Шидр Элстд юристин сән Өдрт нерәдсн байрин хург болв. Эн халхин ветеранмуд, зарһсин, зөв-йос харлһна бүрдәцсин көдләчнр, Б.Б.Городовиковин нертә заллтын болн зөвин дацңгин багшнр, оютнр болн күндтә гиичнр Хальмгин залврин бәәрнд цуглрв.
Хальмг Таңһчин Толһач Хаска Батун йөрәлин үгиг энүнә һардврин ахлачин дарук Тарбан Савар умшҗ олнд соңсулв.

Күн болһна җирһл әдл болхш. Зәрм улс күүкдиннь болн олн ачнр-зеенриннь килмҗтә хәләврт көгшрнә, наадкснь болхла өсәд-боссн күүкдтән нүүҗ төрскн һазрасн салхар седхш. Тер цагт һанцарн бәәдг медәтнрт социальн көдләчнр дөң-тусан күргҗ, олн зүсн төрмүд хаһлна. Эдн нег-негнәннь седкл медҗ, элгн-саднла әдл байр-зовлңган әдл хувалцҗ, өөрхн улс болна. Целинн района Овата селәнд бәәдг Бельтрикә Зинаида арвн хойр җилдән социальн көдләч болҗ көдлҗәнә. Эн җилмүдин эргцд Зинаида Санджиевна энүнә хәләврт бәәдг медәтнрт итклтә нөкд болв.

Эндр мана орн-нутгт төрскнч сурһмҗд һол оньг өггднә. Әрәсән цуг келн-улсин сойл, кел, тууҗ хадһллһна төрмүд улм ик чинр зүүҗәнә. Кесг келн-улсиг хамцуллһна төр аюлын, цергә керг-үүлдврин таалд орн-нутгин болн регионмудын йосна һоллгч төр болҗ хүврҗәнә.
Тиим төрскнч седклиг чаңһалһна олнд туста көдлмшиг таңһчин бичкдүдин-арвтнрин зуульчллһна болн эврә һазр-усан медлһнә төв (РЦДЮТиК) кесг җилин туршарт күцәҗәнә.

Хальмгин түрүн профессиональн көгҗмч Чонкуша Петрин 95 җилин өөнд таңһчин әмтн, нег үлү сойлын көдләчнр белдҗәнә. Ончта эн өөнд нерәдсн концертин тускар «Калмыкия» таңһчин зәңгллһнә агентствд болсн харһлтд Манҗин Аркадин нертә госфилармоня һардачнр седкүлчнрт келҗ өгв. «Төрскн теегин ке-сәәхниг көгҗмәрн туурулв» гиҗ нерәдгдсн концертд Хальмгин нертә артистнр болн нань чигн билгтнр орлцхмн. Көгҗмин делкәд нер һарсн пианист Вадим Пальмов бар сарин 8-д фортепианон болн оркестрин төлә бичгдсн концертиг наадхмн.

Шидр Элст балһсна 4-ч тойгта дунд сурһульд Хальмг Таңһчин ачта багш Нимән Тамаран санлд нерәдсн харһлт болв. Дөчн йисн хонг хооран өрүн эрт көдлмштән адһҗ йовад, Тамара Манджиевна хаалһд зеткртә йовдлла харһад, әмнәсн хаһцв. Сурһуль-эрдмин халхд тәвн җилдән үнн-чик седклтәһәр көдләд, дорас өсч йовдг бичкдүдт төрскн кел, өвкнриннь сойл, авъяс зааҗ йовсн багш энүнлә хамдан көдлҗ йовсн үүрмүдиннь болн сурһульчнриннь санлд мөңкинд үлдв.

Күн болһна җирһлин болзг төгсхлә, арднь кеҗ-күцәҗ йовсн тоотнь эрк биш үлднә. Тернь юн болҗахв? Җирһлин туршарт хоршасн юмн...

Элст балһсна 4-ч тойгта дунд сурһульд хальмг келнә багшар көдлсн Әрәсән сурһуль-эрдмин күндтә көдләч, Хальмг Таңһчин ачта багш Нимән Тамара хулһн сарла сәәһән хәәһәд хәрҗ одв. Эн җилин хаврар далн насни өөнән тосад-темдгләд, бийинь тускар иим үгмүд бичсмн:

Хальмг улсин бичәч Бембин Тимофейин 95 җилә өөниг үкр сард темдглв. Хальмгин сойлд зөвтә нег орман эзлҗәсн билгтин үүдәврмүдт олн умшачнр оньган тусхана.

– Күндтә нег һазра улс! Бар сарин 17-д «шуд залһлдана» йовудт сурврмудан өгч чадхит. Һарчах җилин ашинь диглҗ, ирх 2026 җилд кех-күцәх төрмүдин тускар хамдан күүндхвидн. Керг-үүлдвр «ВКонтакте» халхин эв-арһар болн Хальмгин келн-улсин телеүзлин «шуд эфирт» болхмн. MAX, Telegram халхст болн мини сайтд сурврмудан эртәснь илгәҗ болна, – гиҗ Хальмг Таңһчин Толһач Хаска Бату олнд зәңглв.
ОЛЬДАН Цаһан

Әрәсән Президент Владимир Путинә даалһврар ЮФО-д энүнә элч Владимир Устиновла хамдан Хальмгин Толһач Хаска Бату иргнмүдлә харҗ күүндв.
Элст балһснд бәәдг Аҗин Светлана А.С.Пушкинә нертә дегтрин саңгиг өдгә цагин бүрдәцд хүврүлх седвәр татв. Энүг ясад, сән кец-таал тогтаһад, баһчуд, идр наста улс болн медәтнр тенд цуглрад, цаган сергмҗтәһәр болн тустаһар давулҗ чадхмн гив.

Хальмг Таңһчд Әрәсән юристнрин бүрдәцин әңг олн-әмтнд ирлцңгү дөңгән күргнә. Шидр «Калмыкия» РИА-н барин төвд седкүлчнрлә болсн харһлтын йовудт бүрдәцин элчнр көдлмшиннь тускар тодрхаһар келҗ, һарчах җилин ашинь диглв.