• Нертә улсин мөрәсәр ачлгдв

    Давсн Бемб өдрлә таңһчин дунд сурһулин цуг бүрдәцст сүл хонх җиңнв. Көтчнрә района Алцңһуд селәнә Рокчинскийин Һәрән нертә дунд сурһульд ончта йовдл учрв. Эн хотнд төрсн, Хальмгин нер дуудулҗ йовсн зурач Рокчинскийин Һәрән болн шүлгч Бадмин Серәтрин нертә мөрәсәр түрүн болҗ сурһульчнр болн багш ачлгдв. Нер һарсн эн улсин элгн-саднь эн хойр мөрә үүдәҗ, хальмг сойл-кел делгрүллһнд темдгтә тәвцән орулҗадг сурһульчнриг болн эдниг сурһҗадг багшнриг ачлхар шиидв. Зурач Рокчинскийин Һәрән нертә мөрәһәр тууҗин багш Муучкан Гилән болн йилһән сәәнәр сурдг тавн сурһульч: Михайлинован Нарана, Очра Бадм, Көктшә Александра, Николаевин Эрдени болн Сарңга Цаһан ачлгдв. Немәд келхәс, зурачин элгн-саднь Гарри Олеговичин нертә хора секхин төлә школд дем бәрүлв. Шүлгч Бадмин Серәтрин нертә мөрәһәр хальмг кел даслһна халхар күцәмҗ бәрсн сурһульчнр Һәрән Бадмд, Доткин Цаһанд болн Бамбан Гернзлд шишлң мөрә бәрүлҗ өггдв.
    Онц темдглхд, зурач Рокчинскийин Һәрә болн шүлгч Бадмин Серәтр бөлнр бәәсмн. Хойр билгтын элгн-саднаннь нерн деерәс Алцңһудт бәәдг Һәрән Сергей болн Доткин Мария мөрәсәр ачлгдсн лауреатнриг әрүн седкләсн йөрәв. Эдн цугтан сурһулян сәәнәр төгсәҗ, төрскн һазр-уснаннь нер дуудулҗ йовтха гиҗ элгн-саднь кен-негнднь хамг сән-сәәхн тоот дурдв.

    КАРСАНА Евгения

    • 25-05-2021, 16:22
  • Кергтә кегдлмүдәр теткв

    Хальмг Таңһчин социальн делгрлтин, күч-көлснә болн көдлмшәр тетклһнә министерствин зәңглсәр, хөн сарин 1-д кесн то-дигәр реабилитацин техническ кегдлмүдиг цаг зуур олзллһнд өгдг пунктд 120 күн ирв. Ут тоодан эднд 163 техническ эв-арһ йилһҗ өггдв.

    • 25-05-2021, 16:10
  • Сурһульмудт – шин автобусмуд

    2020-ч җилд Хальмг Таңһчин сурһуль-эрдмин бүрдәцст
    10 автобус йилһгдсн билә. Теднә ик зунь таңһчин райодын сурһульмудт өггдсмн.

    • 25-05-2021, 16:07
  • Поштын көдләчнрт велосипед белглв

    Хөн сарин амрлһна өдрмүдин хөөн эклсн долан хонгт Яшкуль селәнә поштын көдләчнрин төлә байрта йовдл учрв. Эднд «Аст-Маркет» лавкас ирсн илгәцд хойр велосипед бәәснь медгдв. «PHOENIX» гидг тамһта велосипед эднд илгәсн күн эврәннь нерән медүлсн уга.

    • 22-05-2021, 15:08
  • Санитарн цергллтин көдләчнриг ачлв

    Шидр Хальмг Таңһчин Толһач Хаска Бату таңһчин санитарн цергллтин лабораторьмуд одҗ теднә үүлдврлә таньлдв. Таңһчин Толһачин темдглсәр, пандемий эклсн түрүн өдрмүдәс авн Роспотребнадзорин региональн заллтын көдләчнр коронавирусн гемәс хөрлһнә, санитарн-эпидемиологическ сән бәәдл тетклһнә кергт ик тәвцән орулҗана. Таңһчин Роспотребнадзорин көдләчнрлә харһад, эднә ач-тусиг темдглхәр ирсндән байрта бәәнәв, гиҗ Бату Сергеевич келв.

    • 22-05-2021, 15:06
  • Љирєлин хаалєнь цаєан болтха!

    Хґн сарин 22-т Элстин болн райодын сурєульчнрин тґлі сўл хоњх љињнв. Эдніс мињєн єар сурєульчнр ЕГЭ-н шўўвр ґгх, эдн Хальмг ик сурєульд болн талдан чигн олн вузмудт орљ оютнр болљ љирєлин шин хаалєан эклхмн.

    • 22-05-2021, 15:05
  • Славянск бичмрин байр

    Җил болһн Әрәсәд хөн сарин 24-д славянск бичмрин болн сойлын сән өдр темдглнә. Эннь шаҗна болн йосна һанцхн тиим байр болҗана. Әрүн Кириллын болн Мефодийин нернлә залһлдата байриг Хальмгт бас темдглнә.

    • 22-05-2021, 15:05
  • Тәрлһ авхар иртн!

    Эн амрлһна өдрт, хөн сарин 23-д, коронавирусн гемәс саглуллһна тәрлһ авх улсин төлә хотл балһсна 7-ч микрорайонд «Белый лотос» лавкин өөр 12 часас авн 18 час күртл мобильн комплекс көдлхмн. Тегәд тәрлһ авх саната улс тиигәрән ирҗ чадҗана. Ирх долан хонгас авн Элстд коронавирусн гемәс саглуллһна тәрлһ кедг мобильн комплекс үүлддгән уурчана. Хөн сарин 24-әс авн тәрлһиг зуг стационарн пунктд кеҗ болхмн. Элст балһсна поликлиникд, 1-ч болн 6-ч микрорайодт, Троицкое селәнд үүлддг әңгүд тәрлһ кедг болхмн.

    • 22-05-2021, 15:00
  • Әмтн санитарн некврмүд күцәҗәнә

    Хальмг Таңһчин эрүл-менд харлһна министерствин то-дигәр, сүл хонгт 13 күн коронавирусн гемәр гемтснь илдкгдв. Пандемий эклснәс авн мана таңһчд ут тоодан 20682 күн хальдврта гемәр гемтв. Цаглань эмнлһ авсна ашт 20003 күн эн әәмшгтә гемәс эдгснь байрта йовдл мөн. Госпитальмудт ода 145 күн эмнлһ авчана. Күнд кевәр гемнь давҗах 11 күүнәс дөрвнь ИВЛ-аппаратар кииһән авчана. Гемнь гиигнәр болн медмҗән угаһар давҗах 201 күн гертән амбулаторн кевәр эмнлһ авчана. Һундл төрхд, 365 күн эн әәмшгтә гемәс иштә сәәһән хәәв.

    • 20-05-2021, 15:55
  • Бүүрчән Канрин санлд нерәдв

    Троицкое селәнә алднд бәәдг «Цагда» гидг бичкдүдин лагерьт Целинн района марһаг 13 дәкҗ диилсн Бүүрчән Канрин санлд нерәдсн шатрин дөрлдән болв. Келхд, марһана мөңгнә саң нурһлҗдан Орн-нутгин Хүүвин депутат Адучин Баторин нилчәр тогтагдв.

    • 18-05-2021, 14:15

Видео