Шидр Элст балһснд «Җилин күн» гидг марһана аш диглгдҗ, сурһуль-эрдмин, эрүл-менд харлһна, тосхлтын, жилищн-коммунальн, сойлын, волонтерск җисәнд күцәмҗ бәрсн улсин ач-тус темдглгдв. Номинац болһнд олн халхд көдлҗәх улс түрүн болҗ давулгдсн марһана дииләчнр болҗ, шишлң темдгәр ачлгдв. «Эрүл-менд харлһна халхд тәвцән орулсн төләдән» гидг номинацд «Шишлң медицинск дөң күрглһнә таңһчин төв» гидг эмнлһнә эмч Санзра Ирина диилвр бәрв.

Пушкинә шүлгт мөңкрүлгдсн хойр келн-әмтнә театрмуд 2021-ч җилин мөрн сарин хаврин сәәхн өдрмүдлә харһҗ, үүдәгч залһлдаһан батлв. А.С.Пушкин ямаран цецн шүлгч бәәсинь цаг болһн илт кевәр үзүләд бәәнә. Шүлг төрсн цагт Әрәсән ар болн өмн үзгт бәәдг хойр келн-әмтнә элчнр иигәд нүүрцҗ харһх гиҗ күн санҗасн уга болх. Цагнь ирәд, эн олн келн-әмтнә Әрәсән темдг болсн үгмүд Москвад дүңгәҗ бәәх алдр орс шүлгчин бумб деер бичгдҗ, нааран ирсн әмтнә зүрк бульглулв.

Хальмгин шаҗн лам Әрәсән ачта зурач Васькинә Владимир тал золһҗ одв. Хальмг Таңһчин күндтә иргн Владимир Савельевичиг одахн темдглсн найн җилә өөнләнь йөрәв.

Мөрн сарин эн өдрмүдт Хальмгин шаҗн лам Тэло Тулку ринпоче көдлмшин кергәр кесг харһлт кев.

Хальмг Тањєчин шаљн лам Тэло Тулку ринпоче болн Туван Камбы лам шин хурлын біішњгиг ірўслв.

Эн җилин эклцәс авн мана таңһчд дәкәд 479 күн пенсьт һарв. Ут тоодан региональн пенсионн саңд 75841 күн пенсионермүдин тоод бәәнә. Цугтаднь пенснь заканла ирлцәтәһәр цаглань батлгдв.

Әрәсән пенсионн саң Төрскән харсгч Алдр дәәнд орлцачнрт болн эрмдгтә улст җил болһн өгдг демин мөңгиг йилһҗ дуусв.

Май сарин 1 шинд нарт-делкәд 86 орн-нутгт, тер тоод Әрәсәд, хаврин болн күч-көлснә Өдр темдглнә. Мана орн-нутгт эн өдр сән авъяст тохрсар күч-көлснә коллективс митингд орлцҗ, көдләчнрин зөв харслһна төр босхна. Советин йосна цагт эн өдриг өргмҗтәһәр болн байртаһар темдглдг бәәсмн.

Давсн җилд пандемий учрад, коронавирусн гемәс хөрлһнә күнд-күчр бәәдл тогтсн цагт мана орн-нутгт түргн дөң күрглһнә көдләчнрин Өдр зарлгдв. Эн цергллтин улс гемтсн әмтнд түргн дөң күргҗ, эднә эрүл-менд харлһнд церглсн деерән күүнә әм аврлһнд туслна. Пандемий учрсн цагт эднә даавр кесг холванд өсв, юңгад гихлә эдн хальдврта гемтә улсла цугтаһаснь түрүлҗ харһна.

Федеральн Хургт җил болһн йовулдг Илгәвртән Әрәсән президент Владимир Путин улсин бәәдл-җирһлиг ясруллһнд һол оньган өгсмн. Социальн олн төрмүд дунд зуульчллһ делгрүллһнә тускар бас келгдв.
Орн-нутгин толһач зуульчллһна кэшбэкин төсвиг җилин чилгч күртл утдулхин тускар келв. «Баһ гихдән җилин чилгч күртл зуульчллһна төсвин үүлдврин болзгиг утдулх кергтә». Иргн болһнд Әрәсән аһуһар зуульчллһна путевк авлһнд һарһсн мөңгнә 25 процентинь даңцалһнд Әрәсән правительств дәкн хойр миллиард арслң мөңг йилһҗәнә.