Хальмг Таңһч Әрәсән бахмҗ болтха!

19-12-2024, 16:26 | Новости, Таңһчин зәңгс, Хальмг Тањєчин Толєачин ґдр-бўр, Зіњг
Хальмг Таңһч Әрәсән бахмҗ болтха!" class="attachment-post-thumb wp-post-image" />

Сән авъяст тохрсар Хальмг Таңһчин Толһач Хаска Бату бар сарин чилгчәр «шуд залһлда» давулҗ, әмтиг соньмсулҗадг сурврмудт хәрү өгнә. Түрүн болҗ иим керг-үүлдвр 2021 җилин зунар болсн билә, 2022 җиләс авн болхла энүг бар сард давулдг болв. Тегәд Бату Сергеевич җилин аш диглҗ, таңһчин социальн-экономическ делгрлтин туст күцәгдсн көдлмшин тускар, ирх җилд хаһлгдх төрмүдин тускар хувалцҗ келнә. Җил ирвәс таңһчин Толһачла болдг «шуд залһлдан» бәәрн улс дунд ик соньмслт олҗ, эднәс орҗ ирсн сурврмудын то өснә. Тиигәд, 2022 җилд 293 сурвр өггдсн болхла, нидн әмтнәс 385 сурвр орҗ ирсмн. Эн «шуд залһлдана» йовудт таңһчин әмтн ут тоодан 423 сурвр өгв. Һурвн часин алднд таңһчин Толһач әмтнә сурврмудт хәрү өгч, цергә шишлң керг-үүлдврт орлцачнриг дөңнлһнә, таңһчин әмтиг уудг усар болн электрокүчәр тетклһнә, сән кец-таал тогталһна, селәнә эдл-ахун делгрлтин, арһлачнриг дөңнлһнә, эрүл-менд харлһна болн нань чигн төрмүдәр цәәлһв. Темдглхәс, харһлтын йовудт зәрм сурврмудт хәрү эс өггдсн болхла хөөннь таңһчин күцәгч йосна болн бәәрн залврин бүрдәцсин элчнр эрк биш тодрха цәәлһвр өгхмн.

Орн-нутгин делгрлтд туслх хург
Таңһчин Толһачин «шуд залһлдан» давулгддг орм чигн бас җил болһн сольгдна. Тиигәд эн җил харһлт Н.Пальмовин нертә Келн-улсин музейд болснь орта болв. Юңгад гихлә ирх җилд мана таңһчд нарт-делкән шар шаҗна III ик хург болхмн. Музейин көрңд хадһлгджадг Мәәдр Гегәнә шүтән одахн ясврин хөөн шинрүлгдҗ олна оньгт тусхагдсмн. Энүг иргчин Бурхн гиҗ тоолна, тегәд мана таңһчин иргч эрк биш сән-сәәхн болх гисн ицлтәһәр эн хуучн цага шүтәнә өөр эн харһлт давулх шиидвр авгдсмн. Мана орн-нутгт өрк-бүлин җил болв, тегәд «Калмыкия» зәңгллһнә агентствин һардач Марила Хоңһр болн Элст балһсна «Теремок» бичкдүдин садын һардач Оника Алевтина олн үртә эцк болн эк болад, харһлтыг давулснь темдгтә болв (зургт).
- Җил ирвәс мана таңһчд олн үртә өрк-бүлмүдин то өсәд йовна, эннь байрта мөн. Баахн эк-эцкнр һурвн, дөрвн, тавн үртә болхар шунҗахнь темдгтә, бидн өнр-өсклң өрк-бүлмүдиг дөңнлһнә туст цааранднь көдлмшән шунмһадулхвидн. Мана таңһчд болн орн-нутгт олн үртә өрк-бүлмүдин то өсч йовтха! Би чигн бас эврән теднә тоод орх санатав гиҗ нег һазра улстан үгән өгчәнәв, - гиҗ Бату Сергеевич харһлтыг эклҗ келв.
Ирх җилд мана таңһчд шар шаҗна ик хург болхнь ончта болн темдгтә йовдл болҗ, Әрәсән чинриг цуг нарт-делкәд батруллһнд туслх, гиҗ Хальмг Таңһчин Толһач онц заав. Әрәсән Президентин даалһврас иштә эн керг-үүлдврин белдврин көдлмшин медлд мана таңһч делгрлтин туст ик урмд авхнь маһд уга, гиҗ Хаска Бату темдглв. Тегәд таңһчд бәәдг улс цуһар арһ-чидлән хамцулҗ, ниитә бәәҗ, эн ик хург өргмҗтә кевәр давулхд тәвцән орулх зөвтә.

