«Демографь» гидг келн-улсин төсвин «Көдлмш олҗ авхд туслһн» гидг көтлврин медлд көдлмш уга улс шаңһас демин мөңг авад, эврә керг бүтәҗ чадна. Яшкуль селәнд бәәдг Абуша Баатр тиим кевәр эврә кергән бүрдәҗ, өдмг болһдг болв. Ода энүнә болһсн өдмгиг бәәрн лавкст хулдҗ авч болхмн.

Урд цагт оютнриг болн ах классмудын сурһульчнриг мал өскдг эдл-ахуст нөкд болхин төлә йовулдг билә. Хаврар төл авлһна кемд зунар болхла хөд кирһлһнд тедниг орлцулдг бәәсмн. Терүнә йовудт дорас өсч йовдг баһчуд мал өсклһн ямр күнд болн дааврта көдлмш болдгинь медҗ авч, тер мет невчкн мөңг олдг арһта билә. Арвн зурһата көвүм 10 классан төгсәһәд, эндр амрлһндан һарв. Зуни сармудт гертән хара суулго көдлмшт орхар седҗәнә. Эн туст өдгә цагт таңһчин малчнр арвтнриг көдлмшт авдгнь угаһинь медхәр седләв?
Санҗин Мергн,
Троицкое селән

Сүл цагт мана орн-нутгт амр биш бәәдл тогтснас иштә хулд-гүүлгәнә әәмшг уга бәәдлд онц оньг тусхагдҗана. Кеҗ һарһсн эд-таврар, эдл-уушар нег һазра улсан теткхин төлә ик көдлмш күцәгдҗәнә. Нег үлү селәнә эдл-ахун арһлачнр эн төр хаһллһнд бас ик тәвцән орулҗ йовна, гиҗ темдглх кергтә.

Таңһчин селәнә эдл-ахун министерствд «Агростартап» мөрә авхин төлә давулсн марһана ашинь диглв. Эн мөрә селәнә эдл-ахун бүрдәцст болн өрк-бүлин ферм делгрүллһнд йилһҗ өггднә.

Шидр Яшалтан района Эсто-Алтай селәнд К.Марксин нертә СПК-н ул деер тәрәнә һазрин Өдрт нерәдсн хург болв. Городовиковск, Ик Буурла, Приютна райодын, тер мет Аһшин, Әәдрхнә, Ростовск, Шартун мүҗсин болн Сарпулин крайин селәнә эдл-ахун арһлачнр болн мергҗлтнр ирҗ орлцв.

Хөн сарин 23-ас авн 25 күртл Дагестан Республикин Каспийск балһснд тохма хөөдин болн ямадын Әрәсән XXIV һәәхүл давв. Терүнд орн-нутгин 24 регионас, тер тоод Запорожск болн Херсонск мүҗсин, мал өсклһнә 60 һар эдл-ахус орлцв. Тер мет йосна элчнр, региональн АПК-н заллтсин һардачнр, номтнр болн малчнр керг-үүлдврт ирҗ дамшлтарн хувалцв. Һәәхүлд һучн һар тохма мал үзүлгдв.

Хальмг Таңһчин селәнә эдл-ахун министерствин, «Россельхозцентр» ФГБУ-н мергҗлтнр Ик Буурла, Яшкулин болн Хар Һазра РМО-син элчнрлә хамдан хойр гектар аһу һазрт царцахаг уга келһнә туст ирлцңгү көдлмш давулв. Тер мет таңһчар 155 миңһн гектар аһу һазр шинҗлгдв. 4,17 миңһн гектар аһу һазрт хорта урһмл урһҗаснь илдкгдв. Урднь ирлцңгү көдлмш Үстин районд бас давулгдв.

Шидр болсн сүүрт селәнә эдл-ахун министр Гаван Тимур илдклән кев. Тимур Сергеевич АПК-н халхд регионд керглгдҗәдг кадрмудын бачм төрин тускар келв.

Һаха сарин 1-д Көтчнрә района Өвдг болн Көглт селәдт бичкдүдин садмуд байрин бәәдлд секгдв. Өвдг селәнд 20 бәәрн күүкн-көвүнә, Көглтд 30 бичкнә төлә сән таал тогтагдв. Эн объектс «Демографь» гидг келн-улсин төсвин «Күүкд улсиг көдлмшәр тетклһнд туслһн – 3 нас күрәд уга бичкдүдин төлә дошкольн сурһуль-эрдмин таал тогталһн» гидг региональн төсвин халхар тосхгдв. Бичкдүдин садмуд өдгә цага кергсләр, өлг-эдәр теткгдв, энд бичкдүд нааддг, унтдг, сурдг хорас бәәнә. Тер мет бүрдәцд медицинск, көгҗмин кабинетмүд, хувц-хунр уһадг, хот болһдг шишлң хорас бәәнә, тегәд эн бүрдәцс өдгә цага некврлә ирлцҗәнә.

Өдгә цагт баһчуд дала үр һарһхар седхш. Өрк-бүл болһн ик зуудан нег-хойр үртә болна. Элстд бәәдг Бериковихнә баһ өрк-бүл 4 үртә, ташр теднь цугтан көвүд! Олн үртә эк Хаска Байртала мана зәңгч күүндв.