• Волонтермудт үрвр кев

    Шар шаҗна нарт-делкән ик хург өөрдҗ йовна. Һаха сарин 25-ас авн 28 күртл Элстд 30 һар орн-нутгин элчнр цуглрхмн. Тедн дунд бурхн-шаҗна халхар күндтә багшнр Ашин Ньяниссара, Кунделинг Тацак Ринпоче, Йонгзин Линг Ринпоче, Чокьи Ньима Ринпоче, Моңһлын лам Жавзан Дордж болн талдан гиичнр ирхмн. Тиим күндтә гиичнрин ирҗәхнь керг-үүлдврин ик чинринь медүлҗәнә. Тер мет нарт-делкән номин элчнрин орлцхнь бас темдгтә болхмн.

    • 22-07-2025, 16:58 | Таңһчин зәңгс, Зіњг
  • Гевш Йонтен ачлгдв

    Давсн долан хонгт хальмгудын нер дуудулсн ончта йовдл учрв. Олна үүлдврин халхд Хальмг Таңһчин элчнр седвәртәһәр үүлддгинь эн йовдл медүлв. Цуг Әрәсән кемҗәнд оюни күчиг батлҗ үүлддгән таңһчин элчнр дәкн нег үзүлв.

    • 22-07-2025, 16:54 | Таңһчин зәңгс, Зіњг, Бурхн-шаҗна төрәр
  • Өнчн бичкдүдт патьр хулдҗ авхмн

    Өнчн болн эк-эцкнриннь тетквр уга үлдсн бичкдүдиг гер-бүүрәр теткхин төлә Элстд 12 патьр хулдҗ авгдхмн гиҗ зуралгдҗана. Хальмг Таңһчин тосхлтын, көлгн-күчнә болн хаалһин эдл-ахун министерств терүнә төлә марһа зарлсн бәәнә.

    • 22-07-2025, 16:46 | Таңһчин зәңгс
  • Элстин төв кеерүлгдҗәнә

    Намртан болх шар шаҗна нарт-делкән ик хургт болн Элстин 160 җилин өөнд ик белдвр кегдҗәнә. Балһсна уульнцс болн хаалһс ясгдад, сән кец-таал тогтагдҗана. Шидр «Родина» сойлын төвин болн Манҗин Аркадин нертә филармоня өмн бәәдг талвңгудын ясвриг Элстин һардврин болн балһсна Хургин элчнр бүрткҗ хәләв.

    • 22-07-2025, 16:43 | Таңһчин зәңгс, Зіњг
  • Соньн эрдмән эртәснь шүүҗ автха гиһәд

    Одахн Элстд таңһчин сурһуль-эрдмин болн номин министерствин коллегийин дарани сүүр болв. Энд 2024-2025 сурһулин җилин, ЕГЭ-н болн ОГЭ-н шүүврин урдаснь кесн аш диглгдв. Тер мет СПО-н бүрдәцсин ул деер үүдәгдсн мастерскойсин үүлдврин тускар күүндвр болв, эдн колледжмүдин сурһульчнрин мергҗлтиг өөдлүллһнд болн сурһулян төгсәсн арвтнрт эрдмән шүүҗ авлһнд дөң болна.

    • 22-07-2025, 15:40 | Таңһчин зәңгс, Зіњг, Сурєуль-эрдм
  • Селәнә лавкд эд-тавр дала

    Үстин района Харба селәнд өсәд-боссн Манҗин Зинаида эрүл-менд харлһна халхар хөрн тавн җилдән көдләд, гемин уршгар ачта амрлһнд һарсмн. 1976 җилд медицинск училищ төгсәһәд, эн күч-көлснә хаалһан Полынный селәнд эклсн билә, хөөннь төрскн селәнә эмнлһнд көдлв. Эн саата күүкд улсин эрүл-менд харҗ, эднд цаһан төр болхд нөкд болдг билә, тегәд Зинаида Саранговнан дөңгәр һарсн бичкдүдиг тоолхд зөвәр күнд болх гиҗ сангдна. Сүл тавн җилин эргцд күүкд күн селәнд лавк секәд, арһлач болҗ үүлдҗәнә.

    • 22-07-2025, 15:18 | Таңһчин зәңгс, Зіњг
  • Түүмр ик әәмшг учрав

    Сүл өдрмүдт таңһчд дегд халун өдрмүд зогсад олн-әмтиг зоваҗана. Метеорологическ төвин зәңглсәр, эн өдрмүдт аһарин кемҗән дундлад 30-33 градуст күрв, зәрм райодар болхла 40-41 градус халун болв. Тиим халунд һал шатад, хаалһст болхла хату девскр халад хүврснә ашт зеткртә йовдл учрдг әәмшг бәәнә.

    • 19-07-2025, 14:53 | Таңһчин зәңгс, Зіњг, Селәнә эдл-аху
  • Шаңһа көтлвр күцәгдхмн

    Әрәсән Президент Владимир Путинә даалһсар электрокүч делгрүллһнә халхар шаңһа дөң авх регионмудын тоод Хальмг Таңһч орв.

    • 19-07-2025, 14:50 | Политика, Экономика, Таңһчин зәңгс, Хальмг Тањєчин Толєачин ґдр-бўр, Зіњг
  • Олн үртә өрк-бүлмүдиг дөңнхин төлә

    Хальмг Таңһчд эн җиләс авн дәкәд нег сән өдр темдглдг болхмн. Одахн Хальмг Таңһчин Улсин Хуралын (Парламентин) депутатнр таңһчин күүкд улсин олна бүрдәцин седвәриг дөңнәд, олн үртә өрк-бүлин Өдр зарлв. Терүг һаха сарин һурвдгч нарн өдрлә темдглдг болхмн. Сүл цагт мана таңһчд олн үртә өрк-бүлмүдин то өсчәнә гиҗ сүүрт келгдв.

    • 19-07-2025, 14:47 | Таңһчин зәңгс, Зіњг
  • Депутатнрин үлгүрәр тооцаһан өгв

    Давсн долан хонгт болсн Хальмг Таңһчин Улсин Хуралын (Парламентин) дарани сессьт Әрәсән Федерацин Хүүвин элч Байир Путеев 2024 җилд күцәсн көдлмшиннь тооцаһан өгв. Хальмг Таңһчин Толһач Хаска Батун седвәрәр таңһчин Улсин Хуралын депутатнр суңһачнрлаһан дару-дарунь харһад, ямаран төрмүд хаһлсна болн көдлмш күцәснә тускар тооцаһан өгнә. Тегәд Әрәсән Федерацин Хүүвд таңһчин зака үүдәгч бүрдәцин элч депутатнрин үлгүрәр бас тооцаһан өгхәр шиидв. Энүнә седвәриг депутатнр дөңнв.

    • 19-07-2025, 14:13 | Таңһчин зәңгс, Зіњг

Видео