Цергчнрин зөрмгин тускар
Харһлтын йовудт цергә шишлң керг-үүлдврт орлцҗадг мана нег һазра улсин залу-зөрмгин, әмтнә буйнч седклин кергүдин, Төрскән харсгч Алдр дәәнә 80 җилин ончта өөнин, дорас өсч йовдг баһчудт төрскнч сурһмҗ өглһнә тускар бас келгдв. «Лагань балһснд Төрскән харсгч Алдр дәәнә салдсмудын талвңд Әрәсән Баатр Лиҗин Мингияна санлд нерәдҗ бумб удл уга секгдхмн. Мана нег һазра улс цергә даалһвран үнн кевәр болн ик даавртаһар күцәҗ йовна. Эдниг болн өрк-бүлмүдиннь гешүдиг дөңнлһнә көдлмшиг «Төрскән харсачнр» саңгин әңг күцәҗәнә, эдн цергчнрәс орҗ ирсн эрлһсиг күцәҗ, олн төрмүд хаһлна. Эн дәәнә һалд кесг мана баатрмуд зөрмг йовдл һарһҗ әмән өгв. Эдн мадна төлә бахмҗ болҗана. Эдн мана иргчин төлә әмән өгв, тегәд бидн таңһчан делгрүлҗ, төрскн һазриннь цецгәрлтин төлә үнн кевәр көдлх зөвтәвидн», - гиҗ Бату Сергеевич келв.
Цергә даалһвран зөрмг кевәр күцәҗ, эн җил шаңһа ачлврар темдглгдсн нег һазра улсин нерд зааҗ, Хаска Бату «Хальмгин Баатр» гидг ачлвр үүдәхин седвәрин тускар хувалцв. Таңһчин Улсин Хуралын (Парламентин) депутатнр, Хальмг Таңһчин Медәтнрин Хүүвин болн таңһчин Олна палатын гешүд тиим седвәр татсн бәәнә. Эн төриг таңһчин Улсин Хуралын сессьт хәләҗ батлхмн. Залу-зөрмгин болн күч-көлснә халхар ончрсн улс «Хальмгин Баатр» гидг ачлврар ачлгдхмн гиҗ зуралгдҗана. СВО-д орлцсн улсиг көдлмшәр тетклһнә, немр сурһуль сурлһна төр бас босхгдв. Мана орн-нутгт күцәгдҗәдг «Баатрмудын цаг» гидг көтлврлә әдл керг-үүлдвр мана таңһчд бас күцәгдхмн, СВО-н ветеранмудыг дөңнлһнә төвмүд үүлдхин тускар келгдв. Цергчнр таңһчин олна бәәдл-җирһлд, баһчудт төрскнч сурһмҗ өглһнә кергт шунмһаһар орлцҗана, үлгүрнь Җаңһан Чимид, Энән Андриян, Чумуда Николай гиҗ, Хаска Бату заав.

