А. М. Амр-Санана нертә Келн-улсин дегтрин саӊд мөрн сарин 24-д «Библиосө-2021» акц давсмн. Цугәрәсән акц орн-нутгар арвн җилдән давулгдҗана. Эн керг-үүлдврин һол күслнь: дорас ɵсч йовх баһчуд эврәннь медрлән улм гүүдүлҗ, ɵдгә цагт зәңг интернетәс авсн деерән дегтрмүдт барлсн тоотыг бас оньгтан авх кергтә гисн сана зүүҗәнә. Əрәсән сойлын министерств болн «Культура. РФ» сойлын зɵɵр хадһллһна портал эн акциг бүрдәв.

Элстин 3-ч тойгта СОШ-ин 10-ч классин сурєульч Манљин Очр финансин тґрір эврі сурвран Ірісін банкин ахлач Эльвира Набиуллинад мґрн сарин 27-д ил онлайн кичілин йовудт ґгхмн. Эн тґрір кґвўн кесгіс нааран соньмсчана, олн зўсн марєанд болн олимпиадт орлцљана, кўцімљ бірљ йовна.
Очр ода цергі цуглуллєнд бііні, болв сурвран орн-нутгин єоллгч банкин ахлачд ґгхин болн олимпиадыг секлєні байрин хургт орлцхин тґлі билгті кґвўг багшнр эрк биш сулдхвр ґгч йовулх гиљ маднд келв.

Эн җилин эклцәс авн мана таңһчд коронавирусн гемәс саглуллһна тәрлһ келһнә керг бүрдәгдсн бәәнә. Тәрлһ авх улсиг бичҗ авлһиг онлайн кевәр бүрдәсн түрүн регионмудын тоод Хальмг Таңһч бас орснь темдгтә. Тиигәд, туула сарин дундурар Сарпан районд тиим эв-арһ түрүн болҗ олзлгддг болв, хөөннь таңһчин эмнлһст бас орулгдв. Ода мана таңһч тәрлһ авсн улсин тооһар орн-нутгт 7-ч орм эзлҗәнә.

Когда выезжаешь в степь, на ум невольно приходят строки калмыцкого поэта и писателя Давида Кугультинова, воспевшего калмыцкую степь в пору цветения тюльпанов…

Эврә мөңгәрн күч-көлснә таал ясруллһна керг-үүлдврмүд күцәсн предприять-бүрдәцс һаруһин 30 процентынь даңцаҗ чадхмн. 2020-ч җилд өгсн даатхлһна мөңгнәс теднд даңцахмн гиҗ Әрәсән ФСС-ин Хальмг Таңһчар үүлддг әңгин барин цергллт зәңглв.

Мөрн сарла Элст балһснд бәәцин бәәдлиг ясрулхар үүлдвр шунмһадулгдна. Үвлин туршарт цуглрсн хог-богас хотл балһсан цеврлҗ авх цаг ирнә. Мөрн сар эклхин өмн Элст балһсна һардврин толһач Дмитрий Трапезников хотл балһсиг майин байрин өдрмүдт белдҗ цеврлҗ авх төр тәвсмн.

Одахн таңһчин правительствин сүүрин залд әмтиг көдлмшәр тетклһнә цергллтин 30 җилин өөнд нерәдгдсн байрин хург болв. Терүнд Хальмг Таңһчин правительствин Ахлач Юрий Зайцев, Хальмг Таңһчар үүлддг ах федеральн инспектор Александр Беляев, Хальмг Таңһчин Улсин Хуралын (Парламентин) Ахлачин дарук Сергей Сухинин, таңһчин Толһачин селвгч Ивана Светлана, федеральн күцәгч йосна органмудын территориальн заллтсин болн олна бүрдәцсин элчнр орлцв.

Шидр Хальмг Таңһчин Толһач Хаска Бату бат тосхлтын объектсин тосхлт, реконструкц болн бат ясвр тетклһнә региональн штабин сүүр давулв. Терүнд «2021-ч җилд таңһчин эрүл-менд харлһна түрүн дөң күрглһнә халхин шинрүллһн» гидг региональн көтлвр хәләгдв.

Пенсионн саң әмтнд зәңглхин болн шаңһа туслмҗ күргхин төлә үүлдврән өдгә цага некврлә ирлцүлҗ, шин эв-арһс өргнәр олзлна. Эндр өдр ПФР-ин сайтд 50 электронн сервис үүлднә, тегәд терүг олзлҗ гертәсн һарлго олн зүсн төр хаһлҗ болхмн. Мана таңһчд хойр миңһн һар күн пенсионн саңгин онлайн-туслмҗ олзлв.
Әрәсән пенсионн саңгин Хальмг Таңһчар үүлддг заллтын клиентск цергллтин үүлдвриг бүрдәлһнә әңгин һардач Бүүрчин Байртан келсәр, өдгә цагт ведомствд ирлго пенсионн зөвин, онц тооһин тускар медҗ, пенсьт һарлһна болн сар болһн өгдг демин мөңг (ЕДВ) авлһна, экин сертификат олзллһна туск эрлһ орулҗ, пенсин болн социальн демин мөңгнә кемҗәнә туск иткл цаас авлһна, СНИЛС-ин болн экин сертификатын то-дигин болн нань чигн халхар медҗ болхмн. ПФР-ин туслмҗ авхин төлә шаңһа туслмҗин порталд бичгдх кергтә.

2018-ч җиләс авн шин социальн пенсь өгдг болв. Эн пенсиг төрҗ һарсна дару эк-эцкнь хайсн, нилхд төрлһнә герт үлдәсн бичкдүдт өгдг болв. Эн бичкдүдин төрҗ һарсна иткл цааснд экин болн эцкин нер-уснь эс заагдсн болхла, эдн эн социальн пенсь авх зөвтә. Урднь эднд иим пенсь өгдго бәәсмн, тегәд эн төр хаһлхин төлә «Әрәсән Федерацд шаңһа пенсионн теткврин туск» гидг федеральн заканд сольвр орулгдв. Тегәд ода эн сольвр орулгдсна хөөн эк-эцк уга үлдсн бичкдүд социальн пенсь авх зөвтә болв.