• Малчнр үвлд белдҗәнә

    Малчнрин төлә 2022-2023-ч җилмүдин дааврта амр биш кем эклҗәнә. Үвлзлһнә кемиг сән аштаһар давулхар таңһчин фермермүд малын теҗәлән эртәснь белдҗәнә. Эдн малын хаша-хаацан ясад үвлд дааврта кевәр белдврин көдлмшән күцәҗ йовна. Таңһчин селәнә эдл-ахуст цуһар белдврин көдлмшән эклсн бәәнә. Хальмгин селәнә эдл-ахун министерствин зәңглсәр, таңһчин эдл-ахуст 420,4 миңһн тонн малын хот керглгдҗәнә. Эндр болхла 424,8 миңһн тонн белдсн теҗәләс 380,4 миңһн тонн өвсн болн 44,4 миңһн тонн салм болв. Тиим кевәр фермермүд 101 процентд үвлин теҗәлән белдв. Келхәс, урдк җилмүдт һаң халун болсн ашт таңһчин дорд үзгин райодын эдл-ахус һарута болв, эн җил болхла эдн үвлин теҗәлән 100 процентд белдв, эннь 2021-ч җиллә дүңцүлхлә 24 процентд икдв, гиҗ темдглх кергтә. Келхәс, үвлзлһнд сәәнәр белдсн эдл-ахус дунд Октябрьск района «50 лет Октября» АО, Хар Һазра района Б.Б.Городовиковин нертә болн С.М.Буденна нертә хойр МУП нүүрләчнрин тоод йовна.
    Немхәс, шидр Әрәсән селәнә эдл-ахун министерствд болсн селвлцәнд Әрәсәд хамгин элвг урһц хурагдсна тускар министр Дмитрий Патрушев онц темдглсн билә. Эн җил урһц хуралһна ашар мана таңһчин селәнә эдл-ахун көдләчнр бас ончрсн билә.

    • 22-10-2022, 11:16 | Общество, Таңһчин зәңгс
  • Булгин усн мет Булһна билгнь әмд

    Хальмгин нертә домбрч Манджуракова Булһн Бюрчиевнан нерн болн үүдәгч үүлдвр таңһчин сойлын, көгҗмин җирһлд эврә зөвтә орман эзлҗәнә. Эн җил Булһн Бюрчиевна 95 җилин өөнән темдглх бәәсмн. Давсн җил сәәһән хәәсн домбрчин нериг күндлҗ, эн җил домбрчнрин марһан кегдв.
    Таңһчдан нер һарсн, домбрин сәәхн болн.

    • 20-10-2022, 10:26 | Общество, Таңһчин зәңгс
  • Сурһульчнр багшин неринь туурулна

    Багшин эрдм даңгин олна оньгт бәәнә. Мана күүкд-көвүдт медрл өгч, җирһлин хаалһд орулҗах улсин эрдм нег үлү икәр күндлгддг бәәсмн. Селәнд багш, эмч, совхозин һардач, селәнә Советин ахлач – хамгин күндтә улс бәәсн цагиг мадн мартад угавидн. Сүл цагт багшин тоомсриг өөдлүллһәр баһ биш көдлмш кегдҗәнә. Федеральн йосна халхар багшнриг урмдуллһар, теднә сурһмҗин халх көдлмшиг дөңллһәр кесг керг-үүлдвр батлҗ авв. Орҗах җил багшин җил гиҗ зарлгдхмн.

    • 20-10-2022, 10:21 | Общество, Таңһчин зәңгс
  • Селәнд шин эмнлһн секгдв

    «Эрүл-менд харлһн» гидг келн-улсин төсвин медлд мана таңһчд зурһан районд 9 фельдшерск-акушерск пункт болн эмчин 3 амбулаторь тосхлһна көдлмш төгсхдән өөрдҗ йовна. Тер мет нәәмн районд олн дамшлтын эмчин 9 әңг тосхгдҗана гиҗ таңһчин эрүл-менд харлһна министерств зәңглҗәнә. Эн җил түрүн медицинск дөң күрглһиг ясруллһна региональн төсвин медлд Приютна района эмнлһнә материальн-техническ ул батруллһна төр күцәмҗтәһәр хаһлгдҗана гиҗ темдглх кергтә. Тиигәд эмнлһн шин кергсләр болн шишлң көлгәр теткгдхмн, Приютное селәнд шин поликлиник тосхгдхмн, Песчаный болн Первомайский селәдт олн дамшлтын эмчин офис секгдхмн. Шидр болхла Нарын селәнд шин ФАП секлһнә байрин керг-үүлдвр болв.

