Элст балһснд «Родина» нертә сойлын цутхлң нурҗана. Келхд, эн гер цуг хальмгудын төлә тууҗлгч чинртә. 1943-ч җилин бар сарин 28-д минь тенд хар гөрәр урвачнрт зарлгдсн хальмгудыг күчәр цуглулад, тендәс Сиврүр авад һарла.

Хальмг Таңһчд олн келн-улс ни-негн бәәҗ, кен-негнәннь сойл, авъяс болн тууҗ күндлҗ, хамдан эн һазрин цецгәрлтд тәвцән орулҗ йовна. Кесг келн-улс хальмг теегт ирәд, энд хөвән олҗ, насн-җирһлиннь туршарт бәәнә. Төрҗ һарсн һазран эдн тодлдг болв чигн, элгн-садндан гиичлҗ одсна дару хальмг теегән санҗ хәрү нааран адһна. Хол 1981-ч җилд баахн Роман Гусейнов Донецк балһснд милицин сурһуль төгсәснә дару хальмг һазрт күч-көлснә хаалһан эклсмн. Тер цагас авн дигтә дөчн җил болв, энд хойр күүкнь һарв, ачнр-зеенрнь өсчәнә.

Нидн намрар Көтчнр селәнд Әрәсәд, Моңһлд болн СНГ-н орн-нутгудт Дала ламин гегәнә күндтә элч, Хальмгин шаҗн лам Тэло Тулку ринпоче хурл босхх һазр әрүслсн билә. Мөргүл давулгдсна хөөн хурлын тосхлтын көдлмш эклв. Келхд, района әмтн хурлын тосхлтд ик эртәснь мөңг цуглулв.

Өцклдүр Хальмг Таңһчин эрүл-менд харлһна министр Кикенә Юрий болн Роспотребнадзорин региональн заллтын һардач Санҗин Җаңһр коронавирусн гемин туст тогтсн бәәдлин болн эн хальдврта гемәс саглуллһна тәрлһ авлһна тускар келҗ өгв. Хамгин түрүн таңһчин ах санитарн эмч Санҗин Җаңһр коронавирусн гемин туст тогтсн бәәдлиг үнлҗ, тооцаһан өгв.

Пандемий эклсн цагас авн мана таңһчин эмнлһсин улд госпитальмуд бүрдәгдҗ, коронавирусн гемәр гемтсн улст медицинск дөң күрггдҗәнә. Таңһчин эрүл-менд харлһна көдләчнр күнд бәәдлд шин хальдврта гемәс хөрлһнд арһ-чидлән нөөлго үүлдҗ, гемтә улст дөңгән күргҗәнә. Урднь үзгдәд уга хальдврта гемиг күн болһн онц кевәр дааҗ һарна.

Январин 23-д цуг делкід соньн нег керг-ўўлдвр давв. Бичлєні олн - зўсн кегдлмўд кељ єарєдг делкін Ассоциац єарар бичлєні ґдр темдглхір шиидсмн. Ґдгі цага технологий болн цифровизац тўргн делгрлт авчах кемд імтн нег-негндін бичг бичдгін уурв. Ик зуудан імтн телефона дґњгір ахр зіњг авлдчкад бііні. єартан ўзг бірљ ухан-тоолвран бичдг, мендин бичг йовулдг улсин то баєрв.

«Эрүл-менд бә!» гидг аптекин һардач Һәрән Ольга бийән хөвтә күүнд тоолна. «Юңгад гихлә би наснаннь туршарт сән улсин дунд бәәнәв. Б. Б. Городовиковин нертә Троицкое селәнә гимназьд сурчахд маднд биологий дасхдг Г. Г. Санджиева мини дурта багш билә. Дарунь Тамара Хахлыновин нертә Хальмг медколледжд нанд җирһлин болн сурһулин медрл өгсн багшнр А. И. Шарапов, О. И. Шарапова болн Г. С. Кичик бәәсмн», – гиҗ Ольга Николаевна тодлна.

Пандемий эклсн цагас авн таңһчин эрүл-менд харлһна көдләчнр шин коронавирусн гемәс хөрлһнә кергт түрүн зергләнд бәәнә. Эдн гемтә улсин әм аврлһна, теднд медицинск дөң күрглһнә үнн - чик седклтәһәр көдлҗәнә. Харм төрхд, эдн дунд кесгнь эн хальдврта гемәр бас гемнтв. Тегәд чигн мана орн-нутгт эн гемәс саглулҗ тәрлһнә керг-үүлдвр эклхлә, эрүл-менд харлһна көдләчнр хамгин түрүнд терүг авв.

Эн өдрмүдт шаңһа туслмҗин портал олзлҗ әмтн коронавирусн гемәс саглуллһна тәрлһ авлһнд бичгдҗәнә. Тиигәд шидр кесн шинҗллтин ашар мана таңһч тиим эв-арһар тәрлһнд әмтн шунмһаһар бичгдҗәх тавн региона тоод орв. Терүнә тускар Әрәсән вице-премьер Дмитрий Чернышенко зәңглв.

Хальмг Таңһчин эрүл-менд харлһна министерствин зәңглсәр, пандемий эклсн цагас авн мана таңһчд ут тоодан 17 миңһн һар күн коронавирусн гемәр гемтв. Сүл хонгт дәкәд 71 күн эн хальдврта гемәр гемтснь медгдв. Тиигәд, ода таңһчин эмнлһсин улд үүлдҗәдг госпитальмудт 770 күн, гертән болхла 4216 күн эмнлһ авчана. Теднәснь күнд кевәр гемнҗәх 26 күүнәс 17-нь ИВЛ-аппаратд бәәнә. Һундл төрхд, сүл өдрмүдт эн гемәс көлтә сәәһән хәәсн улсин то икдәд, 240-д күрв.