• Сүл хоңх таңһчин цуг сурһульмудт җиңнв

    Эндр Хальмг Таңһчин цуг сурһульмудт «Сүл хоңх» байрин керг-үүлдвр болв. Эн җил 11-ч класс төгсәҗәдг күсдундур миңһн шаху болн 9-ч класс төгсәҗәдг һурвн миңһн сурһульчин төлә сүл хоңх җиңнв. Удл уга эдн шаңһа шүүврән өгхмн. Элст балһсна Көглтин Даван нертә 17-ч тойгта сурһулин 11-ч «Б» классин сурһульчнр мөчн сард эклх шүүврән өгснә хөөн тааста эрдмән шүүҗ авад, ик сурһульд орхар шунхмн.

    • 27-05-2026, 10:37
  • Теңгрин одд өврмҗтә болв

    Бембә өдрлә Целинн района Хар Булг селәнд «Одд гилвкҗәдг теңгр» нертә наадм болв. Теңгрин одд хәләхдән, көгҗмд болн йиртмҗд дурта улсиг эн керг-үүлдвр хамцулв. Харңһу сөөһәр болсн бийнь наадмд олн-әмтн ирв.

    • 27-05-2026, 10:34
  • Төрскән харсачнрин экнр зуульчлв

    Шидр цергә шишлң керг-үүлдвр давҗадг һазрт хәәртә үрдән геесн экнр «СВОих не бросаем» төсвин йовудт «Государева дорога» нертә тууҗлгч хаалһар поездәр зуульчлад ирв.

    • 27-05-2026, 10:18
  • Үрс Сарин буйнта керг

    Мана өвкнрин хуучн авъясар Үрс Сард кесн сән кергин буйн кесг холванд икдҗ, олнд туста болна гиҗ тоолгддг. Шидр Хальмг Таңһчин күүкд улсин ниицәнә Үстин районд үүлддг әңгин гешүдин седвәрәр Элстин социальн теткврин бүрдәцд болн медәтнрин гер-интернатд буйнч седклин керг күцәгдв. Һурвн зун дууна һазрт Иҗл һолын көвәд бәәдг үстихн өнчн бичкдүдт болн гемтә-шалтгта медәтнрт билг-эрдмән үзүлҗ, белгән нерәдҗ, шикр-балтаһар тоов.

    • 27-05-2026, 10:14
  • Арһлач – арһта күн

    Эндр мана орн-нутгт арһлачнрин сән Өдр болҗана. Эн өдриг Әрәсән Президентин зәрлгәс иштә 2007 җиләс авн темдглдг болсмн. Дигтә тер җилд баһ болн дунд бизнес делгрүллһнә туск закан батлгдсн билә. Эн җилин эклцәр кесн то-дигәр, мана орн-нутгт тавн сай күн онц арһлач болҗ эврә кергән делгрүлҗәнә. Сүл җилмүдт арһлачнриг дөңнлһнә, эврә керг бүрдәх саната улст нөкд боллһна керг-үүлдврмүд сән йовудтаһар күцәгдҗәнә.

    • 27-05-2026, 10:05
  • Хальмгин баатрмудын нерд сергәв

    Одахн НТВ телеүзләр «Уроки русского» һарцин йовудт хальмг келн-улсин тууҗин тускар келгдв. Эн соңсхвриг олна үүлдәч, бичәч Захар Прилепин давулна.

    • 23-05-2026, 14:49
  • Төлин то олн болҗ

    Таңһчин эдл-ахуст 2026 җилин төл авлһна дааврта кем төгсчәнә. Өдгә цагт энүнә ашнь диглгдҗәнә. Намрар Хальмг Таңһчин селәнә эдл-ахун министерствин зәңглсәр, АПК-н халхиг делгрүллһнә көтлврин халхар кесг малчнр болн фермермүд шаңһа дем авсмн. Мана таңһчд тәвн һар бүрдәцд хальмг тохма мал асргдҗана.
    Эн җил таңһчин эдл-ахуст 1,4 сай шаху хөн болн 300 миңһн шаху толһа бод мал үвлзв. Таңһчин райодын зәрм эдл-ахуст төл авлһна кем эртәр эклв. Эн җилин зураһар цуг эдл-ахуст 100 үкрәс 100 туһл, 100 хөөнәс болхла 100 хурһ авх болҗ зуралгдҗасмн. Хөд ик зуудан мөрн сард хурһлв. Сән төл авхин төлә хөөчнр хаша-хаацан ясад, дулалад дааврта кемд белдв. Темдглхәс, чинәнь дор орсн малыг зәрм ормар бордад, шимтә өвсәр теткәд, арднь орҗ хәләв.

    • 23-05-2026, 14:19
  • Һазр тәклһнә йосрхл

    Хальмгудтан хәәртә бәәрнд Һанц модна өөр хөн сарин 21-д шаҗна чинртә йосрхл күцәгдв. Җил болһн Бурхн Багшин Алтн сүмин шаҗна үүлдәчнр һазр тәклһнә йосрхл энд күцәнә. Үрс Сарин байрта цагла эн үүлдвр күцәгддгнь нег үлү евәлтә болна. Хальмгин Шаҗн Лам гевш Тензин Чойдак болн хурлын гелңгүд эн үүлдвриг күцәв.
    Хаврин сәәхн өдрлә Һанц модна өөр әмтн олар цуглрв. Төрскн һазртан күндллһән медүлхәр әмтн авъяс болсн шаҗна йосрхлд орлцна. Һазр тәклһнә йосрхл кезәнәс авн кегдҗ йовсн үүлдвр болҗана.

    • 23-05-2026, 14:17
  • «Әрәсән нүүрләчнр» марһанд ончрв

    Москвад «Әрәсән нүүрләчнр.Политик» заллтын мергҗлтнриг белдлһнә халхар болсн марһана дарани девсңгин ашнь диглгдв. Келхд, эн марһан орн-нутгин Президентин даалһврар давулгдна. Олна-политикин халхар медрлтә, дамшлтта нүүрләчнриг йилһҗ авхин төлә эннь бүрдәгднә.

    • 23-05-2026, 13:40

Видео