Эн долан хонгт Элстд «Җилин сән гисн өрк-бүл» гидг Цугәрәсән марһана таңһчин девсңд ончрсн өрк-бүлмүдиг цуглулад, үр-иньгин таалд эдниг тооһад, ачлвринь бәрүлҗ өгв. Күүкдтәһән болн ачнр-зеенртәһән ирсн өрк-бүлмүд хоорндан таньлдад, билг-эрдмән үзүлҗ цаган сергмҗтәһәр давулв. Хальмг Таңһчин залврин Ахлачин дарук– таңһчин социальн делгрлтин, күч-көлснә болн көдлмшәр тетклһнә министр Өлзәтин Марина эдниг йөрәһәд, федеральн марһанд орлцҗ диилвр бәрхиг дурдв.

2023-2024-ч җилмүдт Әрәсән Президент Владимир Путинә даалһсар Москва балһснд «Әрәсә» нартделкән һәәхүл-хургт Хальмг Таңһч бас орлцхмн. Тенд орн-нутгин экономическ күцәмҗ үзүлгдхмн.

Эн өдрмүдт бичкдүдин садмудт төгсәһәчнрин байр болҗана. Ума күүкм 29-ч тойгта «Иньгллт» нертә бичкдүдин садыг төгсәв, гиҗ таңһчин Толһач Хаска Бату келв.

Хальмг Таңһчд АПК-н халх делгрлт авчахас иштә селән һазрт сән таал тогтах кергтә болна. Көдлмшч шин ормс бүрдәҗ, социальн бүрдәцс тосхҗ, цуг таал тогтагдна.

Хальмг Таңһчин сойлын ачта көдләч Клара Сельвинан «Как я стала министром» гидг дегтр барас һарв. Эн дегтрин презентац шидр Басңга Баатрин нертә Келн-улсин театрт болв. Театрин үүлдәчнр, артистнр, сойлын көдләчнр, нань чигн олн улс эн үүлдврт орлцв. Олнла нег зергләнд йовад, сойлын министр болҗ төлҗсн билгтә артисткин, сойлын шунмһа үүлдәчин җирһл болн үүлдвр эн дегтрт зөвтә орман олсна тускар күүндвр болв.

Шидр шаҗна халхар ончта нег йовдл учрв: Хазна чонҗин гегәрлтин төвд шаҗна әрүн чинртә номиг орчулдг күрәлңгин элчнрин барлҗ һарһсн “ Мошен тавн дегтрин” презентац болв. Энүг әрүн Кирилл болн Мефодий гегәрүлгчнрин байрт нерәдәд, Элстин болн Хальмгин епархий эн күрәлңгин орлцлһтаһар бүрдәсн болдг. Эн керг- үүлдвриг Элстин болн Хальмгин ик цолта гелң Юстиниан һардҗ давулснь басл темдгтә болв. Деер келгдсн күрәлңгин һардачин дарук Наталья Горбунова болн селвгч Алексей Сомов телеүзләр дамҗад бас эн ончта йовдлд орлцсинь заах кергтә.

На днях в столице Калмыкии состоялся традиционный турнир по волейболу на приз депутата Элистинского городского Собрания, проректора КалмГУ по экономике и инновациям, доктора экономических наук, профессора Эльзы Мантаевой. В турнире приняли участие команды учреждений и организаций, расположенных на территории 5-го избирательного округа г. Элисты.

Келн-улс болһн эврә амн үгин зөөртә. Мана өөрд-хальмгин амн үгин зөөр йир байн. Тер дотр кезән-кезәнә үүдсн туульмуд. Эндр Шинҗәнд бичүлҗ авсн “Эрк шар көвүн” гидг нег өөрдин тууль тана оньгт тусхаҗанавидн. Эн туулиг Аршан һазра Көндлң селәнә 75 наста Җала өвгнәс 1980-ч җилмүдт Пү.Баатр бичүлҗ авад, «Хан Теңгр» гидг седкүлд барлҗ һарһсмн.

Хөрдгч зун җилин чилгчәр урднь бәәсн мана орн-нутг хүврәд, Дунд Азийд бәәдг иргнмүд Әрәсәд олар ирҗ көдлдг болв. Сән хөв-жирһл олхар эдн ик зуудан Москва балһснур темцв. Энд өрк-бүлмүдән асрхин төлә ямр чигн көдлмш кеҗ йовсмн.

Тууҗ гисн юмб? Энтн эгл әмтнә, теднә җирһл, эднә әмдрлд учрсн тоот мөн. Ботин Ивана «Тихое озеро» гидг дегтриг һартан бәрҗәһәд, тенд орсн тоотыг умшҗаһад, иим тоолвр уханд орв. Юнгад гихлә бидн ик зуудан тууҗ гихлә – алдр үүлдәчнр, зөргәрн нер һарсн улсиг, ик чинртә йовдлмудыг тодлнавидн. Болв тууҗ саяд эгл улсин үүлдвр болҗана. Олн эгл улсин түрүн хәләцд дала ик оньг тусхадго, болв җирһлд йовуд өгдг тасрхан уга көдлмшин ашт тууҗ үүднә. Эдниг уга болхла тууҗ чигн уга болх бәәснь маһд уга.