На базе Автономного учреждения Республики Калмыкия «Многофункциональный центр предоставления государственных и муниципальных услуг» в г. Элисте начальник отдела по вопросам адвокатуры, нотариата, государственной регистрации актов гражданского состояния Управления Минюста России по РК А.В. Зарахтаева провела обучающие семинары для специалистов МФЦ, осуществляющих прием документов для предоставления государственных услуг Министерства юстиции РФ, в том числе в формате видеоконференцсвязи со специалистами МФЦ, работающими в районах республики. Данные мероприятия организованы в целях совершенствования взаимодействия Управления Минюста России по РК с АУ РК «МФЦ», повышения качества предоставления государственных услуг и формирования единых подходов к приему документов.

Хальмг радион нег соңсхврин хөөн олн ухан-тоолвр үүдв. Көгҗмч, виолончелист Манҗин Дорҗин тускар терүнд келгдҗәнә. «Чолуг цомлсн цецг» гиҗ нерәдгдсн соңсхвриг урднь мана редакцд көдлҗ йовсн седкүлч Евдокия Манцина (зургт) бичсмн. Хальмг билгтнрин туск келврмүд өдгә цагт чинрән гееһәд уга болҗахиг радион режиссер Манҗин Савр архивд хадһлсн эн соңсхвр дәкнәс өггдснь чинртә йовдл болҗана.
Тәвн һар җил хооран бичгдҗ, олн улсин оньгт тусхагдсн очеркд билгтә хальмг көвүнә җирһл ахр бәәснә тускар, сурһуль-медрл авхар зүткҗәсн энүнә шунлтын тускар келгдснь тер цагт ик соньмслт үүдәсн билә.
Хальмг улсин үрд билгтә бәәснә сурһуль сурхар чидлән әрвллго шунҗ йовсна тускар соңсхд өдгә цагт чигн бахмҗта болна. Угатя улсин бүлд һарсн көвүн медрлин чинр бичкнәсн медҗ авсмн. Эк-эцкин җирһл ясрулхин төлә, билгтә бичкдүдт чик сурһмҗ өгхин төлә Манҗин Дорҗ сурһуль авхар шунсмн.
Дәкәд болхла эн радиосоңсхвр өдгә цага седкүлчнрт сән сурһмҗта болна. Энүнд келвр бичлһнә цуг янз эвтәһәр олзлгдҗ. Нүр үгднь чолу хамхлҗ урһсн цецгин дүр үзүлгдҗәнә. Урһҗ йовдг цецгт җирһх, теңгрүр зүткх ямаран ик күчн бәәнә. Болв өөрән юм үздго улсин санамр көллә харһад, тер зөргтә цецг хагсад үрнә. Цааранднь келвртән седкүлч билгтә хальмг көвүнә тускар бичҗәнә. Тер көвүнә туск цаасиг архивәс хәәһәд, терүг медҗ, үзҗ йовсн улсла харһад, Евдокия Манцина көвүнә җирһлин хаалһиг тедү мет тодрхаһар үзүлв.

Шидр Москва балһснд Хальмг Таңһчин элчллтд Әрәсән социальн болн Москва балһсна Залврин заллтын ик сурһульмудын элчнрлә харһлт болв.
Хальмг Таңһчин залврин Ахлачин дарук – Әрәсән Президентин медлд Хальмгин зөвтә элч Мучкинә Гернзл, РГСУ-н һардачин селвгч Константин Поздняков, Москва балһсна Залврин заллтын ик сурһулин багш Семен Гребеньков болн «Деловая Россия» ООО-н зуульчллһна комитетин гешүн Манҗин Зурһан терүнд орлцв.
Харһлтын йовудт сурһуль-эрдмин, зуульчллһна болн кадрмуд белдлһнә төрмүдәр нөкцлтин туст күүндвр болв.

Хальмг Таңһчд хөөнә ноос эд-бод келһнә халхар болн энүг хулдхин туст ирлцңгү көдлмш күцәгдҗәнә. Эн төр Хальмгин Толһач Хаска Батун онц бүртклһнд даңгин бәәнә гиҗ темдглх кергтә.
2026 җилд таңһчин эдл-ахуст ут тоодан 2148,4 тонн хөөнә ноосн кирһҗ авгдв. Нег хөөнәс болхла дундлад һурвн килограмм цевр ноосн һарв. Тавн зун тонн иим ноосн даңгин хулдгдна.

Шидр Хальмг Таңһчин селәнә эдл-ахун министр Гаван Тимур Яшалтан районд одад, урһц хуралһна йовудыг бүрткв. Района тәрәчнр эн өдрмүдт кеер көдләд, сән урһц хураҗ авхин төлә гүҗрҗ көдлҗәнә. Ода деерән района селәнә эдл-ахус 159 миңһн тонн буудя хураҗ авсн бәәнә, дааврта көдлмш цаарандан давҗана. Тәрә тәрлһнә, урһц хуралһна көдлмш дигтә-даратаһар давхин төлә района эдл-ахус эн җил шаңһас 30 сай арслңга дем авсн билә.

