• Медрлин Өдрлә йөрәв


    Элст балһсна 4-ч тойгта дунд сурһульд 1046 сурһульч сурна, тер тоод 100 күүкн-көвүн эн җил 1-ч класст орв. Дамшлтта багшнр Карун Светлана, Савкан Саглр болн Чурюма Светлана эдниг бүләнәр тосч авв. Медрлин Өдрлә йөрәхәр эн сурһульд Хальмг Таңһчин Толһач Хаска Бату, таңһчин прокурор Виталий Семенченко, Элст балһсна Хургин депутат Сарңга Церн болн нань чигн улс ирснь темдгтә болв.

    • Вчера, 14:00
  • Шинрүлгдсн сурһульмудт одв

    Хальмг Таңһчин Толһач Хаска Бату медрлин Өдрлә бат ясвр кегдсн Целинн района Партизанск дунд сурһульд болн Сергий Радонежскийин нертә Орс Келн-улсин гимназьд бас одв. Эн өдр сурһульчнр болн багшнр шинрүлгдсн сурһульмудтан ирҗ, йосндан байрлҗ бахтв.

    • Вчера, 13:56
  • Шүлгч Саңһҗин Босян нерн зүүлһгдв

    Эн өдрин бийд Целинн района Троицкое селәнә дунд сурһульд хальмг улсин шүлгч Саңһҗин Босян нерн зүүлһгдснд нерәдсн байр болв. Хальмг Таңһчин Толһач Хаска Бату сурһульчнриг болн багшнриг йөрәхәр тиигәрән ирв. Хальмг Таңһчин сурһуль-эрдмин болн номин министр Александр Ким, Саңһҗин Босян күүкнь Татьяна Басанговна болн җичнь Саңһҗин Эрднь, Целинн района толһач Увшан Басң эн керг-үүлдврт орлцв.

    • Вчера, 13:52
  • Нег һазра дәәчнрин үлгүрәр

    Урҗ өдр Хальмг Таңһчин сурһуль-эрдмин бүрдәцст медрлин Өдрт нерәдсн байрин керг-үүлдврмүд болв. Эн җил мана таңһчд һурвн миңһн шаху көвүн-күүкнә төлә сурһулин шин җил эклв.
    Хальмг Таңһчин залврин Ахлач Босхмҗин Гилән, Элст балһсна Хургин депутат Хаска Аюка, цергә шишлң керг-үүлдврт орлцач, эн гимназиг төгсәсн Манҗин Эрнцн болн талдан гиичнр Элст балһсна олн салврта гимназьд болсн байрт ирв (зургт).

    • Вчера, 13:33
  • Сурһулин шин җил күцәмҗтә болтха!

    Зуни амрлһн төгсәд, кесг миңһн күүкн-көвүн лагерьмүдт сергмҗтәһәр амрад,сурһулин шин җилд белдв. Негдгч класст орҗадг бичкдүдин болн эднә эк-эцкнрин төлә ик чинртә өдр болҗана. 2026-2027 сурһулин җилд 3000 шаху сурһульч медрлин хаалһдан орхмн.

    • Вчера, 12:56
  • Селәдт бәәдг баһчудыг дөңнәд

    Орн-нутгт селәнә эдл-ахун делгрлтд болн терүнә төлә кадрмуд белдлһнд һол оньг өггдҗәнә. «АПК-н кадрмуд» гидг шаңһа төсв тер чинртә керг күцәлһнд туслҗана. Әрәсән Залврин сүүрмүдт селәнә эдл-ахун делгрлтин төрмүд даңгин хәләгднә. Баһ наста мергҗлтнрин то өсх зөвтә гиҗ неквр тәвгдҗәнә. АПК-н халхд шин эв-арһс олзлх баһчудыг белдхин төлә сурһульмудын улд агроклассмуд секгдҗәнә, селәнә эдл-ахун халхар шинҗллт кеҗәдг, терүг делгрүлҗәдг багшнриг болн номтнриг дөңнх кергтә гиҗ темдглгднә.

    • 25-08-2026, 13:05
  • Багшнр дамшлтарн хувалцв

    Шидр таңһчин райодар болн Элстд сурһулин шин җил угтҗ багшнрин селвлцән болв. Сарпан района Уманцево селәнә дунд сурһульд цуглрсн Сарпан, Целинн, Көтчнрә, Октябрьск болн Баһ Дөрвдә райодын сән гисн багшнр ачлгдв. Тер тоод Баһ Дөрвдә района Тундутово селәнә дунд сурһулин һардачин дарук Инна Непенкина болн Плодовитое селәнә дунд сурһулин тууҗин багш Светлана Сафронова «Әрәсән сурһуль-эрдмин күндтә көдләч» гидг нер зүүв. «Келни билг» гидг таңһчин мөрәһәр ачлгдсн Баһ Дөрвдә района Уңһн Төөрәч селәнә дунд сурһулин хальмг келнә болн утх-зокъялын багш Цагда Каруд Әрәсән гегән-герлин Министерствин Күндллһнә һашг бәрүлҗ өггдв. Баһ Дөрвдә гимназин багш Бамбша Эльза Хальмг Таңһчин сурһуль-эрдмин болн номин министерствин Күндллһнә һашгар ачлгдв. Селвлцәнә йовудт багшнрин мергҗлт өөдлүллһнә таңһчин күрәлңгин көдләчнр кичәлмүдт өдгә цагин эв-арһс олзллһна төрәр тодрха цәәлһвр өгв.

    • 25-08-2026, 13:03
  • Көдлмшч эрдмтә мергҗлтнриг белдхәр

    Хальмг Таңһчин колледжмүдт 2026 җилин абитуриентнриг орулҗ авлһна дааврта керг-үүлдвр төгсчәнә. 9-ч болн 11-ч классан төгсәсн арвтнрт тааста эрдмән шүүҗ авхин төлә зуг цөөкн өдр үлдв.

    • 25-08-2026, 12:57
  • Колледжин элчнр селвлцв

    Одахн Элстд таңһчин колледжмүдин багшнрин селвлцән болв. Сән авъяст тохрсар, ноха сард болдг селвлцәнд көдлмшән үнн-чик седклтәһәр күцәдг көдләчнриг онц темдглҗ болв.

    • 25-08-2026, 12:52

Видео