Шар шаҗна делгрлтсн керг ик дааврта болна. Заллтын сойл болн шар шаҗна туск гүн медрл энүнд туслна. Олн-әмтнд үлгүр болҗадг улс эн зөөриг хадһлад, цааранднь тархах зөвтә. Мел тиим улсин дунд Хальмгин Шаҗн Лам гевш Тензин Чойдакин нер заах кергтә.

[b]Сүл җилмүдт мана таңһчд нег үлү Элст балһснд хаалһс болн амрлһна кесг ормс ясгдад, бәәрн улсин төлә сән таал тогтагдҗана.
Тодлхд, нидн Цугәрәсән марһана ашар Хальмг Таңһчд сән кец-таал тогталһна хойр төсвс күцәгдхмн гисн шиидвр батлгдсн болдг. «Балһсдын болн тууҗлгч селәдин делгрлт» нертә 2025 җилин марһанд орлцхар орн-нутгин регионмудас ут тоодан 424 эрлһн орҗ ирсн билә. Мана таңһчас Городовиковск, Лагань болн Элст балһсд бас эрлһсән йовулсн мөн. Тегәд марһана ашар мана хойр төсв дииләчнри

Мана таңһчд социальн теткврин 7 стационар бүрдәц үүлдҗәнә, тенд 700 һар медәт болн эрмдгтә күн бәәнә. Эн җил таңһчд үүлддг социальн бүрдәцсин материальн-техническ ул батруллһна көдлмш цааранднь күцәгдхмн.

«Кадры» гидг келн-улсин төсвин йовудт шин эрдм дасч, тааста керг олҗ авч болхмн. Тиигәд, эн җил көдлмш уга, эрмдгтә, удл уга ачта амрлһнд һарх улс, нилхән асрлһна амрлһнд бәәдг күүкд улс болн баһчуд ут тоодан 186 эрдмәр сурһуль сурч чадхмн. Тер мет цергә шишлң керг-үүлдврт орлцачнрин төлә немр 27 эрдм батлгдсна ашт эдн 213 халхар шин медрл хоршахмн.

Гемтә-шалтгта улсиг, цергә керг-үүлдврт орлцсн эрмдгтә ветеранмудыг көдлмшәр тетксн бүрдәцс болн арһлачнр көдлмшч орм бүрдәлһнд һарһсн мөңгән даңцахин төлә шаңһа дөң авч чадҗана. Эн дөң «Кадры» гидг келн-улсин төсвин «Көдлмшәр тетклһнд туслһна керг-үүлдврмүд» гидг шаңһа көтлврин йовудт күрггднә. Орн-нутгин хазнас йилһгдҗәдг мөңгнә кемҗән 200 миңһн арслң күртл тогтана.

Урҗ өдр «Калмыкия» РИА-н барин төвд Хальмг Таңһчин МВД-н ГАИ-н заллтын һардач, полицин полковник Галимджан Нурнахамбетов 2025 җилин көдлмшиннь ашинь диглҗ, эн җилин кех-күцәх тоотын тускар таңһчин седкүлчнрт келҗ өгв.

Сүл цагт үрдән асрдго эк-эцкнрин то өсәд йовна. Тедн бултад, хайгарн бәәлго, күч-көлснә дегтртән темдг тәвлгон көдлнә. Тиим улсин өрн өдр ирвәс икдәд йовна.
Одахн Октябрьск района приставмудын әңгин көдләчнрин нилчәр олн үрән асрдго эк нег сай һар арслңга өрән даңцав. Эн күүкд күн 2020 җилд насни дигт күрәд уга һурвн үрән өскдг зөвән геесн бәәҗ. Тер цагас авн, теднән хәләлго, мөңг илгәсн уга. Зарһин шиидврәр эн эк 40 часин туршт күчәр көдлх зөвтә билә. Зуг энүг бас күцәсн уга, тиигхләнь энүнә туст керг бүтәгдв. Ахр цагин болзгт күүкд күн мөңг олад, өрән бүклднь даңцасн болдг.

Найн җил хооран 1946 җилин һаха сарин 11-д Элстд ончта йовдл учрсмн. Элст балһсна чонҗд мөргүл болсн цагт Иисус Христос бууҗ ирсиг әмтн үзсн бәәҗ. Эн җил мана таңһчд эн йовдлын 80 җилин өөн темдглхмн. Үлмҗ өдрлә Хальмгин залврин Герт таңһчин Толһач Хаска Батун һардврт ирлцңгү төрәр сүүр болв.
Өөнин керг-үүлдврмүд давулхин төлә бүрдәмҗин хүүв тогтсн билә. Терүнә ханьд залврин, Элст балһсна һардврин, олна бүрдәцсин, шаҗна элчнр болн зөв-йос харлһна бүрдәцсин һардачнр орсн болдг.

Хальмг Таңһчин эрүл-менд харлһна министерствин зәңглсәр Элст балһсна поликлиникин көдләчнр лу сарин 13-д «Эрүл-мендин сө» гидг керг-үүлдвр давулхмн. Эн керг-үүлдвр өдрәр эмчд ирҗ чаддго улсин төлә бүрдәгдҗәнә.

Шидр Хальмг Таңһчд үүлддг олна хойр ниицән президентск мөрән саңгин марһанд диилвр бәрснә туск зәңг ирв. Терүнд орлцсн коммерческ биш 1469 бүрдәцин дунд Хальмгин элчнр диилвр бәрснь темдгтә. Тиигәд, хәәврин багмудын «Калмыкия» ниицән болн Төрскән харсачнрин өрк-бүлмүдин хүүв ут тоодан 3 сай 184 миңһн арслңга мөрә шүүв.