• Өрк-бүл ниитә болхла

    Өрк-бүлин нарт-делкән Өдр угтҗ Элстд таңһчин правительствин сүүрин залд «Җилин сән гисн өрк-бүл» гидг Цугәрәсән марһана региональн девсңд диилвр бәрсн өрк-бүлмүдиг ачлв. Байрин хургиг Хальмг Таңһчин социальн делгрлтин, күч-көлснә болн көдлмшәр тетклһнә министр Өлзәтин Марина секәд, җил ирвәс эн марһанд орлцҗах өрк-бүлмүдин то өсәд йовхиг темдглв. Эн җил һучн негн өрк-бүл билг-эрдмән үзүлҗ, күүкдиннь күцәмҗин тускар келҗ, өвкнриннь авъяс-заңшал ямр кевәр хадһлҗ йовхиг үзүлв. Эн марһан зурһан җил дарандан давулгдҗана, давсн җилд пандемийәс иштә түрүн болҗ алс зәәһин кевәр болла. Энүг Әрәсән күч-көлснә болн социальн харслтын министерств җирһлин күнд таалд туссн бичкдүдиг дөңнлһнә саңла хамдан бүрдәнә.

    • 18-05-2021, 14:05 | Зіњг
  • Келн-улсин музей 100 җилин өөнән темдглв

    Хөн сарин 15-д ке-сәәхн стендмүдәр кеерүлгдсн конференц-залд Н. Пальмовин нертә Келн-улсин музей гиичнрән тосв. Келн-улсин оркестр «Бумбин орн» көгҗмин наадна сәәхн тасрхаг ирсн улст соңсхҗ, хальмг улсин тууҗ кезәнк цагас эклдгинь медүлв. Хальмгин тууҗиг болн өдгә цагиг негдүлсн, цагин ишкдл дахҗ уралан зүткҗ йовх сойлын учреждень – Келн-улсин музей өөнин байрин үүлдвриг иигҗ өргмҗтәһәр эклв.

    • 18-05-2021, 14:02 | Сойл
  • Тәрлһ авх кергтә

    Давсн долан хонгин чилгчәр Хальмг Таңһчин правительствин ахлач Юрий Зайцев, Роспотребнадзорин таңһчар үүлддг заллтын, эрүл-менд харлһна болн социальн делгрлтин министерствин һардачнр Әрәсәд коронавирусн гем тархалһиг хөрлһнә бачм штабин сүүрт орлцв. Терүг Әрәсән вице-премьер Татьяна Голикова видеоконференц залһлдана эв-арһар давулв.

    • 18-05-2021, 14:00 | Зіњг
  • Сән гисн өрк-бүлмүдиг ачлв

    Хөн сарин 15-д цуг нарт-делкәд өрк-бүлин Өдр темдглнә. Күн болһна җирһлд өрк-бүл хамгин һоллгчнь болн үнтә зөөрнь болна. Эк-эцк болһн күүкдиннь төлә цугинь кехәр шунна, өлзәтә сән үрд өскхин төлә чик сурһмҗ өгнә. Сән авъяст тохрсар эн сән өдрлә өнр-өсклң, отг-әәмгтән күндтә, олна бәәдл-җирһлд шунмһаһар орлцдг өрк-бүлмүдиг йөрәҗ, эднә күцәмҗәр бахмҗ кенә.

    • 15-05-2021, 12:06 | Зіњг
  • Эрүл-менд харлһна көдләчнриг йөрәв

    Шидр Хальмг Таңһчин Толһач Хаска Бату нарт-делкәд медицинск эгчин Өдрт нерәдгдсн байрин керг-үүлдврт орлцв. Эн Хахлына Тамаран нертә медицинск колледжд болв. Керг-үүлдврт орлцачнр хөн сарин 11-д Хазн балһснд әмнәсн хаһцсн улсин санл тевчәд, нег агчмд тагчг зогсв.

    • 15-05-2021, 12:02 | Зіњг
  • Улсин тууҗ болн сойл хадһлҗ йовна

    2021-ч җилин ончта өөнин дунд Н. Пальмовин нертә Келн-улсин музейин 100 җилин өөн ик чинр зүүҗәнә. 1921-ч җилин мөрн сарин 21-д тууҗан эклсн музейин үүлдврин тускар энүнә һардач Муучан Ирина мана зәңгчлә күүндҗәнә.

    • 15-05-2021, 12:01 | Зіњг, Сойл
  • Гемтә улсин то дәкнәс өсчәнә

    Хальмг Таңһчин ах санитарн эмч Санҗин Җаңһрин зәңглсәр, сүл цагт коронавирусн гемәр гемтсн улсин то дәкнәс өсчәхнь темдглгдҗәнә. Мөрн сарин дунд эпидемиологическ бәәдл ясрад, хальдврта гемәр гемтсн улсин то баһрҗасн болхла ода теднә то өдр ирвәс өсәд йовна.

    • 15-05-2021, 12:00 | Зіњг
  • Дәәнә җилмүдт төрсн «Нүүдлә»

    Дәәч болн артист Җимбин Бадм дәәнә җилмүдт үүдәсн «Нүүдлә» дун Диилврин өдр Хальмгин хотл балһснд доладгч давхр өндрәс күңкнҗ, олн улсин оньгиг авлв. Өдгә цагт хальмг улсин дун болҗ тохрсн дууна айс дәәнәс эс хәрҗ ирсн салдсмудын санлд нерәдгдҗ балһсн деегүр тарв. Хальмг улсин артистк Очкан Анна дуулсн дун кесг тоотыг әмтнә санлд сергәв.

    • 13-05-2021, 14:51 | Сойл
  • Маршал Жуковин бумб

    Целинн района Троицкое селәнә маршал Г. Жуковин нертә дундын школын өөр цергә нертә үүлдәчин бумб тәвгдв.
    Селәнә эн школд маршал Жуковин нерн 2004-ч җилин така сарин 27-д зүүлһгдсмн. Сурһульчнртан сән медрл өгдг, сурһмҗин чик ул тәвдг школ болҗ сурһулин эн заведень таңһчд темдгтә.

    • 13-05-2021, 14:50 | Зіњг
  • Улсин тууҗ болн җирһл Ошлана Владимирин зургудт

    Эн җилин мөрн сарин 29-д хальмг зурач Ошлана Владимир 60 җилин өөнән темдглх бәәсмн. Болв билгтә зокьялчин болн цаһан саната эн күүнә җирһл харм төрхд ахр бәәҗ. 2015 җилин лу сарин 10-д зурач зуурдар өңгрсмн.

    • 13-05-2021, 14:49 | Сойл

Видео