    • 20-10-2022, 10:18 | Общество, Таңһчин зәңгс
  • Өрк-бүлд өгсн сурһмҗнь бахмҗта

    Хальмг кел болн сойл, тууҗ хадһллһна җисәг мана таңһчд олн улс дөңннә. Болв ода деерән хальмгаһар келдг улсин то икәр немгдҗәхш. Тегәд тер олна керг-үүлдврин йовудыг өргҗүләд бәәх кергтә, тиигхлә бидн сойлан болн келән хадһлҗ дәкәд цааранднь төрскнч кергиг делгрүлҗ чадхвидн.

    • 20-10-2022, 10:12 | Общество, Таңһчин зәңгс
  • Хальмг зурачнрин һәәхүл Бурятьд

    Эн җилә хулһн сар сойлын керг-үүлдврмүдәрн йир ончта болҗана. Таңһчд болҗах керг-үүлдврмүдәс нань талдан һазрт чигн сойлын үүлдәчнрин орлцлһта кесг керг учрҗана. Иигәд Бурятьд хулһн сарин 7-д хальмг зурачнрин һәәхүл секгдв. Түрүн болҗ ах-дү Бурятин һазрт хальмг зурачнр үүдәврмүдән авч ирв.

    • 18-10-2022, 11:01 | Общество, Таңһчин зәңгс
  • Нерән мөңкрүлв

    1987-ч җилд һаха сарин 8-д Элст-Яшкуль хаалһд көдлҗ йовсн Хальмгин хәәртә үрн, таңһчин МВД-н ГАИ-н инспектор, ах лейтенант Владимир Лиджиев зөв-йос эвдҗәдг багиг зогсасн саамд әмнәсн хаһцв. Эн зөргтә йовдлын тускар тер цагт олн-әмтн соңссн билә. Тер зеткртә йовдл учрад һучн тавн җил давв. Владимир Лиджиев 1956-ч җилд киитн Сиврт Түмнә мүҗин Березово селәнд өрк-бүлдән ууһн үрн болҗ һарсмн. Хөөннь Владимир Татьяна Вера хойр дү күүктә болв. Бичкнәсн авн Володя эк-эцкдән нөкд болҗ, күнд көдлмшәс әәдго билә. Дунд сурһулян төгсәһәд, Элстин автомобильн-хаалһин техникумд орад сурв.

    • 15-10-2022, 10:29 | Общество, Таңһчин зәңгс
  • Чон болн Ноха

    Эццн Чон селіні ґґр йовљ йовад, тарєн Нохаг ўзні. Эн терўніс сурна:

    • 13-10-2022, 10:22 | Таңһчин зәңгс
  • Хальмг тууҗин номд Николай Пальмовин тәвц

    Элстд Н. Пальмовин нертә Келн-улсин музейд номин-дамшлтын регионмуд хоорндк конференц болв. Нер туурсн орс номт, Хальмгин тууҗин номин делгрлтд ик ач-тусан күргсн профессор Николай Пальмовин 150 җилин өөнд конференц нерәдгдв.

    • 13-10-2022, 10:13 | Общество, Таңһчин зәңгс
  • Баһчудт соньн эрдм дасхдг болв

    Одахн Элстд дунд профессиональн сурһулин өдриг өргнәр темдглв. Байрин хургт орлцачнр дунд Петр Чонкушовин нертә билг-эрдмин колледжин һардач Лилия Сергеевна ЭРЕНДЖЕНОВА эднә салврин өдрин чинрин болн энүнә һардҗадг коллективин өдр-бүрин тускар тодрхаһар келҗ өгв.

    • 08-10-2022, 11:33 | Общество, Таңһчин зәңгс

Видео