Январин 23-д цуг делкід соньн нег керг-ўўлдвр давв. Бичлєні олн - зўсн кегдлмўд кељ єарєдг делкін Ассоциац єарар бичлєні ґдр темдглхір шиидсмн. Ґдгі цага технологий болн цифровизац тўргн делгрлт авчах кемд імтн нег-негндін бичг бичдгін уурв. Ик зуудан імтн телефона дґњгір ахр зіњг авлдчкад бііні. єартан ўзг бірљ ухан-тоолвран бичдг, мендин бичг йовулдг улсин то баєрв.

Одахн, туула сарин 20-д, Аєш балєсна шањєа социальн- педагогическ ах сурєульд I Цугірісін чуулєн болв. Энўнд китд келні багшнр, тер тоод єазадын орна мергљлтнр, орлцв. Ик хургт болсн керг-ўўлдврт болн «тґгрг ширін» сўўрмўдт Хальмг ик сурєулин Конфуцийин институтын элчнр бас соњсхвр кев.

«Эрүл-менд бә!» гидг аптекин һардач Һәрән Ольга бийән хөвтә күүнд тоолна. «Юңгад гихлә би наснаннь туршарт сән улсин дунд бәәнәв. Б. Б. Городовиковин нертә Троицкое селәнә гимназьд сурчахд маднд биологий дасхдг Г. Г. Санджиева мини дурта багш билә. Дарунь Тамара Хахлыновин нертә Хальмг медколледжд нанд җирһлин болн сурһулин медрл өгсн багшнр А. И. Шарапов, О. И. Шарапова болн Г. С. Кичик бәәсмн», – гиҗ Ольга Николаевна тодлна.

Пандемий эклсн цагас авн таңһчин эрүл-менд харлһна көдләчнр шин коронавирусн гемәс хөрлһнә кергт түрүн зергләнд бәәнә. Эдн гемтә улсин әм аврлһна, теднд медицинск дөң күрглһнә үнн - чик седклтәһәр көдлҗәнә. Харм төрхд, эдн дунд кесгнь эн хальдврта гемәр бас гемнтв. Тегәд чигн мана орн-нутгт эн гемәс саглулҗ тәрлһнә керг-үүлдвр эклхлә, эрүл-менд харлһна көдләчнр хамгин түрүнд терүг авв.

Эн өдрмүдт шаңһа туслмҗин портал олзлҗ әмтн коронавирусн гемәс саглуллһна тәрлһ авлһнд бичгдҗәнә. Тиигәд шидр кесн шинҗллтин ашар мана таңһч тиим эв-арһар тәрлһнд әмтн шунмһаһар бичгдҗәх тавн региона тоод орв. Терүнә тускар Әрәсән вице-премьер Дмитрий Чернышенко зәңглв.

Хальмг Таңһчин эрүл-менд харлһна министерствин зәңглсәр, пандемий эклсн цагас авн мана таңһчд ут тоодан 17 миңһн һар күн коронавирусн гемәр гемтв. Сүл хонгт дәкәд 71 күн эн хальдврта гемәр гемтснь медгдв. Тиигәд, ода таңһчин эмнлһсин улд үүлдҗәдг госпитальмудт 770 күн, гертән болхла 4216 күн эмнлһ авчана. Теднәснь күнд кевәр гемнҗәх 26 күүнәс 17-нь ИВЛ-аппаратд бәәнә. Һундл төрхд, сүл өдрмүдт эн гемәс көлтә сәәһән хәәсн улсин то икдәд, 240-д күрв.

1941-ч җилин гаха сарин 8-с авн 1944-ч җилин туула сарин 27 күртл Ленинград балһсн немшнрин бүслврт бәәсмн. Йисн зун шаху өдрин туршарт эн балһсна әмтн күчр бәәдлд бәәв, немшнр өдр-сө уга бомб хайҗ дәврдг мөн. Бәәрн әмтн өлсәд, түрү-зүдү бәәҗ, ик зовлң эдлсмн. Кесгнь өрк-бүләрн чигн даарад - харһнад әмнәсн хаһцсмн.