Усар тетклһн – нәрн төр
«Шуд залһлдана» йовудт әмтнәс орҗ ирсн сурврмудын ик зунь жилищн-коммунальн эдл-ахун, хаалһс тосхлһна, сән кец-таал тогталһна төрмүдлә залһлдата болв. Тиигәд, усар тетклһнә төр хаһллһна туст ямаран көдлмш күцәгдҗәхин тускар таңһчин Толһач тодрхаһар келҗ өгәд, Лагань балһснд, Цаһан Амн болн Троицкое селәдт усна сурвлҗна болн ус сордг станцс тосхгдҗана гив. «Элст –Деед Яшкуль» сурвлҗн ирх җилин хөн сард эдлврт орулгдхла, балһсиг усар тетклһнә төр хаһлгдхмн. Лаганя района муниципальн бүрдәцин толһач Коган Юрий «шуд залһлдана» йовудт тосхгдҗах бүрдәцд ямаран көдлмш кегдҗәхин тускар тооцаһан өгәд, өөрхн иргчдән лаганяхн усар теткгдхмн гиҗ темдглв. Тер мет әмтнә сад-һарудын төлә цувгудт усн бас орулгдҗана гив. Ирх җилд Иҗләс усар тетклһнә төсв экләд күцәгдхин тускар таңһчин Толһач хувалцад, Әрәсән тосхлтын Министерств төсвин-һаруһин иткл цаас белдлһнд мөңг йилһҗ өгсиг темдглв. Левокумск усиг бас олзлхвидн, тегәд Ик Буурла районд усн ирхмн, гиҗ Хаска Бату келв. Хотл балһсн өсәд-өргҗәд, кесг шин гермүд болн бәәрн тосхгдҗахас иштә электрокүчәр тетклһнә төр нәрн болна, терүнә тускар Әрәсән Президентлә болсн харһлтд келгдсн билә. Орн-нутгин һардачин даалһврар тавн җилә көтлвр белдҗәнә, балһсна өмн үзгт подстанц тосхгдхмн.
Балһснд сән кец-таал тогталһна, хог-бог зөөҗ һарһлһна, хату девскртә хаалһс тосхлһна төрмүд бас «шуд залһлдана» йовудт босхгдв. Хаска Батун келсәр, мана таңһчур олн гиичнр ирнә, зуульчллһн делгрҗәнә, тегәд сән кец-таал тогтах, өдгә цага болн келн-улсин өвәрц эв-арһ олзлҗ эргндк һазран кеерүлх кергтә. Элстд Бурхн Багшин парк секх зура бәәнә, тенд шар шаҗнд шүтдг орн-нутгудт орм йилһҗ, теднә талвңгуд бүрдәгдхмн. Нертә дүрсләч Даши Намданов тедниг хамцулгч кев-янз кехмн.

Ахнр-дүүнр болсн Антрацит
Хальмг Таңһч болн ЛНР-ин Антрацитовск район хоорнд батлгдсн нөкцлтин тускар Хаска Бату бас келв. Тенд бәәдг Мария Алексеевна хальмг тосхачнрт ханлтын үгән илгәҗ, 70 җилин эргцд ясвр кегдәд уга сурһулин бүрдәцд сән таал тогтасиг темдглв. «Антрацитовск районд бәәдг улс мадна төлә ахнр-дүүнр болв. Бидн тенд архивин бәәрнд ясвр кеввидн, ода ЗАГС-ин бәәр тосхчанавидн, бичкдүд мана лагерьт амрна, эмчнр болн багшнр дамшлтарн хувалцҗ дөң күргнә. Ирх җилд бидн олн давхрта гер тосххар зуралҗанавидн, терүнд демән күргх арһлач бәәнә. Мана нөкцлт болн иньгллтин залһлдан эрк биш батрҗ делгрх», - гиҗ таңһчин Толһач иткүлв.
Таңһчин социальн-экономическ делгрлтд аэропортын үүлдвр онц орман эзлнә. Тегәд таңһчин Толһач Элстин аэропортын тускар бас онц келәд, «Новапорт» бүрдәцин һардврт ханлтан өргв. Әрәсән Президентин дөң-тусар мана аэропорт дәкнәс үүлдврән экләд, таңһчин әмтн болн гиичнр нааран нисч ирдг болв. Ирх җилд Санкт-Петербург, Екатеринбург, Хазн, Соси балһсд күртл нисч болхмн. Екатеринбургас Улан-Удэ күртл нисхд таалта болҗана. Дорд үзгин орн-нутгудла залһлдан делгрҗәхәс иштә Дубай күртл чигн нисх күсл бас бәәхин тускар таңһчин Толһач келв.

