• Әәмшг уга бәәдл теткҗ

    Шидр «Госкорпорация по ОрВД» ФГУП-ин «Аэронавигация Юга» Аһшин төвин Элстин әңгин һучн җилин өөнд нерәдгдсн байрин хург болв. 1996 җилд мөчн сарин 1-д болсн шинрлтсин ашт Элстин әңг бүрдәгдәд, таңһчин хотл балһсна аэродромд аһарин җисә заллһна болн әәмшг уга бәәдл тетклһнә үүлдврән эн эклсмн. Эн җилмүдин эргцд әңгин мергҗлтнр Әрәсән Өмн үзгт әәмшг угаһар нисхин төлә ирлцңгү таал тогтаҗ, өдгә цага эв-арһс өргнәр олзлдг болад, таңһчд дигтә-дарата үүлдвр теткв. Байрин хургт олн җилин туршарт үнн-чик кевәр церглҗ йовдг мергҗлтнриг ачлад, бүрдәцин делгрлтд туслҗадг улсин тускар бүләнәр келв.

    • 09-06-2026, 11:41
  • Бахмҗ болх улсин нерд заагдхмн

    «Келн-улсин бахмҗ – 2026» гидг марһанд Хальмг Таңһчин әмтн орлцҗ чадҗана. Цугәрәсән олна мөрән VII марһанд орлцх улсин нердиг зааҗ болхмн. Әрәсән келн-улсин негдлт батллһнд болн этносойлын делгрлтд ач-тусан күргҗәдг улсин нердиг тер марһанд орулх арһ бәәнә.
    «Келн-улсин бахмҗ - 2026» гидг мөрә олна үүлдврт, келн-улсин хоорндк хәрлцә делгрүллһнд орлцдг эврә сән дурар кедг олна көдлмш күцәҗәдг седвәртә үүлдәчнриг темдглх күслтәһәр үүдәгдсн болна.

    • 09-06-2026, 11:38
  • Таңһчин экономик делгрхин халхар

    Шидр Хальмг Таңһчин ачта улсин Хүүвин гешүд Хальмг Таңһчин Улсин Хуралын (Парламентин) депутат, «Делгрлтин күчн» җисәнә һардач Михаил Богатовла харһв. Эн җил моһа сард «Негдсн Әрәсә» партин хургин йовудт таңһчин ачта улсин Хүүвин ахлач Пашнана Эрднь «Делгрлтин күчн» гидг промышленностиг делгрүллһиг дөңнҗәдг олна җисә бүрдәлһнә седвәр орулсн билә. Шин җисәг таңһчин Улсин Хуралын (Парламентин) депутат Михаил Богатов һардҗ чадхмн, гиҗ Эрднь Лиджиевич ухан-тоолврарн хувалцсн билә, таңһчин Толһач Хаска Бату эн седвәриг дөңнәд, шин җисәнә һардачиг үүлднь батлсмн.

    • 09-06-2026, 11:34
  • Хальмг номтнрин күцәмҗ

    Б.Б. Городовиковин нертә Хальмг ик сурһулин номтнр бурхн-шаҗна сурһуль-эрдмиг болн номин шинҗллтиг дөңнлһнә саңгин марһанд диилвр бәрв. Шаҗна төрәр шинҗллт кеһәд, номта үүдәврмүд орчулхин туст марһан зарлгдсн билә. Марһанд эврә шинҗллтән орулснь – тууҗин номин доктор, «Евразийин делкәд өөрднр болн хальмгуд» гидг нарт-делкән номин-шинҗллтин төвин седкүлин ах редактор Бадмин Екатерина, номин хойр профессор Бичән Баазр болн Улана Мергн, филолог номин кандидат Менян Бадм болв.

    • 09-06-2026, 11:18
  • Манла Бурхнд зальврад

    Җил хооран Элстд Бурхн Багш һарсн, Гегәрлтин хаалһд орсн, махапаранирванад залрҗ һарсн өдрлә П. Жемчуевин нертә таңһчин эмнлһнә өөр Манла бурхна суврһн босхгдсн билә. Олн күн зальврҗ нааран ирнә.

    • 09-06-2026, 11:13
  • Цаһан Уснд суврһн босхгдв

    Яшкулин района Цаһан Усн селәнд Эвин суврһна эргндк бәәриг ясч цеврллһнә көдлмш төгсв.
    Эвин суврһн эн һазрин улс цуглулсн мөңгәр босхгдсмн. Суврһ тосхлһнд буйнч седклтә нань чигн улс дөңгән күргсмн. Ода шаҗна эн тосхлт селәнә паркд дүңгәҗ олн улсиг тосч авчана.

    • 09-06-2026, 11:01
  • Иргнмүдин төрмүдт орлцв

    Шидр Хальмг Таңһчин Толһач Хаска Бату Әрәсән Президент Владимир Путинә даалһврар ЮФО-д энүнә зөвтә элч Владимир Устиновлә хамдан иргнмүдлә харһад төрмүдтнь орлцв.

    • 30-05-2026, 15:14
  • Нөкцлт делгрҗәнә

    Шидр Элстд Казахстана Атырауск мүҗин делегац ирсн билә. Хальмгин Толһач Хаска Бату Атырауск мүҗин Акиман дарук Марат Мурзиевла болн Әәдрхн балһснд үүлдг Казахстана элч Канат Хасеновла харһв.

    • 30-05-2026, 15:11
  • Әрәсән министрин дарукла харһв

    Эн долан хонгт Элстд тохма хөөдин болн ямадын XXVI Әрәсән һәәхүл давулгдв. Мана тал орн-нутгин нүүрлгч эдл-ахус малан авч ирәд үзүлв. Энүнә йовудт Хальмг Таңһчин Толһач Хаска Бату Әрәсән селәнә эдл-ахун министрин дарук Роман Некрасовла харһв.

    • 30-05-2026, 15:07
  • Бурхн Багшин һарсн өдр

    Хальмг Таңһчин Толһач Хаска Бату Бурхн Багшин гегән һарсн өдриг келн-улсин байр гиҗ темдглхин туск зәрлг батлв. Хөн сарин 31-д эн өдр темдглгдхмн.

    • 30-05-2026, 15:03

Видео