Моһлцг һазр деер бәәдг әмтнд экологическ халхар әәмшг учрҗахин тускар шар шаҗна Оюни ик Багш Дала Ламин гегән бичсинь шишлң сайтднь умшҗ болхмн. Мана Күнкл Багшин ухан-тоолвр цугтад туста болх гисн ухатаһар бидн терүгинь орчулад барлҗанавидн.

Йоста хальмг күн олн үгәс цецн үгд дурта, цецн үгәс болхла, товчта үгиг икәр үнлҗ бәәдг. Хальмг баатрльг дуулвр «Җаңһрин» олн дүрмүдин дотр Шилтә Зандн Герл гидгнь хамгин әрүн шагшавдта күүнә бәәдләр алдршсн болдг. Тер әрүн шагшавднь юн учрта үгв?

Элст балһсна талвңд хөн сарин 29-д асхн Долан хонгин күрәлһн гидг сәәхн бәәрнә өөр олн улс цуглрв. Энд П. Чонкушовин нертә билг-эрдмин колледж 60 җилә өөндән нерәдсн концерт үзүлв. Сурһулин эн бүрдәциг төгсәсн болн ода энд сурчах баһчуд хотл балһсна әмтнд билг-эрдмән нерәдв.

Кўндті мана умшачнр! Эндр бидн «Нерті орс бичічнрин ўўдіврмўд – хальмг келір» гидг тґсв біідл-љирєлд тохраљанавидн. Ґдгі цагт біірн імтн тґрскн келін сіінір дасч авх саната. Олн дунд темдгті, сін ўўдіврмўдиг хальмг келір умшлєн эн керг-тґрт икір туслхнь лавта.
Эндрк мана газетин тойгт нер єарсн орс бичіч Антон Чеховин «Мґрні нер-усн» (рассказ «Лошадиная фамилия») гидг соньн келвр барлљанавидн.

Хальмг режиссер болн сценарист Элла Манжееван «Цаһан хаалһ» гидг шин фильмин төсв 74-ч Каннск кинофестивалин баахн эрдмчнрин көтлврт шүүҗ авгдв. Фестиваль така сарин 6-ас авн 17 күртл болхмн.

Хөн сарин 26-д П. Чонкушовин нертә билг-эрдмин колледжин урн һарин дүрслгч эрдмин әңгин оютнрин болн багшнрин үүдәврмүдин һәәхүл секгдв. Колледжин 60 җилин өөнин кемҗәнд кегдҗәх керг-үүлдвр Н.Пальмовин нертә Келн-улсин музейин залмудт болв.

Күн болһн эврә дурарн тааста эрдмән шүүҗ авна. Дунд сурһульд орсн цагас авн хөөннь ик сурһульд сурсн цагтан дегтрин саңд ирҗ, медрл авхар шуннавидн. Энд көдлдг әмтн һольшг, цаһан седклтә мергҗлтнр болсн деерән өдгә цагин некврлә ирлцҗәдг шишлң эв-арһс олзлдг мөн. Эднә күцәҗәх кергнь олн әмтнд тусан күргдгнь медгднә.

Эн җил «Улан Сар» гидг көгҗмин түрүн наадн тәвгдсн цагас авн 90 җил болҗана.

«Белая юрта» гидг фестивальд хальмг режиссерин наадн хамгин сән гиҗ тоолгдв. Шидр Абаканд давсн регионмуд хоорндк театральн фестивальд Манҗин Борис белдсн «Хубай – аңһучин көвүн» гидг наадн тиигҗ өөдән үнлгдв. Драмин болн этническ көгҗмин Чигитем нертә Хакасск театр шин наадан фестивальд үзүлсмн.

Н. Пальмовин нертә Келн-улсин музей 100 җилин өөндән нерәдҗ, «Даван делкә» («Мир Давида») гидг зургудын марһа зарлсн билә. Иргчдән болх Көглтин Даван 100 җилин өөниг угтҗ, регионмуд хоорндк соньн марһан бүрдәгдв. Хальмгин олн-әмтнә шүлгч Көглтин Даван нерн кезәнә таңһчин меҗә давад, цуг делкәһәр тарсмн. Сансрт күрч эврә одта болсмн. Тегәд марһан «Даван делкә» гиҗ нерәдгдснь учрта юмн.