Селәнә эдл-ахун кергиг дөңнәд
Селәнә эдл-ахун халх мана таңһчин экономикин улнь болна. Нег үлү мал өсклһн ик кезәнәс авн мана өвкнрин һоллгч керг болдгинь темдглх кергтә. Сүл җилмүдт селәнә эдл-ахун мана арһлачнр күцәмҗтәһәр көдлҗәхинь ил үзҗ болҗана. Таңһчд махна зүүтә эдл-ууш кеҗ һарһлһн бас делгрҗәнә. Эн туст шаңһа төв болн таңһч дөң болна. АПК-н халхиг делгрүлхин төлә дөңнлһнә эв-арһс цаарандан улм икдҗ йилһгдхмн. Зуг энүг фермермүд чикәр болн даавртаһар олзлх зөвтә. Җил болһн малын хот белдлһнд 140 сай арслң һарһгдх зөвтә. Селәнә эдл-ахун халх экологин бәәдллә батар залһлдата, тегәд көдәрҗәдг һазрин, усар тетклһнә, мелиорацин болн талдан төрмүдиг учртан авч көдлх кергтә. Мана таңһч урдк цагин үлгүрәр аграрн-индустриальн регион болхар зүткчәнә, зуг селәнә эдл-ахун халх эрк биш түрүн орман эзлҗ йовхмн, гиҗ Хаска Бату зәңглв.
Эн җилин зунар Яшалтан района Карл Марксин нертә СПК-н ул деер эк һарһлһна бүрдәц секгдв. Өдгә цагин некврлә ирлцҗәдг кергсл тенд углҗ тәвгдв. Нег частан тенд 10 тонн тәрәнә эк кеҗ һарһна. Мана таңһчиг бәәтхә хам-хоша бәәдг регионмудыг сән чинртә тәрәнә экәр теткҗ болхмн. Темдглхд, эн бүрдәц шаңһа дем олзлад секгдсн билә. Иим кевәр арһлач болһн көдлҗ чадхмн, нег һазра мана улс гертән эврәннь кергән бүрдәһәд көдлдг арһ учрҗана, гиҗ Бату Сергеевич темдглв.

Шишлң көтлвр күцәгдхмн
Таңһчиг делгрүллһнә шишлң көтлвр күцәмҗтәһәр тохрагдҗана. Энүнә йовудт 150 шаху бүрдәц, сурһульмуд, поликлиник болн талдан социальн объектс секгдх болв. Эн көтлвр өөрхн зурһан җилд күцәгдхмн, мөңгнә кемҗәнь зурһан җува арслң тогтана.
Элст балһснд бәәдг баахн арһлачин келсәр, кергән бүрдәлһнд дөңнлһнә эв-арһсин тускар олн-әмтн медлго бәәнә. Энүнәс иштә зәңгллһнә эв-арһсар дамҗад шаңһас дем йилһгдҗәхин тускар олнд медүлх кергтә гив. Эн туст таңһчин Толһач ирлцңгү бүрдәцст даалһвр өгв. Тер мет шишлң көтлвр күцәлһнә йовудт арһлачнрин кергүдиг дөңнәд, йилһгдсн мөңгнә кемҗәнә 90 процентнь теднд илгәгдхмн, гиҗ региона һардач зәңглв.

