• Туслмҗиг амрар авч

    Коронавирусн гем тархагдснас иштә Әрәсән пенсионн саңд батлгдсн диг-даран 2021-ч җилин чилгч күртл хадһлгдхмн. Тегәд орн-нутгин иргнмүд цааранднь алс зәәһин кевәр туслмҗ авч чадхмн. Җилин туршарт әмтн пенсионн саңгин клиентск цергллтд болн шаңһа туслмҗин төвд ирлго пенсь болн социальн демин мөңг авлһна туст туслмҗ авчана. Эдн алс зәәһин кевәр иргнә онц кабинетд эс гиҗ телефоһар төрән хаһлҗана.

    • 10-06-2021, 09:48
  • Намр күртл шиидхмн

    2021-ч җилин хулһн сарин 1 күртл таңһчд онц зөв эдлдг улс 2022-ч җилд социальн туслмҗиг (НСУ) ямр кевәр авхин туст шиидх зөвтә. Социальн туслмҗин ормд мөңгинь авч болхмн.

    • 10-06-2021, 09:46
  • Хальмгт хаалһс ясгдхмн

    Шидр Әрәсән федеральн хаалһин агентствин һардач Роман Новиковин һардврт болсн селвлцәнд көлгн-күчнә хаалһин тосхлт делгрүллһнә көдлмшин һурвн җилә көтлвр тогталһна болн күцәлһнә төр хәләгдв.

    • 29-05-2021, 15:05
  • «Олн үртә Әрәсә»

    Урҗ өдр «Әрәсә эндр» гидг нарт-делкән медиабагин улд «Олн үртә Әрәсә» гидг Цугәрәсән төсвд нерәдгдсн барин көдләчнрин төлә конференц болв. Терүг Москва балһсна олн үртә өрк-бүлмүдин ниицән болн җирһлин күнд таалд туссн бичкдүдиг дөңнлһнә саң бүрдәҗ давулв. Харһлтд эн төсвин медлд олн үртә өрк-бүлмүдиг дөңнлһнә, теднә җирһлин таал ясруллһна туст күцәгдсн керг-үүлдврмүдин тускар келгдв.

    • 28-05-2021, 14:14
  • Көк теңгсин балһсиг кеерүлхин төлә

    Урҗ өдр Хальмг Таңһчин правительствин Ахлачин дарук Күүкән Нарна һардврт «Балһснд сән кец-таал тогталһн» гидг федеральн төсв күцәлһиг тетклһнә ведомствс хоорндк комиссин дарани сүүр болв. Терүнд Лаганя муниципальн бүрдәц балһснд кец-таал тогталһна сән гисн төсвсин Цугәрәсән марһанд эрлһ оруллһна төр хәләгдв. Эн марһаг Әрәсән тосхлтын министерств давулна. Темдглхәс, эн марһанд урднь Городовиковск балһсн орлцад, эврәннь төсвиг бәәдл-җирһлд тохрахин төлә 40 сай арслң авсмн.

    • 27-05-2021, 09:37
  • Зуульчлхдан дурта баһчудт

    Урднь күн күрәд уга Әрәсән сәәхн һазрт күрч зуульчлх арһ Хальмгин баһчудт учрҗана.
    Хөн сарин 27-д 11.00 часла сайтд зеленаятропа.рф орад, марһанд орлцтн. Эн сайтд онлайн квиз болхмн, терүнд орлцад баһчуд йиртмҗиг ямаран сәәнәр меддгән үзүлхмн.

    • 25-05-2021, 16:29
  • Нертә улсин мөрәсәр ачлгдв

    Давсн Бемб өдрлә таңһчин дунд сурһулин цуг бүрдәцст сүл хонх җиңнв. Көтчнрә района Алцңһуд селәнә Рокчинскийин Һәрән нертә дунд сурһульд ончта йовдл учрв. Эн хотнд төрсн, Хальмгин нер дуудулҗ йовсн зурач Рокчинскийин Һәрән болн шүлгч Бадмин Серәтрин нертә мөрәсәр түрүн болҗ сурһульчнр болн багш ачлгдв. Нер һарсн эн улсин элгн-саднь эн хойр мөрә үүдәҗ, хальмг сойл-кел делгрүллһнд темдгтә тәвцән орулҗадг сурһульчнриг болн эдниг сурһҗадг багшнриг ачлхар шиидв. Зурач Рокчинскийин Һәрән нертә мөрәһәр тууҗин багш Муучкан Гилән болн йилһән сәәнәр сурдг тавн сурһульч: Михайлинован Нарана, Очра Бадм, Көктшә Александра, Николаевин Эрдени болн Сарңга Цаһан ачлгдв. Немәд келхәс, зурачин элгн-саднь Гарри Олеговичин нертә хора секхин төлә школд дем бәрүлв. Шүлгч Бадмин Серәтрин нертә мөрәһәр хальмг кел даслһна халхар күцәмҗ бәрсн сурһульчнр Һәрән Бадмд, Доткин Цаһанд болн Бамбан Гернзлд шишлң мөрә бәрүлҗ өггдв.
    Онц темдглхд, зурач Рокчинскийин Һәрә болн шүлгч Бадмин Серәтр бөлнр бәәсмн. Хойр билгтын элгн-саднаннь нерн деерәс Алцңһудт бәәдг Һәрән Сергей болн Доткин Мария мөрәсәр ачлгдсн лауреатнриг әрүн седкләсн йөрәв. Эдн цугтан сурһулян сәәнәр төгсәҗ, төрскн һазр-уснаннь нер дуудулҗ йовтха гиҗ элгн-саднь кен-негнднь хамг сән-сәәхн тоот дурдв.

    КАРСАНА Евгения

    • 25-05-2021, 16:22
  • Кергтә кегдлмүдәр теткв

    Хальмг Таңһчин социальн делгрлтин, күч-көлснә болн көдлмшәр тетклһнә министерствин зәңглсәр, хөн сарин 1-д кесн то-дигәр реабилитацин техническ кегдлмүдиг цаг зуур олзллһнд өгдг пунктд 120 күн ирв. Ут тоодан эднд 163 техническ эв-арһ йилһҗ өггдв.

    • 25-05-2021, 16:10
  • Сурһульмудт – шин автобусмуд

    2020-ч җилд Хальмг Таңһчин сурһуль-эрдмин бүрдәцст
    10 автобус йилһгдсн билә. Теднә ик зунь таңһчин райодын сурһульмудт өггдсмн.

    • 25-05-2021, 16:07

Видео