Известно, что в калмыцкой кухне широко представлены мясомолочные блюда, как и у многих кочевых народов Центральной Азии. Однако знали ли вы, что наши предки имели сладкие деликатесы или разновидности мучных десертов? Вы слышали о традициях изготовления блюда из меда и диких ягод? На основе заметок Павла Небольсина «Калмыки Хошоутовского улуса» вы поймете, насколько это кулинарное наследие, богатство наших предков, остается несправедливо забытым и, самое главное, вкусным.

Тогтсн авъясар өдр болһн Хальмг Таңһчд үүлддг Роспотребнадзорин заллтын һардач Санҗин Җаңһр эс гиҗ Хальмг Таңһчин эрүл-мендин министр Кикенә Юрий маднд коронавирус гемин туст тогтсн бәәдлин тускар зәңглҗәнә. Шидр давсн амрлһна өдрмүдт дәкәд гемтсн әмтнә то улм икдҗәнә гиҗ келх кергтә. Өцклдүрк Санҗин Җаңһрин зәңглсәр, COVID-19 гем делгрснәс авн мана таңһчд 4326 күн эн гемәр гемтв.

Җил болһн һаха сарин нег шинд мана орн-нутгт Медрлин өдр темдглнә. Эн кемлә цуг сурһульмудт, колледжмүдт болн вузмудт сурһулин җил эклнә. Медрлин өдр – цуг сурһульчнрин болн оютнрин, эднә эк-эцкнрин болн багшнрин, эдниг теткдг цуг улсин төлә йоста байр-бахмҗ болна.

Шидр Хальмг Таңһчин Толһач Хаска Бату таңһчин Деед зарһин Ахлач Валерий Петренкола харһҗ, «Хальмг Таңһчин ачта юрист» гидг өөдән нер зүүлһснләнь йөрәв.

Давсн долан хонгт Әрәсән Президент Владимир Путин шаңһа ачлврмудын туск зәрлг батлв. Терүнд орн-нутгин социальн-экономическ делгрлтд ик тәвцән орулсн болн олн җилин туршарт үнн-чик седклтәһәр көдлҗ йовх улст өөдән нерд зүүлһгдҗәхин, шаңһа орденәр ачлҗахин тускар келгдҗәнә.

Шидр Хар Һазра района муниципальн бүрдәцин администрацин һардврин шиидврәр нег һазра улст хойр тонн тарвс түгәҗ өггдв. Әәдрхн болн Кизляр хоорнд төмр хаалһ тосхсн улс, күч-көлснә фронтын орлцачнр, Төрскән харсгч Алдр дәәнә ветеранмудын белвсн күүкд улст, насни дигт күрәд уга насндан немшнрин бәрәнд бәәсн болн гемтә-шалтгта улст әмтәхн зер-земш гертнь күрггдв. Района сән дурар үүлддг баһчуд эн кергт орлцҗ, медәтнрт тарвс күргҗ өглһнд дөңгән күргв.

Хальмг Таңһчин правительствин Ахлачин дарук Ирина Шварцман селекторн залһлдана эв-арһар райодын толһачнрла селвлцә давулв. Терүнд таңһчин сурһулин бүрдәцсиг хальдврта гемәс саглуллһна эв-арһсар тетклһнә болн эклц классмудын сурһульчнрт халун хот өглһнә төр хаһллһна тускар өргн күүндвр болв. Сурһулин җилин өмн өргнд босхгдсн төрмүд эркн чинртә болҗахас иштә терүг ахр цагин болзгт хаһлх кергтә гиҗ селвлцәнд темдглгдв.

Эн җилин эклцәс авн мана таңһчд 635 өрк-бүл экин сертификатын мөңгиг ямр нег төр хаһллһнд олзлв гиҗ ПФР-ин Хальмг Таңһчар үүлддг региональн заллтын барин цергллт зәңглҗәнә. Теднәснь 74 процентнь гер-бүүрин таал ясруллһнд терүг олзлв. Ут тоодан 469 өрк-бүл эн җил сертификатын мөңг олзлҗ, шин бүүртә болв.

Хальмг Таңһчин социальн делгрлтин, күч-көлснә болн көдлмшәр тетклһнә министерствин зәңглсәр, мана таңһч гемтә-шалтгта улсин болн эрмдгтә бичкдүдин реабилитацин болн абилитацин региональн систем делгрүллһнд мөңг авхмн. Әрәсән күч-көлснә болн социальн харслтын министерств мана таңһчиг «Сән таалта бәәдл» гидг федеральн көтлврәр 2021-2023-ч җилмүдт гемтә-шалтгта улсин төлә сән таал тогталһна кергт демин мөңг авх 60 региона тоод орулв.

Шин сурһулин җилин өмн өргнд «Энергосервис» акционерн ниицәнд түрүн болҗ сурһульд орх бичкдүдиг йөрәдг авъяс бәәнә. Эн бүрдәцд көдлҗәх һаңначнрин, слесарьмудын, диспетчермудын, җолачнрин, экономистнрин болн нань талдан көдләчнрин өрк-бүлд үрнь 1-ч класст орҗахнь хамдан көдлҗәх үүрмүдин төлә байрта болн темдгтә йовдл болна. Бичкдүд эк-эцкнриннь көдлмшт ирҗ, хоорндан таньлдна.