Хальмг Таңһчин социальн делгрлтин, күч-көлснә болн көдлмшәр тетклһнә министерствин зәңглсәр, давсн җилд Элстин медәтнрин болн гемтә-шалтгта улсин гер-интернатд сән таал тогталһна туст чинртә керг-үүлдврмүд күцәгдв.

Таңһчин эмнлһнә бүрдәцст кадрмудын төр эркн чинртә болҗана. Давсн җилин чилгчәр Хальмг Таңһчин Толһач «Шуд залһлдана» эв-арһар болсн күүндврт эн төриг бас босхҗ, бәәрн мергҗлтнриг белдлһнә тускар онц келсн билә. Нидн Б.Б.Городовиковин нертә Хальмг ик сурһульд секгдсн медицинск дацң эн чинртә төр хаһллһнд туслх гиҗ таңһчин Толһач темдглв. Т.Хахлынован нертә медицинск колледжд болхла дунд медицинск көдләчнриг белднә, таңһчин эмнлһсин көдләчнр тенд мергҗлтән өөдлүлнә. Хальмг Таңһчин эрүл-менд харлһна министерств белдсн «Фельдшерин нөкд» гидг шишлң төсвин медлд гемтә улсиг асрдг баһ медицинск эгчнриг дасхдг болв.

За первые дни января Социальный фонд России по Республике Калмыкия одобрил выплату единого пособия на 665 детей.

Хальмгин ут тууҗд нег соньн халх бәәнә. Хальмг олн-әмтиг хойр әңглҗ салһсн йовдл 1771-ч җилд учрсн болдг. Эн тууҗд орсн җилд Увш хан Иҗл көвәд бәәсн хальмгудан дахулад һарсмн. Китдин һазрт хальмгудыг дөрв әңгләд, һазр-һазрар тарасмн. Тер һашута йовлһна хөөн олн җил давсн болдг. Кесг йовдл учрҗ, улс хоорндк залһлдан тасрсмн.

Эк-эцк болһн үрднь сән улс болҗ өстхә гиҗ бичкнәснь авн чик сурһмҗ зааҗ, сүв-селвгәрн урмд өгч, эврәннь авг-бәрцәрн үлгүр-үзмҗ болхар зүткдг. Элст балһснд бәәдг Сергей болн Саглр Первеевихн хөрн һар җилдән хамдан ни-негн, кен-негнәннь седкл медҗ, тавн көвүндән нүдн-амн болна. Өнр-өсклң өрк-бүлд өсҗәх көвүд эк-эцкиннь үгәс һарлго, сурһулян сәәнәр сурч, өлзәтә сән үрд болҗ өсчәнә.

«Старость в радость» гидг буйнч седклин саң Хальмг Таңһчин әмтнә социальн теткврин комплексн төвмүдин хәләврт бәәдг медәтнрт болн гемтә-шалтгта улст Шин җилин белг белдв. Социальн көдләчнр ут тоодан 2893 күүнд олн зүсн зер-земш, шикр-балта болн хот-хол гертнь күргҗ өгв.

Нилх төрҗ һарсн йовдл өрк-бүлд болн өөрхн элгн-саднд байрта йовдл болдгнь мөн. Шин җилин сөөһәр О.Шунгаеван нертә перинатальн төвд түрүләд күүкн, терүнә дару көвүн төрҗ һарв. Хөөннь өдрәр дәкәд нег күүкн төрҗ һарв. Темдглхәс, эдн өрк-бүлдән һурвдгч болн дөрвдгч үрд болв. Нилхд төрҗ һарсн өрк-бүлмүд өнр-өсклң болсн деерән, Хальмг Таңһчин Толһачин зәрлгәс иштә эн җиләс авн мана таңһчд эклсн «Нилхин белг» гидг керг-үүлдврин медлд белг авв.

Хальмг улс дунд цааҗла эс харһсн, күүнә һазрт ѳѳрхн элгн-садан эс геесн ѳрк-бүл уга. Цуг хальмг улсиг хортнд тоолад, тѳрскн һазраснь кѳѳһәд, арвн һурвн җилдән хол Сиврт тууврт бәәлһв.

Басңга Баатрин нертә Келн-улсин театр соньн керг-үүлдврмүд бүрдәҗ, олн хәләһәчнрән җил болһн байрлулна. Эн сән авъясарн талдан һазрас кесг театр авч ирҗ, олн наадыг хәләһәчнртән үзүлсн деерән театрин коллектив регионмуд хоорндк фестиваль бүрдәхәр шиидсмн. Сойлын җирһлд ик чинртә йовдл болҗадг «МанджиевФест» иигәд Хальмгт эклв.

Иим сәәхн седкл үүдәсн, иим сәәхн дуудвр болсн концертиг шидр Зам этно багд негдсн билгтә баһчуд олн-әмтнд нерәдв. Хальмг Таңһчин билг-эрдмин ачта үүлдәч Савр Катаевин һардврт тогтсн коллектив хальмг дууна байр таңһчдан белглв.