Урҗ өдо мана таңһчур Әәдрхн балһснд Казахстан Республикин Генеральн элч Канат Хасенов көдлмшәр ирв. Тер өдрин өрүһәр Хальмг Таңһчин Толһач Хаска Бату күндтә гиичлә хамдан «Мөңк һал» бумблвд цецгүд тәвәд, Төрскән харсгч Алдр дәәнд әмнәсн хаһцсн баатрмудын санл тевчҗ, тагчг зогсв.

Әрәсәд бичкдүдин амрлһиг дигтә-даратаһар бүрдәлһнд орн-нутгин залвр болн һардвр ик оньган өгчәнә, регионмудт шин лагерьмүд секлһнә неквр тәвгдҗәнә. Тиим кевәр Хальмг Таңһчд чигн лагерьмүдт бат ясвр келһнә, шин төвмүд бүрдәлһнә төрмүд эндр хаһлҗ, эн чинртә төриг таңһчин һардвр болн залвр оньгасн алдҗахш.

Сарпан, Көтчнрә болн Баһ Дөрвдә райодын приставмудын әңгд бәәрн күүкд күүнә туст керг бүтәгдв.

Лаганя района бәәрн күн хаалһин зокалыг кесг дәкҗ эвдәд, мөңгнә ялд уңһагдв. Зуг өрән даңцахар адһсн уга

Эдлвртнь кесг гиичлүр бәәсн бүрдәц коммунальн туслмҗин туст ик өртә бәәҗ. Газ болн электрокүч олзлсн төләдән, 2 сай 193 миңһн арслң өгх зөвтә бәәсмн. Уданд өрән даңцалго бәәхләнь, бүрдәцин туст зарһин керг бүтәгдв.

Одахн Москвад «Һазр һарг - мана зөөр» («Планета — наше достояние») гидг нертә бичкдүдин болн баһчудын төсвин Цугәрәсән марһана ашлгч девсң болв, кесг регионас нааран сурһульчнр ирв. Москва балһсна Патрис Лумумбан нертә РУДН-д дөрлдән болв.

А.Амр-Санана нертә Келн-улсин дегтрин саңгин умшачнр Саңһҗин Вераг сәәнәр меднә. Дөчн шаху җилдән эн цаһан седклтә, номһн, һольшг, тевчңгү көдләч өдр болһн эднән тосч, керглгдҗәдг дегтрмүднь өгч дөңгән күргнә. Саңһҗин Вера 1958 җилд Үстин района Харба селәнд эгл күч-көлсчнрин өрк-бүлд һарсмн. Мел тер цагт арвн һурвн җилдән тууврт бәәсн хальмгуд төрскн теегтән хәрҗ ирәд таңһчан шинәс босхҗала. Энүнә эк-эцкнь тосхлһна халхар олн җилдән көдләд, төрскн селәндән олн гермүд тосхлһнд орлцсн билә. Бичкнәсн авн Вера экән дахад, үүл бәрдг дасв. Дү күүкән болн дүүһән арднь орҗ хәләһәд, экдән нөкд болдг билә.

Шидр Хальмгин Толһач Хаска Бату, Улсин Хуралын (Парламентин) Ахлач Артем Михайлов, залврин Ахлачин дарук Җамбинә Очр, Әрәсән сенатор Хачирә Борис Ик Буурла района «Слава» эдл-ахуд одв.

Шар шаҗна нарт-делкән ик хург өөрдҗ йовна. Һаха сарин 25-ас авн 28 күртл Элстд 30 һар орн-нутгин элчнр цуглрхмн. Тедн дунд бурхн-шаҗна халхар күндтә багшнр Ашин Ньяниссара, Кунделинг Тацак Ринпоче, Йонгзин Линг Ринпоче, Чокьи Ньима Ринпоче, Моңһлын лам Жавзан Дордж болн талдан гиичнр ирхмн. Тиим күндтә гиичнрин ирҗәхнь керг-үүлдврин ик чинринь медүлҗәнә. Тер мет нарт-делкән номин элчнрин орлцхнь бас темдгтә болхмн.

Давсн долан хонгт хальмгудын нер дуудулсн ончта йовдл учрв. Олна үүлдврин халхд Хальмг Таңһчин элчнр седвәртәһәр үүлддгинь эн йовдл медүлв. Цуг Әрәсән кемҗәнд оюни күчиг батлҗ үүлддгән таңһчин элчнр дәкн нег үзүлв.