Өөрд улс олн баатрльг туульта болн дуулврта. Хамгин нертәнь – “Җаңһр”. “Җаңһриг” Хальмг Таңһчин ик-бичкн улс сәәнәр меднә. Зуг өөрд улсин оңдан баатрльг туулиг мана умшачнр сәәнәр медхш. Мана ах-дү Моңһл улсин, Китдин Шинҗәнә өөрд дунд «Хан Харңһу», «Бум Эрднь», «Дәәни Күрл» болн нань чигн туульс кезән-кезәнәс нааран амн үгәр келгдәд бәәҗ өдгә цаг күртл ирсмн. Иим нертә туульс Хальмг Таңһчд барас һарад уга билә. 80-ч җиләс авн 1992-ч җил күртл Шиңҗәңгин ард кевллин хорад барлад һардг «Хан Теңгр» цуврл бичгин «Хан Харңһу» гидг дегтрин нег бөлгиг тод бичгәс өдгә хальмг бичгт буулһад таднд тусхаҗанавидн.

Одахн «Ик завср» («Большая перемена») гидг Цугірісін сурєульчнрин марєанд орлцачнр «ВКонтакте» гидг социальн гґлмд шин долан хонган он-лайн диг-дараєар эклв, энўні тґрнь «Шин љил – ик кўсл» («Новый год – большие цели») гиљ нерідгдв. Эн марєан Ірісін гегін-герлин министерствин дґњгір бўрдігдљіні.

Хальмг Таңһчин эрүл-менд харлһна министерствин зәңглсәр, пандемий эклсн цагас авн мана таңһчд 16820 күн эн гемәр гемтв. Теднәснь 14158 күн эмнлһ авсна хөөн эдгв, тер дотр сүл өдрт – 154 күн мөн. Сүл хонгт кесн шинҗллтсин ашар, 77 күүнд эн хальдврта гем илдкгдв. Тегәд өцклдүрк тооһар эдгсн әмтнә тонь гемтснәснь хойр холван ик болҗана. Эннь байрта йовдл мөн.

Таңһчин эмнлһсин улд үүлдҗәдг госпитальмудт 787 күн эмнлһ авчахнь медгдв. Теднәс 25 күн күндәр гемтҗәнә, 14 күн ИВЛ аппаратар ки авчана. Дөрвн миңһнәс үлү күн гемтә улсла хәрлцсн төләдән гертән бәәнә, эднә бәәдлиг эмчнр бүрткнә. Район болһнд гемтсн улсин тонь иим: Яшкулин районд – 41, Көтчнрә – 29, Хар Һазра – 22, Городовиковск – 23, Приютна – 20, Үстин райодт – 14, Лаганьд – 20 күн эмнлһнд бәәнә.
Коронавирус гем урднь үзгдәд уга гем болна. Җилин туршарт эн хальдврта гемлә мана таңһчин, Әрәсән, цуг нарт-делкән эмчнр ноолда кеҗ, мадниг эн аюлас аврчана. Эн гем нег күүнәс талдан күүнд хальддгинь ода күн болһн сәәнәр медсмн. Тегәд олн-әмтн цуглрдг һазрт саглуллһна некврмүд эрк биш күцәх кергтә. Һазаһас орҗ ирхләрн һаран сәәнәр уһах кергтә, рециркулятор уга болхла терзән секәд цевр аһар орулхла сән болхмн. Пандемий эклснәс авн кесгнь олна көлгнә ормд йовһар йовдг болв, тернь цогц-махмудт чигн туста болҗахнь маһд уга. Тегәд олн-әмтн бәәдг һазрт чирәдән хааһул өмстн, һаран эд-бод кетн гиҗ бидн дәкн нег келҗ, цуһар эрүл-менд бәәтн гиҗ дурдҗанавидн.
Мана зәңгч