Глава Калмыкии Бату Хасиков прокомментировал заявление Президента страны Владимира Путина.

Маңһдур мана орн-нутгт күн болһна төлә ик чинртә тоолгддг экин Өдр темдглҗ, эңкр ээҗнрән болн экнрән йөрәҗ, ач-тусинь хәрүлхәр зүткнәвидн. Ик-бичкн угад эк хамгин эңкр, хәәртә, дурта күн болдг. Эк үрән йисн сардан гесндән тееһәд, өсәд-бостлнь нүдн-амн болад, эрүл-менд, цадхлң йовна уга гиҗ зовна.

Үкр сарин 20-д Элстд Хальмг Таңһчин Улсин Хуралын (Парламентин) дарани сессь болв. Терүнд ут тоодан долан төр хәләгдв, тедн дундас ирх һурвн җилин кемд таңһчин хазна туск закана төсв түрүн умшлһндан хәләгдснь хамгин чинртә болв. Тер мет эрк биш эрүл-мендин даатхлһна саңгин хазна, алвна, экин региональн сертификатын болн олн патьрта гермүдт бат ясвр келһнә туск төрмүд бас хәләгдв. Сүүриг Хальмг Таңһчин Улсин Хуралын (Парламентин) Ахлач Артем Михайлов һардҗ давулв. Сессин көдлмшт Хальмг Таңһчин залврин Ахлач Босхмҗин Гилән, Улсин Хуралд Хальмг Таңһчин Толһачин элч Манҗин Араш, Хальмг Таңһчар үүлддг федеральн элч Сергей Бойко, зарһин, зөв-йосна болн бүртклһнә бүрдәцсин элчнр орлцв.

Хальмг Таңһчд арһлачнрин җисәнә делгрлтд ик оньган өгч, региона һардврин болн залврин нилчәр баһ бүрдәцс секлһн, экспортыг өргҗүллһн өсәд йовна. Тер кергт «Росмолодежь» шаңһа агентствин көдләчнр шунмһаһар орлцҗ, баһчудт эврә салг-үүлдвр секлһнд дөң болҗ тиим төсвиг кесг регионд тохрана.

Нүүдлч хальмг улс эргндк йиртмҗиг, моһлцг һазр деер бәәх әмтә тоотыг йир сән меддг бәәсмн. Бийдән теҗәл кех герин мал өскҗ йовсн деерән аңһучлад бас арһан хәәдг бәәсмн. Кемр итклтә иньг ноха уга болхла, мана өвкнрт му болх бәәсмн.

Хулһн сарин 22-т Бурхн Багшин номд шүтдг делкән цуг әмтн хамгин ик байран темдглнә. Бурхн Багш 33 бурхна евәлтә һазрас бууҗ ирсн өдр болҗ тернь күндлгднә.

Цергә шишлң керг-үүлдвр болҗадг һазрт даалһвран күцәҗәдг таңһчин 119 цергч 2024 җилд өрк-бүлән өндәлһв.
Тиим зәңгиг Хальмг Таңһчар үүлддг ЗАГС-ин Заллтын зәңгллһнә әңг олна оньгт тусхав.
Келхәс, цергчнр өрк-бүл болҗахин туск цаасиг цергә әңгдән кеһәд, терүгән әңгин командирар батлҗ чадҗана. Тер цаасан ЗАГС-ин ямаран чигн нег әңгүр илгәх таалта болҗана.

Хальмг улс кезән-кезәнәс дөрвн зүсн мал өскҗ йовсмн. Эн дөрвн зүсн мал эзндән теҗәл болҗ, җирһлднь кергтә тоотынь теткҗ йовсмн. Моңһлчуд болхла, ямаг орулад, тавн хошун мал гиҗ келнә. Нег үлү өдгә цагт моңһлчуд ямаг икәр өскнә. Яһад гихлә, ямана бул, эс гиҗ ноолур, маш үнтә болдг. Ноолурас кесн хувц-хунр йир дулан болсн деерән, үнтәһәр хулдгдна. Хальмг улс болхла ямаг икәр керглхш. Яман мал хальмгуд далаһар өскдг эс болв чигн, яманас авдг олз бас бәәнә. Хамгин түрүнд – ямана бул болн үсн. Ямана булар өөмс өлгдг, үсәр ээзгә кедг бәәсмн.

Хальмгин Толһач Хаска Бату «Арт-тандыр» хот болһдг беш кеҗ һарһдг бүрдәцд одв. Кезәнә эклцән авсн керг өдгә цагт Хальмгт цаарандан күцәгдҗәхинь олыг байрлулҗана

Таңһчин Толһач Хаска Бату Әәдрхнә мүҗин болн Хальмгин әңгин ВТБ банкин ахлач Федор Лобановла болн «Элст» РОО «Астраханский» немр әңгин һардач Алексей Секеновла харһв.