• Хальмг хувциг Моңһлд үзүлв

    Така сарин 6-д Улан Баатр балһснд моңһл келтнрин хувц үзүллһнә керг-үүлдвр болв. Хальмг Таңһчин элч уяч Зинаида Четыреван үүдәсн шишлң хувцн үзүлгдснь темдгтә болв. Урҗ өдр «Калмыкия» РИА-н барин төвд энүнә тускар күүндвр болв.

    • 17-07-2025, 14:32
  • Селәнә бичкдүдин «Байр»

    Үстин района Харба селәнд үүлддг «Байр» бичкдүдин садт ода 16 күүкн-көвүн орна. Сурһуль-эрдмин бүрдәц «Төрсн цагас авн сурһульд орх күртл» гидг көтлврәр көдлнә, тегәд сурһмҗлачнр бичкдүдиг сурһульднь белдҗ, эднә билг-эрдм делгрүлнә. Ах сурһмҗлач Лолита Китаева сурһулин бүрдәциг һардна. Одахн бидн көдлмшин кергәр селәнд одсн кемд бичкдүдин садт орад, эднә өдр-бүрин тускар соньмсвидн. Мадниг орҗ ирхлә бичкдүд дигтә үдин хотан ууһад, орндан орхар белдҗәсмн. Күүнә күн орҗ ирсиг үзәд, өкәр күүкд-көвүд маднла мендлв.

    • 17-07-2025, 13:56
  • Чадмг цергчнр болхмн

    Одахн Аһшин мүҗин харслтын-спортын «Авангард» лагерин ул деер «Зарница 2.0» гидг цергә-төрскнч наадн болв. Эн җилин марһанд зурһан өдрин эргцд Аһшин, Әәдрхнә, Ростовин мүҗсин, Хальмг Таңһчин, Адыгейин, Крымин , Краснодарск крайин, Севастополин, тер мет Донецк болн Луганск Улсин Республикүдин, Запорожск болн Херсонск мүҗсин 32 баг дөрлдв. Түүнә дииләчнр һаха сард Цугәрәсән марһанд чидлән сөрх. Хальмг сурһульчнр насна һурвн зергләнд ЮФО-н дөрлдәнд орлцв.

    • 17-07-2025, 13:49
  • Бурхн Багшин махла Элстд авч ирхмн

    Энткгин һазрт һар бичгин эрдм ямаран бәәсинь медҗ авхд Хальмгт даруһас болх һәәхүл медүлхмн. Әрәсән бурхн-шаҗна үүлдәчнрин оюни төв заллтын һардач гевш Йонтен эн өдрмүдт Энткгин һазрт көдлмшин халхар одсн бәәнә. Нарт-делкән шар шаҗна конфедерацин (IBC) һардач Абхиджит Халдерола түрүн харһлтан гевш Йонтен кев.

    • 17-07-2025, 13:18
  • Хальмгудын нер дуудулв

    Хальмг улсин билг-эрдм болн урн һарин эрдм альд болвчн әмтнә тааслт олҗ, медрлтә улсин болн номтнрин өөдән үнллһ олна. Хальмг Таңһчин билг-эрдмин ачта үүлдәч Татьяна Милованован һардҗадг Театр белдҗ үзүлдг олн нааднд хальмг улсин кезәңк эрдм цуг халхарн орман олҗ, сойлын сәәхн күцәмҗ болҗ үзүлгднә. Өвкнрин зөөрәс үнтәнь уга эн театрин дарани үүлдвр медүлв.

    • 17-07-2025, 13:15
  • Хамдан дамшв

    Таңһчин Толһач Хаска Бату нертә спортсмен Натра Чиңһсла хамдан дамшв.

    • 15-07-2025, 13:32
  • Тосхлтсин йовудыг бүрткв

    Давсн амрлһна өдрмүдт Хальмг Таңһчин Толһач Хаска Бату цусна төвд кегдҗәдг бат ясврин йовудыг бүрткҗ хәләв. Хальмг Таңһчин залврин Ахлачин дарук- таңһчин социальн делгрлтин, күч-көлснә болн көдлмшәр тетклһнә министр Өлзәтин Марина, таңһчин залврин Ахлачин дарук Александр Мишаков, таңһчин эрүл-менд харлһна министр Саран Булат бүрдәцд кегдҗәдг көдлмшин тускар тооцаһан өгв. Цусна төв 1981 җилд эдлврт орулгдсмн, тер цагас авн энд бат ясвр кегдәд уга билә. Ясврин көдлмш Хальмг Таңһчин социальн-экономическ делгрлтин көтлврин йовудт кегдҗәнә.

    • 15-07-2025, 13:26
  • Хаалһ цаглань тосхгдх

    Шидр Элст балһсна һардврин толһач Лиҗикә Алдр Чограйская уульнцд хаалһин тосхлтыг бүрткв. Хальмг Таңһчин Толһач Хаска Батун даалһврар хотл балһсна толһач тосхлтсин йовудыг бүрткҗ, цугнь сән чинртәһәр болн батлгдсн цаг-болзгт күцәгдхиг һол оньгтан бәрҗәнә.

    • 15-07-2025, 13:16
  • Делкән гиичнриг тосхар

    Эндр делкәд чинвртә олн йовдл учрҗана. Өөрхн Дорд үзгт, СВО-н керг-үүлдврт нам аврлт уга дәәлдән учрҗана, түүнәс сагллһна, тиим йовдлыг ууруллһна керг-үүлдвриг Әрәсә болн Китд, талдан чигн орн-нутгуд цуцрлтан угаһар күцәҗәнә, США-ла болн талдан чигн орн-нутгудла кеҗәх күүндврин ашт тиим дән-даҗгта бәәдлиг ууруллһна үүлдвр өргҗәд йовна.

    • 15-07-2025, 13:09
  • Хөвтә җирһлин хаалһар

    Эн өдрмүдт эрүл-менд харлһна халхар олн җилдән көдлсн эмч Дорҗин Борис (зургт) 70 насна өөнән темдглв. Эн Приозерн (ода Көтчнрә) района болн таңһчин шүднә эмнлһнд олн җилдән көдләд, ода ачта амрлһнд бәәнә. Ончта өөнин өмн Борис Санжижапович баһ цаган, хамдан сурч болн көдлҗ йовсн үүрмүдән тодлҗ, җирһлиннь хаалһднь сән улс харһснд байрлҗ, байр-зовлңгинь хувалцсн өөрхн улстан ханлтан өргҗәнә.

    • 15-07-2025, 13:05

Видео