Хальмгт олн зўсн кґгљм делгрлт авчахин тускар бидн «Калмыкия» РИА-д болсн брифингд орлцад медвидн. Ґдгі цага кґгљм татдг, эн халхар ўўдіврмўд бичдг баєчудыг Ірісін кґгљмин аєуд меддгнь чигн сін зіњг болв. «Sommerset» гидг кґгљмин багин єардач Руслан Дуляев болн эн багин дууч Ангира Дорджиева журналистнрт шин альбом єарєснаннь тускар келљ ґгв.
Руслан Дуляевин келсір, шин альбомд ніімн дун болн хойр композиц орв. Тер комозицин негнь А.Свешниковин нерті государственн академическ орс хорин солистк Гиляна Дорджиевала хамдан кґгљмчнр бичсмн.

Театрин зурач тііз деер ўзўлгддг наадна ґњг-біідл болн дўриг тогталєнд шунмєа кевір орлцдг кўн болљана. Театрт ирсн хілієічнрин ик зунь ямаран белдвр кегдсинь, нааднд цагин біідл яєљ тогтагдсинь, терўнд орлцљах улс ямаран хувцтаєинь дала икір оньгтан авхш.

Хальмг Тањєчин улсин артистк, Ірісін Федерацин улсин артистк Валентина Ильцаранован 80 љилин ґґнд нерідгдсн хальмг дууна фестиваль - марєан болв. Ірісін композитормудын Нииціні Хальмг іњг болљах композитормудын болн кґгљмчнр - ніірўлічнрин тањєчин Нииціні седвірір эн фестиваль бўрдігдсмн. Тањєчин сойлын болн туризмин министерствин дґњгір кегдсн фестиваль дуунд дурта тањєчин олн улсиг хурав. П. Чонкушовин нерті Элстин кґгљмин колледж эн ґдр хальмг дууна айст сергід, шуугад біів.

«Калмыкия» РИА-д шидр болсн пресс-конференцд шин єарсн хальмг фильмин тускар кўўндвр болв. «Заметки Манджика. Я Калмык» гиљ нерідгдсн фильм ноябрь сард диглгдљ белдгдљ, олн хілієічнрт ўзўлхд белн болв. Сценарийин тўўрвіч Санан Уруджаевин келсір, фильм олн улст нерідгдљіні. Ґрк-бўлірн, ўр-иньгтієін ирљ терўг хілітн, гиљ эн ўрвр кев.

Санкт - Петербургиг орн-нутгин сойлын хотл гиљ келдгнь хара йовдл биш. Театрин, кґгљмин болн сойлын нань чигн олн халхар сііхн эн балєснд олн зўсн марєан, фестиваль болна. Нева деерк балєснд болдг фестивальмуд болн хіліврмўд кґгљмд дурта улсиг энд дањгин хурана. Санкт-Петербургин филармоня ул деер шидр болсн тиим нег фестивальд хальмг кґгљмч Савр Катаев орлцв.

Ноябрь сар Хальмгин сойлд, тер дотр бииєин эрдмд ик кўцімљті болв. Тањєчин бииєин дґрвн коллектив олн зўсн марєанд орлцљ, нўр орм эзлљ, тањєчин нериг Цугірісід дікніс туурулв. Эндр бидн хойр коллективин кўцімљин тускар бичљінівидн.

Ноябрь сарин эклцір Грозный балєснд «Creativity horizons» гидг бичкдўдин болн насни дигт кўрід уга баєчудын ўўділтин нарт-делкін марєан-фестивалин тўрўн девсњ болв. Терўнд Москваєас, Удмуртяс, Хальмг Тањєчас, Дагестанас болн Чечняєас 35 коллектив орлцад, бииєин, дууна болн зевсгўдин номинацд билг-эрдмін ўзўлв. Хальмг Тањєчас эн марєанд Е.Толкачевин нерті «Тюльпанчик» ансамбль орлцад, Гран-при шўўљ авв. Ґцклдўр ансамблин єардач Людмила Толкачева, хореограф Делгир Церенова болн биичнр Эльмир Рустамов болн Алина Джеева журналистнрт эн фестивалин тускар келљ ґгв.

Басњга Баатрин нерті Хальмг келн-улсин драматическ театр урдк кевірн фестивальмудт орлцљ, нерін дуудулљ йовна. Шидр эдн Санкт-Петербургд болсн театрмудын нарт-делкін олимпиадмудт орлцад, «Я –Будда» гидг наадан ўзўлв. Хальмг театрин наадн ґґдінір ўнлгдв. Театрин шалєачнр наадна тускар таасч бичв.

Симферополь балєснд октябрин 29-с авн 30 кўртл туризмин халхар Цугірісін хілівр болв. «Открытый Крым» гидг туристск форумин кемљінд тернь давв. Ямр нег ґґнлі эс гиљ йовдлла ирлцўлљ кегддг туризмин халхар белдгдсн олн тґсв терўнд ўзўлгдв. «Russian Open Event Expo» гидг нертієір кегдсн хіліврт цуг орн-нутгас хамгин сін олн тґсв ўзўлгдв. Туризмин федеральн агентств бўрдідг эн хілівр 7-ч кемдін болљана. Ончта нег ґґнлі эс гиљ йовдлла ирлцўлљ кегддг туристическ тґсвс региона сойлла олн улсиг таньлдулдг сін авъяста. Хіліврин шўўвр хойр девсњгір кегдв. Финалд орлцх 200 єар тґсв шўўљ авгдсмн.

А. Амур-Санана нерті Келн-улсин библиотек умшачнр дунд олн зўсн керг-ўўлдвр кўціні. Дегтрин кґрњд ирдг улсин насна болн медрлин кемљієинь тоод авч, ўўлдвртін орлцулна. Багшнрин мергљлт ґґдлўллєні Хальмг институтла хамцу ўўлдід, селініс ирсн багшнриг библиотекд тосљ авч умшачнрин конференцд, соньн харєлтд, эс гиљ чинрті нег тґрір болљах кўўндврт орлцулна. Иигід институт болн библиотек багшнриг сойлын болн олна љирєлин халхд болљах йовдлмудла таньлдулна.