Мана таңһчин ик сурһульд оютнриг урмдуллһна кесг эв-арһ бәәнә. Болв ик кемҗәтә стипендь авхин төлә кесг невкрлә ирлцҗ сурх кергтә. Хамгин түрүнд сәәнәр сурад, тер мет номар соньмсад, олна керг-үүлдврт шунмһаһар орлцҗ, олнд үлгүр болҗ нерән дуудулад бәәхлә, тер ачлвриг авч болхмн.
Хальмг ик сурһулин шишлң комиссин шиидврәр ут турштан 175 күн тиим ачта стипендиг авх зөвтә болв. Тер тоод муниципальн заллтын, багшин болн нань чигн дацңгудын оютнр тиим күцәмҗ бәрв. Өөдән стипендиг авчадг оютнр номин статьяһан олнд темдгтә седкүлд барлна, Цугәрәсән марһаст орлцҗ мөрә авна, эврә төсвән күцәҗ, терүнд кесг улсиг, тер тоод сурһульчнриг орлцулна.

Эн өдрмүдт җил болһн болдг «Абилимпикс» таңһчин марһан Элстин политехникин колледжд эклв. Энд цуглрсн марһанд орлцачнриг болн шинҗләчнриг таңһчин сурһуль-эрдмин болн номин министерствин ахлгч мергҗлт Кермн Муева йөрәҗ күцәмҗ дурдв.

Мана таңһч бамб цецгин наадмд экләд белдҗәнә. Хаврин хамгин сәәхн байр мөрн сарин 4-әс авн 26 күртл давулгдхмн.

Хальмг Таңһчин Толһач Хаска Батун седвәрәр болн «Негдсн Әрәсә» партин Хальмг региональн әңгин «Эрүл-менд иргч» гидг төсвин йовудт бүрдәгдсн «Эрүл-менд бәәтн!» гидг керг-үүлдврин дарани девсң төгсхдән өөрдҗ йовна. Эн сарин эклцәс авн эмчнр таңһчин хол селәдт бәәдг әмтнә эрүл-мендин бәәдл шинҗлҗ дөңгән күргҗәнә. Ода деерән зуг Яшкулин, Баһ Дөрвдә болн Целинн райодт эмчнр одад уга.

Урҗ өдр Элстд болсн Хальмг Таңһчин залврин сүүрт 2025 җилд таңһчин социальн-экономическ делгрлтин аш диглв, ирх җилд эрүл-менд харлһна халхиг шинрүллһнә төсв күцәлһнә болн гер-бүүрин тосхлтын тускар өргн күүндвр болв. Чинртә төрмүдәр болсн сүүрт Әрәсән Президентин ЮФО-д үүлддг элчллтин таңһчд ах федеральн инспектор Александр Беляев, Хальмг Таңһчин Улсин Хуралын (Парламентин) Ахлач Артем Михайлов орлцад, залврин гешүдт соньмсулҗадг төрмүдәр сурврмудан өгв.

Одахн Элст балһсна һардврин селвлцәнә йовудт 2026 җилд күцәгдх төсвс батлгдсн билә.

Җил болһн моһа сарин 24-д цуг нарт-делкәд садв гемәс хөрлһнә Өдр темдглнә. Эрүл-менд харлһна нарт-делкән бүрдәцин болн садв гемәс хөрлһнә ниицәнә седвәрәр эн өдриг 1982 җиләс авн темдглдг болсмн. Эн җил мана орн-нутгт долан хонгин туршарт әәмшгтә гемәс хөрлһнә керг-үүлдврмүд давулгдҗана. Сән авъяст тохрсар мана таңһчд бас «Цаһан камб цецг» гидг кергин йовудт балһсна төв талвңд мобильн флюорограф көдлнә, тегәд энд әмтн шинҗллт кеҗ чадна.

Хальмг келн-улсин олн зүсн авъясмуд дунд күндллһнә авъясин чинр темдглҗ болхмн. Бичкдүдт нилх цагаснь авн заавр-сурһмҗ өгх кергтә, энүнд эк-эцкнь бийснь сән үлгүр болх зөвтә. Невчк өсхләрн эврә улсин үлгүрмүд, йөрәлмүд, авъясмуд дасч авхла, бийсднь туста болх.
Ик кезәнәс нааран хальмг улс көгшдән, ахнран, хәрин улсан күндлдг сәәхн авъяс бәәнә. Эн даслт кезәнәс нааран яснд, толһан экнд үлдсн юмн болҗана, идәни дееҗән медәтнртән өгәд дасчксмн.

Нег эцк хойр көвүтә бәәҗ.
– Намаг үкхлә, цуг юмсан әдләр хуваҗ автн, – гиҗ эн көвүдтән келнә.

Шидр Хальмг Таңһчин йиртмҗин көрңгин болн эргндк бәәдл харлһна министерствин көдләчнр Элистинка һолын көвәһәр хог-бог ахулв.
Усна көрңгин нарт-делкән өдр угтад, министерствин мергҗлтнр «Калмкаспвод» бүрдәцин элчнрлә хамдан «Әрәсән усн» орн-нутгин керг-үүлдврт орлцв. Һолмудын болн нуурмудын көвәг цеврләд, бәәрн әмтн эргндк бәәдлиг әрүнәр хадһлтха гисн күсл тәвгдҗәнә.