Хальмг Таңһчин Толһач Хаска Батун темдглсәр, мана таңһчд федеральн хаалһс бәәтхә, бәәрн хаалһс бас ясгдҗана. Тиигәд эн җил 13 дууна бәәрн чинртә хаалһс ясгдхмн. Давсн җилд олн зүсн көтлврмүдин медлд 18 дуунад хаалһ ясгдсн билә, 16 дуунад хаалһ тосхв, тер тоод Красный Партизан, Һашун Бурһст селәд күртл, Яшкуль селәнд Босхмҗин болн Очра нертә, Комсомольский селәнд болхла Нимгрә нертә уульнцст хату девскртә хаалһс тосхгдв. Селәд күртл хаалһс тосхлһнд таңһчин бюджетәс мөңг йилһдг деерән селәд дотр бәәдг хаалһс яслһнд болн шин хаалһс тосхлһнд субсидь йилһгднә. Селән һазрт бәәдг улст сән таал тогтаҗ эн туст көдлмшән цааранднь күцәхвидн, гиҗ таңһчин Толһач цәәлһв.
Олна эдлврт бәәдг бәәрн хаалһсин тосхлтд, реконструкцд болн бат ясврт таңһчин бюджетәс субсидь авх райодын муниципальн бүрдәцс йилһҗ авгдв. Удл уга эн кергт РМО болһнд 10 сай арслңга субсидь өглһнә туст бооцан батлгдхмн.
2019-ч җилд бәәрн чинртә хаалһсин бат ясвр күцәлһнд ут тоодан 130 сай арслң йилһҗ өглһнә туск бооцан батлгдсмн. Тер мөңгәр 20,7 дуунад хаалһ ясгдв. 2020-ч җилд болхла 19,9 дуунад хаалһст сән таал тогталһнд 120,4 сай арслң йилһгдсн билә.Тер мет давсн җилд Элстин меҗәд 80 дуунад хаалһ ясгдсн билә.
- Эн җил «Әәмшг уга болн сән чинртә хаалһс» гидг келн-улсин төсвин медлд мана таңһчд 128 дуунад хаалһ ясхмн. «Каспий» Р-22 гидг хаалһин участкд ода ясврин көдлмш күцәгдҗәнә, энд хаалһин җисәг хойрас дөрвн күртл икдүлхәр зуралҗана. Энд ут тоодан 7,3 дуунад хаалһд хату девскр шинрүлгдхмн. Мана таңһчд хаалһс сән чинртә болн әәмшг уга болхин төлә аһу ик көдлмш кегдҗәнә, - гиҗ Бату Сергеевич темдглв.
БАТАН Наталья

Вчера Президент России Владимир Путин огласил ежегодное Послание Федеральному собранию. В нем глава государства традиционно изложил свою оценку положения дел в стране и видение основных задач на перспективу.

26 апреля, в 23.59 по московскому времени, на сайте ЛидерыРоссии.рф закроется регистрация на четвёртый конкурс управленцев «Лидеры России» – флагманский проект президентской платформы «Россия – страна возможностей». В рамках заявочной кампании конкурсантам необходимо заполнить биографическую анкету и загрузить видеоинтервью в личный кабинет.

Одахн таңһчин правительствин сүүрин залд әмтиг көдлмшәр тетклһнә цергллтин 30 җилин өөнд нерәдгдсн байрин хург болв. Терүнд Хальмг Таңһчин правительствин Ахлач Юрий Зайцев, Хальмг Таңһчар үүлддг ах федеральн инспектор Александр Беляев, Хальмг Таңһчин Улсин Хуралын (Парламентин) Ахлачин дарук Сергей Сухинин, таңһчин Толһачин селвгч Ивана Светлана, федеральн күцәгч йосна органмудын территориальн заллтсин болн олна бүрдәцсин элчнр орлцв.

В поселке Овата Целинного района завершилась реконструкция пожарно-спасательного поста, сообщает пресс-служба руководителя региона. Отметим, в прошлом году Глава Калмыкии Бату Хасиков в ходе рабочей поездки обратил внимание, что пост находится в удручающем состоянии и требуется незамедлительный ремонт

Шидр Хальмг Таңһчин Толһач Хаска Бату бат тосхлтын объектсин тосхлт, реконструкц болн бат ясвр тетклһнә региональн штабин сүүр давулв. Терүнд «2021-ч җилд таңһчин эрүл-менд харлһна түрүн дөң күрглһнә халхин шинрүллһн» гидг региональн көтлвр хәләгдв.

Пенсионн саң әмтнд зәңглхин болн шаңһа туслмҗ күргхин төлә үүлдврән өдгә цага некврлә ирлцүлҗ, шин эв-арһс өргнәр олзлна. Эндр өдр ПФР-ин сайтд 50 электронн сервис үүлднә, тегәд терүг олзлҗ гертәсн һарлго олн зүсн төр хаһлҗ болхмн. Мана таңһчд хойр миңһн һар күн пенсионн саңгин онлайн-туслмҗ олзлв.
Әрәсән пенсионн саңгин Хальмг Таңһчар үүлддг заллтын клиентск цергллтин үүлдвриг бүрдәлһнә әңгин һардач Бүүрчин Байртан келсәр, өдгә цагт ведомствд ирлго пенсионн зөвин, онц тооһин тускар медҗ, пенсьт һарлһна болн сар болһн өгдг демин мөңг (ЕДВ) авлһна, экин сертификат олзллһна туск эрлһ орулҗ, пенсин болн социальн демин мөңгнә кемҗәнә туск иткл цаас авлһна, СНИЛС-ин болн экин сертификатын то-дигин болн нань чигн халхар медҗ болхмн. ПФР-ин туслмҗ авхин төлә шаңһа туслмҗин порталд бичгдх кергтә.

2018-ч җиләс авн шин социальн пенсь өгдг болв. Эн пенсиг төрҗ һарсна дару эк-эцкнь хайсн, нилхд төрлһнә герт үлдәсн бичкдүдт өгдг болв. Эн бичкдүдин төрҗ һарсна иткл цааснд экин болн эцкин нер-уснь эс заагдсн болхла, эдн эн социальн пенсь авх зөвтә. Урднь эднд иим пенсь өгдго бәәсмн, тегәд эн төр хаһлхин төлә «Әрәсән Федерацд шаңһа пенсионн теткврин туск» гидг федеральн заканд сольвр орулгдв. Тегәд ода эн сольвр орулгдсна хөөн эк-эцк уга үлдсн бичкдүд социальн пенсь авх зөвтә болв.

Одахн Ик Буурла района Приманыч селәнд ончта болн байрта йовдл учрв. Энд «Демографь» гидг келн-улсин төсвин медлд тосхгдсн бичкдүдин сад секгдв. Өдгә цага некврлә ирлцдг ке-сәәхн бичкдүдин садт 50 күүкн-көвүн орхин төлә цуг таал тогтагдв.

Шидр мана таңһчд коронавирусн гемин «британск» штамм нег күүнд илдкгдв.