Хальмгуд Сиврин тууврас хәрҗ ирәд, таңһчан шинәс босхч авчасн кемд түрүңк үүлдврин тоод билгтә баһчудыг цуглулад, ансамбль тогтасмн. Хөөннь тернь хальмг улсин билг-эрдмин ке-сәәхниг цуг Әрәсәд болн һазадын нутгудт күргҗ медүлсн «Бамб цецг» ансамбль болсмн. Билг-эрдмән шинәс босхч авч, төрскн сойлан делгрүлҗ йовсн тер үйин билгтнрин ик зунь ода мадн дунд уга. Тер билгтнрин түрүн зергләнд йовсн билгтә биич, Әрәсән болн Хальмгин ачта артист Манҗин Эмбан 90 җилин өөнд нерәдсн керг-үүлдврмүд таңһчд болҗана.

Хальмг Таңһчин баһ наста көвүнд эн өдр төрүц мартгдшго. Сансрт ниссн Сергей Рязанский Хальмгин Сарпан района элч Владимир Панасенкод бәрмт цаасинь бәрүлҗ өгсмн.

Хальмг Таңһчин баһ наста көвүнд эн өдр төрүц мартгдшго. Сансрт ниссн Сергей Рязанский Хальмгин Сарпан района элч Владимир Панасенкод бәрмт цаасинь бәрүлҗ өгсмн.

Эндр, зуни түрүн өдрлә, өкәр мана бичкдүдт нерәдсн байр темдглгдҗәнә. Күн болх баһасн, күлг болх унһнасн, гиҗ келгддгәр, бичкнәснь авн өвкнрин авъясар дамҗад, үрдтән бидн чик сурһмҗ, сән сурһуль өгч өскхәр зүткнәвидн.

Бичкн биичнрин нер туурсн коллектив эн җил олн марһанд болн хәләврмүдт орлцад, диилвр бәрҗ, Хальмгин нер һарһҗана. Шидр коллектив Дагестанд болсн нарт-делкән хәләврт хальмг бииһин ке-сәәхниг сүркә сәәнәр үзүләд, диилвр бәрәд ирв. Энүнә тускар «Тюльпанчик» ансамблин художественн һардач, Хальмг Таңһчин сойлын ачта көдләч Людмила Толкачева седкүлчнрт келҗ өгв.

Назрань балһснд Келн-улсин оркестр концертән үзүлснь сойлын ик чинртә йовдл болв.

Манҗин Аркадин нертә Хальмг филармонь «Үүдәгч селгән. Җилин дөрвн цаг» гидг төсвиг күцәҗәнә. Үвлд, хаврт нерәдсн төсвсән күцәснә хөөн зуни төсвин тускар келҗ өгхәр филармоня үүдәгч баг «Калмыкия» РИА-д ирҗ, брифингд орлцв.

Хөн сарин 26-д телеүзлин I каналд «Мана улсин җирһл. Хальмг Таңһч.» гидг соңсхвр үзүлгдв. Седкүлч Евгений Кривцов (зургт) Хальмг Таңһчд үзсн-соңссн тоотын тускар келҗ өгсинь Әрәсән олн-әмтн хәләв.

Арслң Хинеев болн Гилән Эрднеева Ик Буурла района муниципальн бүрдәцин һардврт көдлнә. Дәкәд Арслан Ик Буурла дунд сурһульд тууҗин багшар көдлнә. Келхд, эн одахн «Җилин сән багш» гидг таңһчин марһанд 2-ч орм эзлсмн. Баһчуд Хальмг ик сурһульд сурчасн цагтан таньлдад, нег-негнәннь седкл медҗ, өрк-бүлән өндәлһх шиидвр авсмн. Арслң бийнь Яшкулин районас, Гилән болхла Лаганя района Буранное селәнд өсәд-боссмн.

Басңга Баатрин нертә Келн-улсин театрин дарани 87-ч кем күцәмҗтә болв. «Хальмг хүрм» гидг наадыг үзүләд, театр эн җилә көшгән хаав. Театрин художественн һардач Манҗин Борис болн һардач Шуран Галина көдлмшин ашиг дигләд, кеҗ-күцәгдсн тоотыг тодлулад, тәвгдсн нааддын, учрсн гастрольн йовлһна тускар келцхәв.