Җил болһн ноха сарин эклцәр Көк теңгсин көвәд бәәршлҗәдг лаганяхн бадм цецгин наадм өргмҗтәһәр давулдгнь ода сән авъяст тохрв. Эннь өдгә цагт Хальмгт зуни кемд бүрдәгддг зуульчллһна халхар һоллгч йовдл болҗана, гиҗ өгҗәллһн угаһар келҗ болхмн. Тегәд эн җилин наадм юуһарн өвәрц болхмн гихлә, энүнд сойлын, спортын, эргндк бәәдлин болн зуульчллһна төрмүд негдҗ үзүлгдх болҗ һарна. Йириндән болхла шар шаҗнд шүтдг улсин төлә әрүн чинртә эн цецгин сәәхн үнр эргндән каңкнад, өврмҗтә бәәдл тогтана эсий?! Басл сүркә юмн гиһит!Эн района Җалһан нертә селәнә шидр усн дотр урһҗадг бадм цецгиг һәәххәр кесг һазрас олн зуульчнр ирдг болв.

Ик дамшлтта, нутг дундан тоомсрта, күндтә, ачта багш Босхмҗин Надежда (зургт) дөчн һар җилдән дорас өсч йовдг үйнрт төрскн кел болн утх-зокъял зааҗ йовсмн. Эн Новосибирск мүҗин Болотнинск района Ширяевка селәнд тууврт бәәсн хальмгудын өрк-бүлд һарсмн. Сурһульчнрт хальмг кел дасхсн деерән Надежда Дельмановна шүлгүд болн келврмүд бичәд, кесг дегтрмүд барас һарһв. Дегтрмүдинь умшад, «Хальмг үнн» газетин умшачнрла ухан-тоолврарн хувалцҗанав.
«Седклин заль» нертә түрүн хураңһунь 2024 җилд барас һарсн билә. Үүрмүдтән, үрдтән болн ачнр-зеенртән нерәдсн эн дегтрт шүлгүд болн ахр келврмүд орв. Дарани «Мини иткл» гидг дегтрт болхла хальмг туульсар дамҗад, бичкдүдин төлә кесг наад бичв. Олн җилдән сурһульчнрт медрл болн төрскнч сурһмҗ өгәд, Босхмҗин Надежда наадд олзлад, көвүд-күүкдиг яһҗ соньмсулҗ болхинь сәәнәр меднә.

Көтчнрә районд нертә номт, гегәрүләч, олна үүлдәч Очра Номтын 140 җилин өөн темдглхәр белдҗәнә. «Җаңһриг» бичҗ авч, хальмг улсин баатрлг дуулвриг хадһлсарн әмтнә уханд Очра Номт тодлгдсн болдг.
Ончта эн өөнд белдәд, Очра Номтын неринь мөңкрүлх бәәриг тогтахар көтчнрәхн шиидв. Очра Номт олн җилдән Көтчнрт бәәсмн. Хальмгин ачта үрнә нер зүүҗәдг уульнцд Очра Номт бәәсн гер чигн ода күртл бәәнә.

1941 җилин мөчн сарин 22 өдр мана орн-нутгин әмтнд тодлгдсн һашута өдр болв. Тер цагас авн давсн 85 җилин өөнд нерәдәд, «Дииләчнрин илгәвр. 1945-2045 үйнрин залһлдан» гидг нертәһәр төрскнч седклин керг-үүлдвр цуг орн-нутгар давулгдв.
Дән экләд, орн-нутгин саяд залу, көвүн, бу даахарн, цугтан нутган харсхар боссмн. Арднь үлдсн көгшд, күүкд улс, арвтнр дәәчнриг цуг тоотар теткхәр унтл-кевтл уга көдлҗ йовсмн. Дөрвн җил болсн аврлт уга дәәнд мана ик нутгин 27 сай күн Төрскән харсч, әмнәсн хаһцсмн. Диилвр делдсн улсин санлд нерәдҗ, цуг Әрәсәд эн өдр санлын керг-үүлдврмүд болв. Тиим керг-үүлдвр Н. Пальмовин нертә Келн-улсин музейд бас бүрдәгдв.

Әрәсән улсин ниицлтин җилд нерәдгдсн керг-үүлдврмүд таңһчин район болһнд давулгдҗ, хальмг һазрт олн келн-улс ниитә бәәхиг герчлҗәнә. Шидр Хальмг Таңһчин күүкд улсин олна ниицәнә седвәрәр болсн «Ниицлтд мана күчн» гидг наадмд Городовиковск, Баһ Дөрвдә, Октябрьск, Сарпан, Көтчнрә болн Целинн райодын элчнр орлцад, олн келн-улсин сойлла таньлдулв. Садовое селәнә сойлын Герт болсн керг-үүлдврт хальмг, орс, корей, түрг болн нань чигн талдан келн-улсин хувцта өмссн улсиг үзҗ болхмн билә.