• Хамдан дамшв

    Таңһчин Толһач Хаска Бату нертә спортсмен Натра Чиңһсла хамдан дамшв.

    • Вчера, 13:32
  • Тосхлтсин йовудыг бүрткв

    Давсн амрлһна өдрмүдт Хальмг Таңһчин Толһач Хаска Бату цусна төвд кегдҗәдг бат ясврин йовудыг бүрткҗ хәләв. Хальмг Таңһчин залврин Ахлачин дарук- таңһчин социальн делгрлтин, күч-көлснә болн көдлмшәр тетклһнә министр Өлзәтин Марина, таңһчин залврин Ахлачин дарук Александр Мишаков, таңһчин эрүл-менд харлһна министр Саран Булат бүрдәцд кегдҗәдг көдлмшин тускар тооцаһан өгв. Цусна төв 1981 җилд эдлврт орулгдсмн, тер цагас авн энд бат ясвр кегдәд уга билә. Ясврин көдлмш Хальмг Таңһчин социальн-экономическ делгрлтин көтлврин йовудт кегдҗәнә.

    • Вчера, 13:26
  • Хойр районд шин көлгн белглгдв

    Урҗ өдр Элстд Диилврин талвңд «КТР-Р» АО-н һардвр Ик Буурла болн Хар Һазра райодт шин көлг белглв. Хальмг Таңһчин Толһач Хаска Бату, «КТР-Р» АО-н һардач Николай Горбань, РМО-син элчнр болн сойлын көдләчнр керг-үүлдврт орлцв.

    • 12-07-2025, 14:08
  • Шар шаҗна ик хург олн-әмтиг хамцулх

    Шидр Хальмг Таңһчин Толһач Хаска Бату «Әрәсә эндр» гидг нарт-делкән зәңгллһнә агентствин улд болсн пресс-конференцд намртан Элстд болх шар шаҗна нарт-делкән ик хургин тускар келҗ өгв. М.Ломоносовин нертә МГУ-н Азийин болн Африкин орн-нутгудын ик сурһулин һардач, бурхн-шаҗна сурһуль-эрдмд болн шинҗллтд дөң болдг саңгин президент Алексей Маслов, Росконгрессин саңгин һардачин негдгч дарук, Дорд үзгин экономическ хургин һардач Игорь Павлов болн Әрәсән бурхн-шаҗна үүлдәчнрин төв заллтын ахлач, гевш Йонтен Лодой эн керг-үүлдврт орлцв.

    • 10-07-2025, 11:00
  • Ветеранд өөдән ачлвр бәрүлҗ өгв

    Хальмг Таңһчин Толһач Хаска Бату Төрскән харсгч Алдр дәәнә ветеран Петр Леонтьевд золһҗ одад, Советин Союзин Баатр Басан Городовиковин орденәр ачлв.

    • 10-07-2025, 10:38
  • Хальмг Таңһч – мана бахмҗ

    Така сарин 4-д Хальмг Таңһчин залврин сүүрин бәәрнд Хальмг автономин 105 җилин өөнд нерәдсн байрин хург болв. ЮФО-д Әрәсән Президентин күцц зөвтә элчин дарук Алексей Ермаков, Хальмг Таңһчин Толһач Хаска Бату, таңһчин Улсин Хуралын (Парламентин) Ахлач Артем Михайлов, таңһчин залврин Ахлач Босхмҗин Гилән, Әрәсән Орн-нутгин Хүүвин депутат, эрүл-менд харлһна комитетин ахлачин негдгч дарук Башанкан Бадм, Әрәсән Федерацин Хүүвин элчнр Байир Путеев болн Хачирә Борис, залврин гешүд, райодын толһачнр, таңһчин делгрлтд ик тәвцән орулсн ачта улс, СВО-н ветеранмуд байрин хургт орлцв.

    • 10-07-2025, 10:13
  • Дала Ламин Гегәнд нерәдәд

    Дала Ламин Гегәнә 90-җилин өөниг Хальмг Таңһчд өргнәр темдглв. Хальмгин әмтн Оюни Ик Багштан балһснд болн таңһчин райодар болсн байрин керг-үүлдврмүдән нерәдв.

    • 10-07-2025, 09:48
  • Сурһулян төгсәҗәдг баһчудыг йөрәв

    Давсн амрлһна өдрмүдт таңһчин сурһуль-эрдмин бүрдәцст «Сүл хоңхин» байр болв. Хальмг Таңһчин Толһач Хаска Бату Элстин техническ лицейд ирәд, сурһулян төгсәҗәдг баһчудыг ончта өдрлә йөрәв. Хальмг Таңһчин сурһуль-эрдмин болн номин министрин үүл дааҗадг Натра Антон, Хальмг Таңһчин Улсин Хуралын (Парламентин) депутат Цекира Зулта, сурһульчнрин эк-эцкнр байрин керг-үүлдврт бас орлцв.

    • 27-05-2025, 12:31
  • Непалд гиичлҗәнә

    Хальмгин Толһач Хаска Батун һардврт таңһчин делегац Непал орн-нутгт ирв. Европд мана таңһч шар шаҗна сойлын өвәрц төв болад, Әрәсән болн Азийин хоорнд нөкцлтиг батрулҗ йовна.

    • 17-05-2025, 12:54
  • Нөкцлтин төрәр күүндв

    Хальмгин Толһач Хаска Бату «Сбер» ПАО-н ахлач Герман Грефла харһв. Энүнә йовудт мөңгәр теткҗ күцәгдҗәдг төсвсин тускар күүндвр болв. Тер мет зуульчллһна, эрүл-менд харлһна, сурһуль-эрдмин халхар нөкцлтхәр күүндв.

    • 14-05-2025, 14:31

Видео