В КалмГУ обсудили промежуточные результаты проектов, реализуемых в формате международных временных научных коллективов, в рамках приоритетных научных направлений деятельности опорного регионального университета.

Шидр Хальмг Таңһчин правительствин Ахлач Юрий Зайцев болн энүнә дарук Наран Кюкеев Әрәсән көлгн-күчнә министрин үүл дааҗадг Александр Нерадькон һардврт видеоконференц залһлдана эв-арһар болсн селвлцәнд орлцв. Терүнд 2020 җилд «Әәмшг уга болн сән чинртә хаалһс» гидг келн-улсин төсвин халхар күцәгдсн көдлмшин аш диглгдв болн ирх җилд кех-күцәх керг-үүлдврмүдин зура батлгдв.

Урҗ өдр Әрәсән правительствин Ахлачин дарук Татьяна Голикова коронавирус гемәс хөрлһнә штабин сүүр давулв. Терүнд Хальмг Таңһчин правительствин Ахлачин негдгч дарук –финансин министр Очир Шургучеев болн күцәгч йосна органмудын элчнр орлцв.

Хальмг Таңһчин эрүл-менд харлһна министр Кикенә Юрий шидр коронавирус гемин туст тогтсн бәәдлин тускар келхләрн нурһлҗ селәнә әмтн гемнҗәнә гиҗ келв. Хаврин-зуни кемд эн хальдврта гем илдкгдсн улсин ик зунь балһсна әмтн бәәсн болхла, ода эдн дунд селәнәхн олн бәәнә. Дәкәд эн гемәс иштә насан барсн улс ик зуудан 65 наснас ах улс бәәнә гиҗ дааврта һардач темдглв. Эдн олн зүсн хуучта болдгас иштә коронавирус гем эрүл-мендин бәәдлднь ик харшлтан күргҗ, эдн күнд кевәр гемтнә.

Коронавирус гем учрад, эпидемиологическ нәрн бәәдл тогтснас иштә һарутсн арһлачнрт дөң күргхин төлә таңһчин бюджетәс 35,4 сай арслң йилһгдв. Эн хальдврта гемин пандемийәс көлтә баһ болн дунд бизнесин һару дор унв. Кесг арһлач эн күнд цагла үүлдврән зогсаҗ, күчр бәәдлд тусв.

Әрәсән правительств Хальмг Таңһчин Толһач Хаска Батун сурврар мана таңһчин селәнә эдл-ахуст дөң күрглһнд 562 сай арслң йилһв. Хур-чиг уга хагсу зун болснас иштә ик зовлң эдлсн нәәмн района эдл-ахуст эн мөңгн өггдхмн. Ут тоодан 25 селәнә эдл-аху болн 1416 крестьянск-фермерск эдл-аху, тер тоод онц арһлачнр теңгрин аюлас иштә нәрн бәәдлд тусв.

Хальмг Таңһчин Улсин Хуралын (Парламентин) Ахлач Анатолий Козачко таңһчин спортын болн баһчудын политикин министр Баатра Константинла болн Парламентин депутат Балдашина Владиленла харһв. Харһлтд таңһчд селән һазрт спорт делгрүллһнә, тер тоод спортивн бөк бәрлдә дөңнлһнә төр босхгдв. Министрин темдглсәр, ода селән һазрт үүлддг спортивн школмудыг мергжлттә кадрмудар тетклһнә, бүрдәцсин материальн-техническ ул батруллһна , селәнә әмтиг спортар соньмсуллһна керг-үүлдврмүд зуралҗана.

Шидр Хальмг Таңһчин Толһач Хаска Бату таңһчин эрүл-менд харлһна министр Кикенә Юрийла хамдан Б.Б.Городовиковин нертә Хальмг Ик сурһулин общежитин улд секгдсн немр госпитальд одв. Эн госпиталь общежитьд цаг зуур үүлдхмн, энд коронавирус гемтә улсин төлә немр орм бүрдәгдв.

21 ноября Федеральная налоговая служба отмечает 30-летие со дня образования. В свой профессиональный праздник с нами побеседовал исполняющий обязанности руководителя Управления Федеральной налоговой службы по Республике Калмыкия Вячеслав Лариев.

Сегодня наша страна отмечает сразу два праздника: День работника налоговых органов и День бухгалтера. Как известно, в штате и тех, и других непременно есть выпускники экономических факультетов. Наш сегодняшний собеседник – Эльза Мантаева, проректор по экономике и инновациям КалмГУ им. Б. Б. Городовикова, доктор экономических наук, профессор, заслуженный работник высшей школы РФ.