Эрүл-менд харлһна халхар
Эн халхин нәрн төрмүдин тускар келхлә, эннь иргнмүдиг эмәр болн эмнлһнә бүрдәцсиг кадрмудар тетклһн болна. Таңһчин прокуратурин көдләчнрлә хамдан эн төриг даңгин бүрткнәвидн. Гемтә болн эрмдгтә улс цаг-болзгтан керглгдҗәдг эмән авч чадҗахш, тегәд ирлцңгү бүрдәцст даалһвр бас өггдв.
ФОМС-ин халхар бәәсн өрн мана таңһчд кесг җилдән өсәд йовла. Шаңһа төв маднд оньган тусхаҗ, дем йилһәд, ода эн төр хаһлгдв. Терүнәс нань эрүл-мендин бүрдәцсин көдләчнрт җалвнь икдүлгдв, эмнлһст шин кергсл хулдҗ авгдв. Кадрмудын төрин тускар келхлә, кесг җил хооран Б.Б.Городовиковин нертә Хальмг ик сурһульд медицинск дацң секгдв. Тенд сурчадг оютнрин ик зунь хату цаасан авч, төрскн селәдтән ирҗ көдлхмн.
Городовиковск района муниципальн бүрдәцин толһач Абушинә Валерий «шуд залһлданд» алс-зәәһин эв-арһар орлцв. Одахн тенд шин поликлиник тосхгдад, байрин бәәдлд секгдв. Валерий Сергеевич эмнлһнә бүрдәцд көдләчнр керглгдҗәнә гив. Урмдуллһна эв-арһсиг олзлад, Хаска Бату ахр цагин болзгт эн төр хаһлхиг ирлцңгү мергҗлтнрт даалһв. Городовиковск района бәәрн улс бәәтхә, тиигәрән хам-хоша регионмудас әмтн бас сән чинртә эмнлһ авхар ирнә, гиҗ темдглх кергтә.

Нүүрләчнрин тоод йовнавидн
Эн җил Элст балһсна аэропорт шинәс секгдв. 2022 җилд цергә шишлң керг-үүлдвр эклснәс иштә әәмшг уга бәәдл тогталһна төлә Өмн үзгин кесг балһсдт мет Элстин аэропорт хаагдсн билә. Хаслһна эв-арһс үүлдсн цагт аэропортд сән чинртә ясвр күцәгдв.
Элстд бәәдг олна дөңнлтин штабд Хальмгин Толһач Хаска Батун «шуд залһлдаг» хәләхәр олн-әмтн хурв. Штабиг баахн Бадан Бадм һардна. Энүнә һардврт тенд олн зүсн харһлтс, хургуд болн нань чигн керг-үүлдврмүд даңгин давулгдна. Тер мет эн җилд Лагань балһснд ирлцңгү штаб бас секгдв.
Сүл җилмүдин эргцд таңһчд кесг дунд сурһульмудын гермүд ясгдв. Ирх 2025 җилд таңһчин арвн сурһульд болн бичкдүдин хойр садт бат ясвр күцәгдхмн.
– 2025 җилин һаха сарин 1 күртл Элстин Баһчудын микрорайонд тосхгдҗадг 600 ормта шин сурһуль эдлврт орулгдхмн, – гиҗ Бату Сергеевич иткүлв.
Элстин өмн үзгин районд шин сурһулин тосхлт зурад орулгдв, ода болхла тенд ФОК тосхгдҗана. Сурһуль-эрдм» келн-улсин төсвиг күцәсн регионмуд дунд мана таңһч нүүрләчнрин тоод йовна. 2030 җил күртл эн төсв цаарандан күцәгдхмн.
«Шуд залһлдана» йовудт таңһчин Улсин Хуралын (Парламентин) депутат Кокан Михаил седвәрән орулв. «2025 җилд мана таңһчд болх шар шаҗна нарт-делкән ик хургт ирх гиичнр Көтчнрт босхгдсн хурлд ирҗ, терүг хәләҗ чадҗана», – гиҗ эн келв. Хаска Бату седвәринь дөңнәд, нарт-делкән ик хург давуллһна көтлвр өргн, соньн болхмн. Тер мет Хальмг Таңһчд олн келн-улс хоорндан ниитә, ахнр-дүүнр мет бәәдгинь үзүлх кергтә, гиҗ таңһчин Толһач темдглв.
Шидр Бату Сергеевич Мьянма орн-нутгур йовад ирв. Тенд нөкцлтин халхар һардачнрла харһад күүндв. Шар шаҗна нарт-делкән ик хургт Мьянман элчнриг бас күләҗәнәвидн.

