопедийин куратор болна. Эдн регионмудт эн халхд көдлмш ямр кевәр бүрдәгдсиг шинҗлнә.
Күндтә гиичнр П.Жемчуевин нертә таңһчин эмнлһнә травматологическ әңгин үүлдврлә таньлдв. Эдн таңһчин эрүл-менд харлһна министрин негдгч дарук Динкин Галинала, травматологийин әңгин һардач Болдра Олегла харһҗ күүндв. Төвин мергҗлтнр таңһчин әмтнә эрүл-мендин бәәдл шинҗллһнд болн эмнлһ келһнд телемедицинә эв-арһар дөңгән күргҗ, сүв-селвгәрн болн дамшлтарн хувалцхд, кергсләр тетклһнд тусан күргхд белн бәәхән медүлв.
БАТАН Наталья

Давсн долан хонгт Элстд Олимпийск чемпион, Əрәсән спортын ачта мастер Макаренко Алинан мɵрә авхин тɵлә художественн гимнастикин Цугәрәсән марһан давулгдв. Мана орн-нутгин кесг регионас марһанд орлцхар олн элчнр ирсн билә.

Мана өдгә цагин хальмг келнд «аглһ» гидг үг хуучрҗ мартгдҗах үгмүдин тоод орна. Тер бийнь эн үгиг ода күртл зәрм хальмг келтә әмтн сәәнәр меднә. Урд цагт болхла эн үгиг эс меддг әмтн уга бәәҗ. Ода энүг улан залатнрт шинәс санулад, «аглһин» кедүхн соньн болх нууциг нееҗ өгхәр бәәнәв.

Седкүлчин эрдмин һол нег темдгнь – әмтиг хамцулдг үүлдвр болна. Нәдвдә Тамара болхла эн тоолвриг шин хәләцәр немв. Олн-зүсн орн-нутгудар бәәдг хальмгудыг хамцулдг седкүлч болв. Талдан олн һазрт йовх эңкр манахсин тускар Тамара олн соңсхвр белдсмн. Эн халх үүлдврин тускар Хальмг Таңһчин сойлын ачта көдләч Нәдвдә Тамарала бидн эндр күүндҗәнәвидн.

Эндр, хаврин сәәхн өдрлә, Әрәсән болн Хальмг АССР-ин сойлын ачта көдләч, «Хальмг үнн» газетин ах редактор болҗ арвн тавн җилдән чадмг кевәр үүлдҗ йовсн Александр Бурхаевич Альдаев 80 җилин өөнән темдглҗәнә. Энүнә үйин улсин җирһлин хаалһд дәәнә болн тууврин күчр зовлң харһв, хөөннь төрскн таңһчан босхҗ авлһна дааврта керг күцәх кергтә болв. Советин йосна цагт өсәд-боссн улсин җирһлд онц хүврлтсин җилмүд учрснь бас темдгтә болв.

Ар Осеть-Алания Республикин зурачнрин «Осетинский колорит» нерәдлһтә һәәхүл мɵрн сарин 16-д Н. Пальмовин нертә Келн-улсин музейд секгдҗәнә.
Хальмг зурачнрин һәәхүл Ар Осетьд секгдснә тускар урднь бичләвидн. Ода болхла хоша бәәдг республикин зурачнрин үүдәврмүдлә таньлдх таал таңһчин әмтнд учрҗана.

Шидр тањєчин зіњгллєні «Калмыкия» агентствин герт Хальмг Тањєчин седкўлчнрин нииціні ахлач Шавалин Санл болн СЖК-н сеглітр Сањєљин Роза брифинг кев.

Хальмг Таңһчд коронавирусн гемәс саглуллһна тәрлһ келһнә керг-үүлдвр дигтә-даратаһар болн күцәмҗтәһәр давҗахас иштә федеральн төв немр вакцин йилһв. Энүнә тускар Хальмг Таңһчин Толһач Хаска Бату зәңглв. Тиигәд, мана таңһчд ут тоодан 22305 күн тәрлһ авсн бәәнә. Таңһчин эмнлһнә бүрдәцсин улд үүлдҗәдг 14 пункт тәрлһ авхин төлә таал тогтагдсн деер һурвн мобильн комплекс секгдв. Тиигәд Элстд тиим мобильн комплексмүд һурвн ормд зогсҗана, бәәрн улс тиим таал тогтасиг өөдәнәр үнлҗ тәрлһ авлһнд шунмһаһар орлцҗана.

Шидр Хальмг Таңһчин Толһач Хаска Бату Росфинмониторингин ЮФО-д үүлддг регионмуд хоорндк заллтын һардач Герман Шатскийлә харһв. Давсн җилд заллт болн таңһчин правительств хоорнд батлгдсн бооца күцәлһнә тускар харһлтд күүндвр һарв.

Ар Осеть – Алания Республикд Хальмг Таңһчин сойлын өдрмүд болсна тускар таңһчин сойлын министерствин барин цергллт зәңглҗәнә. Алания Республикин Келн-улсин музейд «Теегин иньг хальмг» гидг нерәдлһтә һәәхүл секгдв. Терүнд хальмг зурачнрин олн-зүсн янзар зургдсн, дүрслүлгдсн, өдгә цагин янзар кевлгдсн, нань чигн, ут тоодан 68 зург тәвҗ үзүлгдв.