Кемҗәлгдсн дааврта бүрдәц тосн-түлә хулддг компаньд нәәмн сай арслң өртә бәәсмн. Ирлцңгү бәрмт цаасн Элстин приставмудын 1-ч тойгта әңгд илгәгдв.

Бар сарин 5-д таңһчин залврин бәәрнд юристин сән Өдрт нерәдсн байрин хург болв. Терүнд Хальмгин ирлцңгү бүрдәцсин көдләчнриг йөрәҗ ачлв. Байрин йовудт «Җилин юрист» нертә мөрән дииләчнрин нерд заагдсн билә.

Тааста эрдмәрн олн җилдән нег ормд көдләд олн дунд ик күндллһ болн тоомср олсн улс ода ховр. Баһ цагтан эгл көдләчәр экләд, байн дамшлт хоршаҗ, өөдән мергҗлттә болад, күч-көлснә хаалһан эклҗәдг баһчудт үлгүр болдг улсин тускар эрк биш бичҗ олнд медүлх кергтә гиҗ сангдна. Одахн мана редакцур медәт Басана Александр орҗ ирәд, Баһ Дөрвдә района электрокүчәр тетклһнә бүрдәцд (РЭС) тәвн җилдән Виктор Мацакович Ванькаев көдлҗәхин тускар хувалцад, терүнә тускар цөөкн бүлән үг бичхиг сурв.

Ода мана таңһчд «Баатрмуд-08»гидг көтлвр өргнәр күцәгдҗәнә. Түүнд СВО-н ветеранмуд орлцҗана. Хөөннь эдн таңһчин болн райодын бүрдәцст көдлх маһд уга. Теднд шин эрдмиг дасхлһна көдлмшиг Хальмг ик сурһулин багшнр күцәҗәнә, эднд талдан ик сурһульмудын элчнр дөң болҗана. Давсн долан хонгт Элстд, «Негдсн Әрәсә» партин Олна дөңнлтин штабин герт «Баатрмуд-08» көтлврин дарани кичәлмүд болв. Энүг Әрәсән Президентин медлд бәәх РАНХиГС-ин Орн-нутгин залврин ик сурһулин (ВШГУ) шинҗләчнр «Экономик болн финансы» модулин кемҗәнд дамшуллһна ничәлмүд кев.

Давсн басң өдрлә Элстд бичкдүдин үүдәлтин бәәшңд таңһчин «Медрл» ниицән Нюрнбергин зарһин 80 җилин өөнд нерәдсн хург-кинолекторий кев. Терүнә йовудыг ниицәнә лектор, Элст балһсна һардачин дарук Дмитрий Довгополов һардв. Хургт баһ наста багшнр, колледжмүдин оютнр, олна бүрдәцсин элчнр орлцв.

Хальмг Таңһчин улс Зулын байрт белдвр кеҗәнә. Эн өдрмүдт әмтн олар хурлд ирҗәхиг үзҗ болхмн. Җилиг ашлдг эн байрт белдсн цагтан ах үйин улсин санлыг тевчҗ, аав-ээҗнртән, өөрхн элгн-садндан йөрәл авхулхар әмтн хурлд ирнә.

Хальмг ик сурһульд «Памятники фольклора монгольских народов» иим нертә номин гүн щинҗллтиг олна оньгт шидр тусхагдв. Цуг делкән, орн-нутгин болн таңһчин номин делгрлтд эннь ик чинртә йовдл болв. Хальмгин, Бурятин болн Моңһлын номтнрин хамцу шинҗллтин олн җилә көдлмшин ашт арвн ботьта эн хураңһу барас һарсмн.

Бар сарин 6-д Хаска Бату Тулан мүҗин губернатор Дмитрий Миляевла харһв. Селәнә эдл-ахун, зуульчллһна, сойлын, сурһуль-эрдмин халхсар нөкцлтхәр күүндсн билә. Эн туст ирлцңгү бооцан белдгдҗәнә.
– Тулан мүҗд «Большие калмыки» нертә селән бәәдгнь темдгтә болв. XVIII зун җилд Аюка хаана орлцлһтаһар болсн йовдлмудла эн селәнә тууҗ залһлдата болсинь медвидн. Хойр региона төсвсиг күцәхин төлә көдлмшән цааранднь даавртаһар бүрдәхвидн, – гиҗ Хаска Бату товчлв.
Тенд Хальмгин делегац Тулан мүҗин залврин элчнрлә хоккей наадв. Цогц-махмудан батрулсн деерән спортын эв-арһар нөкцлтән делгрүлхәр бас шунҗана. – Эн наадыг бүрдәсн Тулан мүҗин залврт ханлтан күргҗәнәв, – гиҗ Бату Сергеевич темдглсн болдг.

Шидр Элстд юристин сән Өдрт нерәдсн байрин хург болв. Эн халхин ветеранмуд, зарһсин, зөв-йос харлһна бүрдәцсин көдләчнр, Б.Б.Городовиковин нертә заллтын болн зөвин дацңгин багшнр, оютнр болн күндтә гиичнр Хальмгин залврин бәәрнд цуглрв.
Хальмг Таңһчин Толһач Хаска Батун йөрәлин үгиг энүнә һардврин ахлачин дарук Тарбан Савар умшҗ олнд соңсулв.

Күн болһна җирһл әдл болхш. Зәрм улс күүкдиннь болн олн ачнр-зеенриннь килмҗтә хәләврт көгшрнә, наадкснь болхла өсәд-боссн күүкдтән нүүҗ төрскн һазрасн салхар седхш. Тер цагт һанцарн бәәдг медәтнрт социальн көдләчнр дөң-тусан күргҗ, олн зүсн төрмүд хаһлна. Эдн нег-негнәннь седкл медҗ, элгн-саднла әдл байр-зовлңган әдл хувалцҗ, өөрхн улс болна. Целинн района Овата селәнд бәәдг Бельтрикә Зинаида арвн хойр җилдән социальн көдләч болҗ көдлҗәнә. Эн җилмүдин эргцд Зинаида Санджиевна энүнә хәләврт бәәдг медәтнрт итклтә нөкд болв.