Төрскнч седклтә баһчудыг өскхәр
Ирх җилд мана орн-нутгт Алдр Диилврин 80 җилин ончта өөн өргнәр темдглгдхмн. Хальмгт эн өөнд нерәдсн чинртә керг-үүлдврмүд эрк биш давулгдхмн. Терүнә йовудт дорас өсч йовдг үйнрин төлә Элстд «Октябрь» кинотеатрт дәәнә цагин туск фильмс үзүлхмн. Тер мет мөр унад йовдг клубд орлцачнр Диилврин парадт бас орлцхмн.
Таңһчин Толһач Хаска Бату хальмг улсин бичәч Бембин Тимофейин «Бамбцецг» дегтриг умштн гиҗ баһчудт селвгән өгв. Эн үүдәврт Хулхтын һазрт үзүлсн хальмг цергчнрин туурмҗин тускар келгдҗәнә.
Әрәсән хамгин сәәхн болн өвәрц балһсдын тускар келхләрн, Бату Сергеевич Элст, Лагань болн Городовиковск балһсдыг темдглв. Тернь учрта, юңгад гихлә көдлмшин халхар эн олн балһсдар йовҗ тедниг һәәхв, зуг төрскн һазрин ормс зүркнд хамгин хәәртә болдгинь заав.
Тиигәд «шуд залһлдан» һурвн шаху частан болв. Керг-үүлдвриг ашлад, Бату Сергеевич өөрдҗәдг Зулын болн Шин җилин байрла нег һазра улсан йөрәв. Таңһчин һол зөөр болдгнь әмтн мөн. Тегәд баахн өрк-бүлмүдт үрдән өскәд, урһа модд суулһад, өмәрән зүткҗ йовтн гиҗ дурдв. Хальмг Таңһч иргчдән Әрәсән бахмҗ болтха!

ДООҖАН Наталья,
КАРСАНА Евгения

Тоолвр

Хальмг Таңһч Әрәсән бахмҗ болтха!Эрдне Пашнанов, Хальмг Таңһчин ачта улсин Хүүвин Ахлач:
- Шидр болсн «шуд залһлдана» йовудт Хальмг Таңһчин Толһач Хаска Бату һарчах җилд ашинь диглҗ, орҗах җилд таңһчин делгрлтин зуран тускар келв.
Эн җилин йовудт чинртә төсвс болн көтлврмүд күцәгдв. Җилин чилгчәр ЖКХ-н халхар күцәсн кергүд иргчдән цаарандан давулгдхмн. Тер мет усар болн электрокүчәр тетклһнә төр күцц кевәр хаһлгдхмн. Онц темдглхд, Бату Сергеевичин келсәр, ирх җилд «Күч-көлснә Баатр» өөдән чинртә нерн ончрсн нег һазра улст зүүлһгдхмн. Тер мет цергә шишлң керг-үүлдврт орлцачнрт «Хальмг Таңһчин Баатр» гидг нер зүүлһгдхин тускар бас келгдв. Эн зәңг олн-әмтнд байр-бахмҗ үүдәв. Седвәриг таңһчин ачта улсин Хүүвин гешүд бас дөңнв, эннь йир сән йовдл гиҗ тоолҗанав. Орн-нутгин өөдән чинртә цол зүүснләнь әдл мана нег һазра зөргтә цергчнр төрскн һазрин темдгүдәр бас ачлгдх зөвтә, тер юңгад гихлә тедн хамгин түрүнд хальмг теегин йоста баатрмуд болҗана. Эндр амр биш цагт тедн эвин төлә әмән әрвллго хортнла дәәлдҗәнә. Тегәд теднә нерд орн-нутгин болн таңһчин тууҗд орхнь лавта.

