• «Промсвязьбанкин» һардврла харһв

    Хальмг Таңһчин Толһач Хаска Бату «Промсвязьбанк» ПАО-н Өмн үзгин әңгин һардач Роза Фискинала болн банкин Элстин әңгин һардач Тарбан Нарнла харһҗ күүндв.
    Энүнә йовудт нөкцлтин халхар күүндвр болв. Өдгә цагт «Промсвязьбанк» орн-нутгин чинртә төсвст орлцҗана, тер мет харслһна промышленностин бүрдәцсиг дөңннә, кредитн мөңг йилһҗ өгнә болн талдан шишлң көтлврмүдт бас орлцна. Зуульчллһ делгрүллһнд бас тусан күргҗ йовна.

    • 25-01-2025, 12:51
  • Күн болһнд дөңгән күргхәр

    Хальмг Таңһчин Улсин Хуралд (Парламентд) «Шин улс» партин әңгиг һардҗадг Гаджи Фероян эн җил түрүн болҗ әмтнлә харһҗ, эдниг үүмүлҗәдг төрмүдәр соньмсв. Депутат әмтнлә харһлтс давулҗ теднә төрмүдт орлцҗ даңгин дөңгән күргнә. Батлгдсн диг-дараһар долан хонг болһн депутат әмтнлә харһҗ эс гиҗ өдгә цага эв-арһс олзлҗ видеозалһлдаһар күүнднә.

    • 25-01-2025, 12:40
  • Олна күчәр керг бүтх

    Шин 2025 җил Төрскән харсачин җил гиҗ Әрәсән Президент Владимир Путин зарлла, тегәд эн җил Төрскән харсгч Алдр дәәнә ветеранмудт, тылд көдлҗәсн мана аавнр-ээҗнрт, цергә керг-үүлдврт орлцҗадг баатрмудт болн теднә өрк-бүлмүдт һол оньг өггдх. СВО-д орлцҗадг дәәчнрт дөң күрглһнә керг бас чинрән геелго өргнәр күцәгдхмн.

    • 25-01-2025, 12:33
  • Хальмг наадһасиг Москвад үзүлв

    Урн һарин эрдмчнрин кегдлмүд үзхләрн бидн олн ке-сәәхн тоотыг һәәхҗ байрлнавидн. Келн-улсин наадһас үзхләрн нег үлү соньмсч, чееҗ байрар дүүрнә. Юнгад гихлә, наадһаст урн һарин эрдм орсн деерән улсин тууҗ, заң-авц, ке-сәәхнә туск медрл орсинь бидн медҗ авнавидн. Давсн җилин чилгчәр Москвад Экспо-төвд өөнин соньн нег һәәхүл көдлсн билә. Терүнд олн келн-улсин наадһас үзүлгдлә.

    • 25-01-2025, 12:24
  • Зуульчллһна алвна тускар

    Эн җилин эклцәс авн Хальмг Таңһчд зуульчллһна алвн орулгдҗана. Кен терүгинь өгхин тускар кегдсн цәәлһврт зуульчллһна туст туслмҗ күргҗәдг бүрдәцс болн онц арһлачнр тер алвиг орулҗ өгх зөвтә. Шин алвн нурһлҗ Элст балһснд олзлгдҗана. Гиичлүрмүд ик зуудан хотл балһснд бәәнә.

    • 25-01-2025, 12:21
  • Залу күүнд зөрг – чимг

    Бадмин Җаңһр төрскнч седклтә, чик авг-бәрцтә, өгсн үгдән итклтә йоста хальмг залу мөн. Дунд сурһулян төгсәснә хөөн эн әәрмд мордад, хойр җилдән орн-нутгиннь меҗә харҗ ик даавртаһар цергә кергән күцәсмн. Әәрмд хоршасн дамшлт энүнд дәкәд керглгдх гиҗ эн санҗасн уга, болв цергә шишлң керг-үүлдвр эклхлә эн түрүн зергләнд эврә сән дурар цергә бооца батлв. Тәвн нас һарсн күн баһчудла зерглҗ церглхд зөвәр күнд болх гиҗ кесг улс энүнд келҗ, сәәнәр ухалхиг сурв, болв залу күн шиидврән сольсн уга. Авальнь болн һурвн үрнь дотран зовсн бийнь энүнә шиидвриг дөңнснь ик урмд өгв.

    • 23-01-2025, 17:00
  • Көдлмшин зура батлв

    Хальмг Таңһчин Улсин Хуралын (Парламентин) Ахлач Артем Михайловин һардврт таңһчин зака үүдәгч бүрдәцин Хүүвин сүүр болв. Терүнд таңһчин Улсин Хуралын Ахлачин дарукс Нуура Николай болн Бадмин Вячеслав, комитетмүдин һардачнр Кокан Михаил, Гаджи Фероян, Хаалһин Очр болн Эрнҗәнә Петр орлцв.

    • 23-01-2025, 16:44
  • Поликлиникин тосхлтыг бүрткв

    Хальмг Таңһчин Улсин Хуралын (Парламентин) Ахлач Артем Михайлов Хальмг Таңһчин залврин Ахлачин дарукин үүл дааҗадг Александр Мишаковла болн таңһчин эрүл-менд харлһна министрин үүл дааҗадг Саран Булатла хамдан Приютное селәнд поликлиникин тосхлтыг бүрткв. Тосхлтын көдлмш одахн энд эклв. Шин поликлиник «Эрүл-менд харлһна түрүн дөң күрглһнә халх шинрүллһн» гидг орн-нутгин көтлврин медлд тосхгдҗана.

    • 23-01-2025, 16:37
  • Цергчнриг дөңнәд

    Цергә шишлң керг-үүлдврт орлцачнрт мана таңһчин һардвр, арһлачнр, эгл улс чигн дөң-тусан даңгин күргнә. Дулан хувцн, махна зүүтә хот-хол, цергә шишлң кергсл болн талдан тоот тиигәрән йовулгдна.

    • 23-01-2025, 16:37

Видео