Бурхна шаҗ бәргч хальмг улс бидн ик эрт-урдас авн номин йосна арвн цаһан буй делгрүлҗ, арвн хар нүүлиг тевчҗ йовдг мөн. Тер арвн цаһан буйн гигч юмн кезәңк цагин хальмгудын йосн йовдлын таслш уга нег бүрдц болдг. Эндр арвн буйна туск медәг цәәлһҗ бичий.

«Теегин салькна тўўкс» («Легенды степного ветра») гидг регионмуд хоорндк фестиваль-марєан ўкр сарин 6-д болв. Олн келн улсин ґвірц хувциг белддг модельермуд болн дизайнермуд олн регионас эн фестивальд орлцв. Сііхн эн ўўлдвр эн љил онлайн янзар давв. Жюрин болн олна оньгт тусхагдсн ке-сііхн хувцн олзлсн сііхн эдірн, ишклєні янзарн, улсин зег болн нань чигн келн-улс болєна ґвірц тоотыг олзллєарн соньн болљ медгдв. Келн імтн болєна хуучна авъясмуд цагин неквр дахљ, шинрўлгдљ олзлгдљахнь чигн оньг авлна.

Хальмгин Бає Дґрвд селінд тґрсн, тенд тавн наста кўртлін біісн орсин нерті шўлгч Велимир Хлебниковин 135 љилин ґґнд нерідљ кесг керг-ўўлдвр тањєчд кегдв. Тер тоод А. Амур-Санана нерті Келн-улсин библиотекд «Бичкндк цагас авн ассн шўлгліні єал» гидг видеопрезентациг кесг умшачнр хілів. Велимир Хлебниковиг Хальмгла залєљах олн соньн тоотла презентацин йовудт келгдв, ўзўлгдв.

Элст балһсна Некрасовин нертә уульнцд хуучн гермүдәс нүүлһх улсин төлә тосхгдҗах гер эн җилин чилгчәр эдлврт орулгдх зөвтә. Таңһчин Толһач Хаска Бату эн объект өөдән чинртәһәр тосхгдҗ, әмтн цаглань шин бүүрән йөрәхиг бүрткҗ оньгасн алдхш. Шидр таңһчин Толһач Элст балһсна һардврин толһач Дмитрий Трапезниковла хамдан тосхлтын объектд одад, көдлмшин йовудыг хәләв.

Коронавирус гемәр гемтсн болн терүгәр хальдснд харлгдҗах улст дөң күргҗәх эрүл-менд харлһна көдләчнрт 2020 җилд туула сарин эклцәс авн һаха сарин чилгч күртл көдлснә цаг-болзгиг онц диг-дараһар тоолдг болхмн. Эднә төлә цаг-болзгасн эрт пенсьт һарх зөв өгчәх нег көдлмшч өдр хойр өдрт тоолгдхмн. Эмнлһсин һардвр иим көдләчнрин то-дигиг Әрәсән пенсионн саңгд орулхмн. COVID-19 гемтә улст дөң күргҗ көдлсн эрүл-менд харлһна көдләчнрт даатхлһна пенсиг цаг болзгаснь урд өгдг болхмн.

Урҗ өдр Хальмг Таңһчин Толһач Хаска Бату Советск Союзин Герой Басан Бадьминович Городовиковин 110 җилин өөнд нерәдгдсн керг-үүлдврмүд белдлһнә болн давуллһна бүрдәмҗин комитетин сүүр давулв.

Целинн района «Шин җирһл» газетд Найнтахн селәнә бәәрн улсин буйнч седклин керг-үүлдврин тускар келгдҗәнә. Шидр эдн «Чини цевр Хальмг» гидг таңһчин субботник болхас урд селәһән хог-богас ахулсн деерән күч-көлснә ветеран Зинаида Дорджиевна Манджиевад гериннь һаза шин хаша-хаац тосхв. Эн кергиг эдн Алдр Диилврин 75 җилин өөнд нерәдҗ медәтин ач-тус темдглхәр күцәв.

Тюменск мүжин Муравленко балһсна әмтн олн әмтнә ниицлтин сән өдрин байрла хальмг улсин авъясла таньлдв. Мана нег һазра күүкд күн Сучина Өлзәт бәәрн улсиг хальмг улсин авг-бәрцлә таньлдулсна тускар Көтчнрә района «Алтн булг» газетд статья һарв.

Сарпан района эмнлһнә бичкдүдин консультац Хальмг Таңһчин бичкдүдин эрүл-менд харлһна делгрлтин туск региональн төсвд орлцҗана гиҗ «Сарпан зәңгс» гидг заетин зәңгчнр бичҗәнә. Эн җилин хойрдгч кварталд бичкдүдин консультацд өдгә цага медицинск кергсл йилһгдв. Тиигәд, ода энд УЗИ-аппарат, лоркомбайн, цусна, нүдн дотрк цусна дарлт болн ЖКТ-н мөчмүдин шинҗллтин кедг кергслмүд углҗ тәвгдв.

Ірісін телеўзлір «Тобол» фильм ўзўлгдв. Терўнд швед келн кўўкд кўўні соньн тууљ орсн бііні. Бірінд тусад, Зўн єара хаана алвтд біісн Бригитта нерті кўўкд кўўні дўриг фильмд Агата Муцениеце бўрдіљіні. Бригитта-Кристина Шерзенфельд (1684 - 1736) Сконе гидг єазрин Беккаскуг гидг біірнд тґрсмн. Лейтенант Курт Шерзенфельд болн Бригитта Транандер хойрин бўлд тґрсн кўўкні љирєлд соньн йовдлмуд учрхинь тиигхд кўн медљісн уга.