Хальмг Таңһч Әрәсән бахмҗ болтха!САЛАН Бадм, Хальмг ик сурһулин һардач, таңһчин Улсин Хуралын (Парламентин) депутат:
- «Шуд залһлдана» йовудт таңһчин Толһач Хаска Бату усар тетклһнә, сурһульмуд яслһна, селәдин болн балһсдын бәәдлиг ясруллһна туск кесг төсвин тускар келв. Тиим кевәр таңһчин уралан девшлһнә йовуд цаг ирвәс түргдәд йовна, тер бачм зурасиг күцәхин төлә сән белдвртә мергҗлтнр кергтә.
Тегәд чигн Хальмг ик сурһуль эндр эврә сурһуль-эрдмин көтлврмүдиг оңдарулҗ, кадрмуд белдлһнә диг-дараг оңдарулҗана. Абитуриентнриг дурта эрдмәрнь дасхчанавидн, тер тоод дамшлһ авлһнд һол оньган өгчәнәвидн. Ода оютн түрүн курсас авн түүнә эрдмд өөрхн бүрдәцд көдлҗ чадҗана.
Тер тоод селәнә эдл-ахун мергҗлтнриг Хальмг ик сурһульд кесг эрдмәр белдҗәнә. Эн төр хаһллһнд һол оньган өгчәдг Хальмг Таңһчин Толһач Хаска Батуд, таңһчин һардврт ханлтан өргҗәнәв.

Хальмг Таңһч Әрәсән бахмҗ болтха!Чимид Джангаев, депутат Народного Хурала (Парламента) РК, руководитель Центра военно-спортивной подготовки и патриотического воспитания молодежи «Воин» в Калмыкии:
– Вместе с коллегами смотрели «прямую линию» Главы нашей республики Бату Хасикова. Нас было сорок человек, смотрели и слушали внимательно. Вопросы руководителю Калмыкии задавали самые разные и очень насущные, порой даже неудобные. Но Бату Сергеевич отвечал прямо, не скрывая проблем и трудностей. В его ответах чувствовалась уверенность и знание проблемы.
Глава республики говорил и о наших ребятах, которые находятся сейчас на передовой в зоне СВО, назвал фамилии прославленных бойцов, которые сражаются за нашу победу. Мы ценим это.
Впечатления от «прямой линии» руководителя Калмыкии самые положительные.

Хальмг Таңһч Әрәсән бахмҗ болтха!Батыр МУЧАЕВ, председатель Общественной палаты Республики Калмыкия:
– «Прямая линия» показала глубокую погруженность Главы Республики Калмыкия в вопросы на местах, его готовность к прямому и открытому диалогу с населением. При этом на каждый непростой вопрос был дан обстоятельный, аргументированный ответ.
Запрос на прямую коммуникацию с властью и на быстрые решения сейчас максимальный. Очевидно, что Бату Сергеевич задает тренд в коммуникациях для руководителей всех рангов и на основе обращений граждан выстраивает векторы развития региона. Свое общение с жителями Калмыкии Бату Хасиков начал с того, что подробно рассказал о подготовке к III Международному буддийскому форуму, который пройдет в республике в следующем году.
Главными темами этого года стали вопросы оказания помощи участникам специальной военной операции и членам их семей, а также ЖКХ, здравоохранения, благоустройства населенных пунктов и многое другое. Очень подробно глава региона озвучил пути решения проблемы водоснабжения Элисты и республики в целом.
В завершение эфира Бату Хасиков подчеркнул важность прямого диалога с гражданами и неформального подхода к рассмотрению их обращений. Он заверил, что работа по итогам «прямой линии» продолжится, а все обозначенные проблемы будут находиться на контроле.

