Элстд Хальмг ик сурһулин ул деер Әрәсән Өмн үзгин мал эмнлһнә Х нарт-делкән хург давв.

Одахн Элстд Хальмг ик сурһулин номин дегтрин саңд Китд Улсин Республик бүрдснә 75 җилин өөнд нерәдсн арвн хонгин ашиг дигллһнә керг-үүлдвр болв. «75 җилдән хамдан: Китдин сойлын болн тууҗин зөөрлә таньлдҗ зуулльчлһн» гиҗ эн нерәдгдлә. Арвн хонгт шунмһаһар орлцсн оютнриг болн сурһульчнриг энд ачлв. Конфуцийин нертә күрәлңгин болн һазадын орна келнә, сойлын хоорндк зәңгллһнә болн регионоведеня тиңкмин бүрдәсн марһасин ашнь бас энүнә йовудт диглгдв.

«Калмыкия» гидг хәәврин отрядмудын Ассоциац «Медрл» ниицәнә Медрл.Баатрмуд төрскнч сурһмҗин төсвд орлцҗана. Терүнә медлд Ассоциацин ахлач Халхина Дмитрий Элст балһсна сурһульчнрла харһад, мана нег һазра улсин залу-зөрмгин болн баатр йовдлмудын тускар келҗ өгчәнә.

Одахн Элстд таңһчин сурһуль-эрдмин министерствин коллегийин сүүр болв. Эн керг-үүлдврт райодын залврин, министерствин медлин талдан чигн бүрдәцсин болн сурһульмудын һардачнр болн коллегийин гешүд орлцв.

Таңһчин уйн наста зуульчнр Яшалтан һазрт эврә дарани марһанд цуглрв. Одахн Яшалтан района «Лесная сказка» бичкдүдин эрүл-мендинь батруллһна төвин ул деер таңһчин сурһульмудын арвтнрин 46-ч зуульчллһна цуглран секгдв.

Күүнә җирһл ора болн җора гиҗ кезәнә келчксн юмн, нег хаалһар йовдго, нег зокалар бәәдго болҗана. Тер мет Элстин 2 - ч тойгта сурһулин эсвин багш Эльдшә Түрбән җирһл бас кесг райодла, кесг йовдлла залһлдата, орн-нутгт болҗасн ик сольврмуд бас үлмәһән күрглә.

Сүл җилмүдт мана таңһчин райодт болн Элстд 47 сурһулин гер шинрүлгдв, тернь цуг сурһульмудын 30 процент тогтаҗана, талдан зәрм регионмудт тер үзмҗ зуг 5 процентд күрв. Ик Буурла района Орһахн селәнә дунд сурһульд бас эн җилин ноха сард бат ясвр төгсв. Энүнә йовудын тускар сурһулин һардач Олюша Татьяна келҗ өгв.

Һаха сарин 2-т Элстд, таңһчин залврин конференц- залд колледжмүдт сурһульд орсн оютнрла харһлт болв. Сүүрин йовудт баһчудыг сурһуль-эрдмин болн номин министр Әңгрә Булһн, Хальмг ик сурһулин һардач Салан Бадм болн таңһчин тооһин делгрлтин министр Этән Алексей сурһулин шин җил эклснлә йөрәҗ эднд күцәмҗ дурдв.

Элстин политехникин колледжин медлд профессиональн белдвриг түргәр күцәлһнә таңһчин төв байрин бәәдлд секгдв.

Сарул-сәәхн бәәшңгүдт сурчана.
Эмнлһнә дацң секгдснь темдгтә.
Ут наста, бат кишгтә болҗ.
Олн үртә өрк-бүлмүдиг дөңнәд.