Күн болһн бәәҗ-бәәҗәһәд иньгллтин тускар ухалдгнь маһд уга. Би бас хая-хая бийәсн сурнав: «Иньгллт гисн юн үг?», «Ямаран үүрллһиг лавта иньгллт гиҗ нерәдҗ болхмн?», «Йоста нәәҗ ямаран болх зөвтә?», «Бәәдл-җирһлин ямаран девсңд иньгллт нег үлү бат болдмн?» болн нань чигн тоот намаг соньмсулна.

Таңһчин әмтнә социальн теткврин комплексн төвин көдләчнр медәтнр болн гемтә-шалтгта улс дунд коронавирусн гемәс саглуллһна төрәр цәәлһврин көдлмш күцәҗәнә. Тиигәд, социальн көдләчнр шин коронавирусн гем гриппәс болн нань чигн талдан хальдврта гемәс юуһарн йилһрдгин тускар келҗ, терүнәс саглҗ чик авг-бәрцәр бәәҗ эрүл-мендән батрулхин туст сүв-селвг өгнә, эн гемәр хальдсн цагт ямр кевәр бийән бәрхин тускар цәәлһнә.

Хальмг Таңһчин социальн делгрлтин, күч-көлснә болн көдлмшәр тетклһнә министерств «Демографь» гидг келн-улсин төсвин медлд «Ах үй» гидг региональн көтлвр белдв. Эн көтлврт ах үйин улсин бәәдл-җирһлин таал ясруллһна болн эднд дөң күрглһнә керг-үүлдврмүд батлгдсн бәәнә. Тер тоод медәтнрин мергҗлт өөдлүллһнә төр бас хаһлгдҗана.

Хальмг Таңһчин Толһач Хаска Бату көлгн-күчнә халхд бүртклһнә федеральн цергллтин (Ространснадзор) һардач Виктор Басаргинла харһв. Дааврта һардач мана таңһчур көдлмшин кергәр ирв. Харһлтд хаалһин җисәнә әәмшг уга бәәдлин болн автомобильн хаалһсиг хадһллһна төрмүд хәләгдв. Эн төрмүдиг көлгн-күчнә-логистическ комплексин делгрлтин төлә учртан авх кергтә гиҗ таңһчин толһач темдглв.

Мана хальмгуд грекмүд хойр нег-негнәсн алс хол һазрт бәәнә. Харһҗ күүндх, нег-негнәсн сән-мууг авх, келлцхд нег-негән медх арһ чигн уга бәәсн әмтн. Кезә, яһҗ мана хальмгудын келнд грек үүсл-һарлта үгмүд орсмби? Тернь ямаран үгмүдв? Эндр цәәлһҗ бичий!

Әмд күн бийән теҗәх йоста. Цуг кеҗәх аҗл-үүлән ут тоод кирцәд хәләхлә, күн идән-теҗәлин төлә кеҗ йовдг. Хот-хол уга болхла, чинән-чидл алдрад, йовх-гүүх арһ тасрад, күн харһнад-өлсәд, икәр зовадг юмн. Тер төләд хотын чинр мана әмдрл-җирһлин һол юмна негн.

Хальмг Таңһчин сойлын болн туризмин министерствин дөңгәр шин төсв бәәдл-җирһлд тохрагдҗана. Хальмг Таңһчин ачта артистк, дууч Эрвена Оргаева тер төсвиг белдәд, сойлын болн туризмин министерствин медлд үүлддг комиссин хәләврт орулҗ өгсмн. Аштнь талдан һурвн төсвин тоод Эрвена Оргаева белдсн төсв мөңгнә дөң авсмн. Тиигәд ут дууна туск төсв экләд үүлдв.

Давсн җиләс авн мана җирһлд хальдврта гем һарч ирәд, цуг нарт-делкәд бәәдг улст ик әәмшг учрав. Коронавирусн гемәр кесг сай күн гемнәд, эн медәтә, хуучта улсин эрүл-мендд ик харшлтан күргв. Тер мет эн саата күүкд улст бас әәмшгтә болҗана. Мана таңһчд пандемий эклсн цагас авн 232 күүкд күн коронавирусн гемәр гемтв, теднәснь дөч һар күн цаһан төр болв. О.Шунгаеван нертә нилхд төрлһнә төвин эмчнр эн күүкд улсин эрүл-менд харҗ, цаһан төр болхд өөдән чинртә дөң күргснә ашт бичкдүд цуһар эрүл-менд төрв.

«Оскар» киномөрән шорт-листд моңһл кинорежиссер Бямбасурэн Даваа цокҗ авсн фильм орв. Эннь ик чинртә йовдл. «Вены мира» гидг нертә фильмин премьер давсн җилд Берлинск кинофестивальд үзүлгдлә. Терүнә дару нань чигн нарт-делкән кинофестивальмудт моңһл режиссерин эн фильм темдглгдҗ, хәләһәчнр болн мергҗлтнр үнлв.

Моңһл нутгур Энткгин правительств күсдундур сай вакцин йовулх шиидвр авсмн. Энткгин һазрт фармацевтическ цуг күчән олзлад, коронавирус гемәс саглулх вакцин олар кеҗ һарһҗана.