Хальмг Таңһч Әрәсән бахмҗ болтха!Олег СЕВЕРЦЕВ, помощник сенатора Байира Путеева, кандидат исторических наук, эксперт Центра политического анализа:
– Сначала приведу несколько количественных показателей состоявшейся «прямой линии». Ее длительность – 3 часа 9 минут, что своего рода рекорд; у нее более 8,3 тыс. просмотров в ВКонтакте; около полутысячи человек – постоянная аудитория на протяжении всех трех часов...
Глобальная стратегическая линия, лейтмотив “прямой линии-2024” – это позиция управленца федерального уровня, руководителя субъекта РФ, которая отчетливо видна за решением актуальных для жителей Калмыкии проблем.
Как анонсировал Бату Хасиков, так и провел «прямую линию» – обозначить задачи и работать над их решением вместе, сообща, в командном формате и с персональной ответственностью каждого. Глава региона вновь подчеркнул, что только компетентность и умение управленца любого уровня реагировать на вызовы и риски является залогом успеха общей работы. Ответственность, лежащая на руководителе администрации Главы РК Кирилле Попове и премьере Гиляне Босхомджиевой, равно как и на министрах и главах муниципалитетов, усиливается.
Успешная реализация ИПР 2.0 – краеугольный вектор и базис для Бату Хасикова и его команды на пути обеспечения поступательного развития Калмыкии – основывается на развитии агропромышленного сектора. Именно агропромышленного, с переработкой произведенной сельскохозяйственной продукции.
На «прямой линии» была затронута тема ресоциализации участников СВО. Не только текущая материальная поддержка, а именно ресоциализация, т.е. обеспечение государством условий на уровне республиканских полномочий для полного возвращения демобилизованных в мирную жизнь, в социально-политическую повестку. Поднят вопрос об учреждении звания «Герой Калмыкии» для участников СВО.
Цель стратегического развития республики – благополучие каждого ее жителя. И Глава Калмыкии вновь показал, что у него есть для этого и силы, и желание, и возможности, в том числе поддержка федерального центра. Его зарубежные командировки и ранее состоявшаяся личная встреча с Президентом РФ это подтверждают.

Хальмг Таңһч Әрәсән бахмҗ болтха!АНХАНА Саглр, Хальмг Таңһчин баһчудын суңһврин комиссин ахлач, «Движение первых» җисәнә ахлач:
- Хальмг Таңһчин Толһач «шуд залһлдана» йовудт әмтнә сурврмудт тодрха хәрү өгч, ил күүндвр тогтана. Күн болһн үүмүлҗәдг төрәр цәәлһвр авч, таңһчин делгрлтин төлә күцәгдҗәдг көдлмшлә таньлдна. Хамгин түрүнд эн харһлт давулх ормд Келн-улсин музейиг шүүҗ авснь ончта болв гиҗ келх кергтә. Ирх җилд мана таңһчд шар шаҗна төрәр ик хург болхмн, нарт-делкән кесг гиичнр ирхмн. Таңһчин баһчуд терүнд орлцҗ, дөң-тусан күргх санаһан медүләд, Добро.рф гидг сайтд эрлһән орулҗана.
Бату Сергеевич баһчудт болн теднә седвәрмүдт онц оньг тусхана. Таңһчин Толһач мадниг дөңнҗ, мана кергүдт дөңгән күргдгнь өмәрән зөрҗ үүлдхин төлә ик урмд өгнә. Харһлтын чилгчәр Бату Сергеевич Бембин Тимофейин «Бамб цецг» болн Ли Куана «Һурвдгч делкәһәс түрүнд» гидг дегтрмүд умшх селвг өгснь басл орта гих кергтә.

Видео