Одахн таңһчин багшнрин конференцд Хальмг Таңһчин Толһач Хаска Бату күч-көлснә хаалһан эклҗәх баахн багшнриг болн сурһмҗлачнриг дөңнҗ эднә җалвд немр мөңг өгхин тускар зәңглв. Тер мет «Җилин сән гисн багш» гидг марһанд диилвр бәрсн багшнрт өгдг мөрән кемҗәг икдүлҗәхин тускар келв. Эн зәңгиг таңһчин сурһуль-эрдмин көдләчнр байртаһар тосч, баахн багшнриг болн сурһмҗлачнриг эрк биш дөңнх кергтә гиҗ тоолҗана.
Ольга ПИНАЕВА, Троицк селәнә «Алтн түлкүр» гидг бичкдүдин садын һардачин дарук:

Сән авъяст тохрсар сурһулин шин җил эклхин өмн өргнд мана орн-нутгт «Сән дурар үүлддг улс – бичкдүдт» гидг Цугәрәсән керг-үүлдвр давулгдна. Мана таңһчин райодт болн хотл балһснд үүлддг әмтнә социальн теткврин комплексн төв (КЦСОН) терүнд җил болһн орлцҗ, җирһлин күнд таалд туссн, баһ тетквртә өрк-бүлмүдин бичкдүдиг сурһульднь белдхд дөң күрглһнә буйнч седклин керг-үүлдвр бүрдәнә. Терүнә йовудт күүкд-көвүдт сурһульднь кергтә хувц-хунр, һосн-башмг, канцелярск эд-тавр хулдҗ авгдна. Таңһчин бүрдәцс, үүлдврмүд, арһлачнр болн буйнч седклтә улс эн кергт орлцҗ, бичкдүдиг сурһульднь кергтә тоотар тетклһнд демән күргнә.

Шидр Төрскән харсгч Алдр дәәнд орлцач, «Хальмг үнн» газетин шунмһа түүрвәч Увшин Нәдвд насан барсна туск һашута зәңг ирв. Надвид Убушиевич давсн җилд 95 насна өөнән темдглсн билә. Ончта өөнән темдглсн ветеран энүг йөрәхәр ирсн гиичнрлә хамдан хальмг би бииләд, зөвәр наста болв чигн заглюн бәәхиг герчлсмн. Һундл төрхд, аврлт уга дәәнә, Широковск ГЭС тосхлһна, тууврин күчр зовлңгиг дааҗ һарсн ветеран гемин уршгар сәәһән хәәв.

Баһ наста улс өрк-бүлән өндәлһсн цагт эврәннь гер-бүүртә болхар санна. Эн төр хаһллһнд «Әрәсән Федерацин иргнмүдиг сән таалта гер-бүүрәр болн коммунальн туслмҗар тетклһн» гидг шаңһа көтлвр туслна. 35 нас күрәд уга баахн улс терүнд орлцҗ, гер-бүүр хулдҗ авхин эс гиҗ тосххин төлә шаңһас демин мөңг авна. Эн көтлврт селән һазрт бәәдг баһчуд орлцҗ чадҗана.

Урднь мадн зәңглсәр, мана таңһчур нертә эмч Башанкан Бадмин седвәрәр Әрәсән медико-биологическ федеральн агентствин бичкдүдин болн насни дигт күрәд уга баһчудын номин-клиническ төвин эмчнр ирәд, бичкдүдин эрүл-менд шинҗлв. Тер мет федеральн төвин эмчнр Манҗин Валентинан нертә таңһчин бичкдүдин медицинск төвин эмчнрлә дамшлтарн хувалцҗ, эмнлһ авчах бичкдүдт дөң күрглһнә туст сүв-севлгән өгв, шинҗллт кев. Москваһас ирсн эмчнрт үрән үзүлх эк-эцкнр эртәснь бичгдсн билә. Түрүн хойр өдрин туршарт эмчнр 507 күүкн-көвүг хәләв, сүл өдрт дәкәд бичгдсн бичкдүдин шинҗллт кеҗ эмнлһнә туст селвг өгв.

Көдлмшин кергәр мана таңһчур ирсн Әрәсән эрүл-менд харлһна министр Михаил Мурашко хамгин түрүнд Элстд секгдсн бичкдүдин шин поликлиникд одв. Дааврта һардачла хамдан Хальмг Таңһчин Толһач Хаска Бату, таңһчин правительствин Ахлач Юрий Зайцев, федеральн органмудын элчнр шиңкән эдлврт орулгдсн поликлиникиг хәләв. Манҗин Валентинан нертә таңһчин бичкдүдин медицинск төвин ах эмч Манҗин Светлана поликлиникин кабинетмүд үзүлв, ямаран әңгүд энд үүлдҗәхин тускар, ямаран кергсл углҗ тәвгдснә тускар тодрхаһар келҗ өгв. Поликлиник келн-улсин кев-янзтаһар кеерүлгдсиг, бичкдүдт энд сән таал тогтагдсиг дааврта һардач темдглв.

Эн өдрмүдт Лаганя района Улан Хол селәнә сурһульд дөчн һар җилдән орс келнә багшар көдлҗ йовсн Евдокия Идрисовна Сангаджиева ончта өөнән темдглҗәнә. Эндр эн ачта амрлһнд бәәнә, Николай Манджиевич авальтаһан хамдан күүкдиннь болн ачнриннь кишгт багтҗ, сән-сәәхн бәәнә. Мана ах үйин улсин җирһлин хаалһд кесг түрү-зүдү учрв, тегәд чигн Евдокия Идрисовна баахн цагтан дәәнә болн тууврин зовлң үзсмн. Болв тер бийнь эн делкә мини гисн седклтә, цаһан саната, уралан зүткдг, гейүрдго төләдән цугинь дааҗ, олна хормад багтҗ йовна.

Хальмг Таңһчин, Әрәсән билг-эрдмин ачта үүлдәч, Басңга Баатрин нертә Келн-улсин театрин художественн һардач Манҗин Борис мана зәңгчлә харһҗ, сурврмудтнь хәрү өгв. Әрәсән театральн үүлдәчнрин Ниицәнә үүлдврт шунҗ орлцад, тавн җилин туршарт келн-улсин театрмудын үүлдвриг бүрткҗ, дөң болҗ, зәрм театрмудт наад тәвҗ, Борис Наминович үүлдҗ йовна.

Одахн Хальмг Таңһчин вице-премьер Ирина Шварцман «Сурһуль-эрдмин систем ясруллһн» гидг федеральн көтлврт орлцлһна төрәр селвлцә давулв. Терүнд таңһчин сурһуль-эрдмин болн номин министр Баринә Эрднь, энүнә дарук Питкин Татьяна, райодын муниципальн бүрдәцсин толһачнр орлцв.

Хальмг Тањєчд бає наста багшнриг региона халхас нег дікљ дґњнлєні керг-ўўлдврин кемљін ґсчіні
Єаха сарин нег шинин ґмн Хальмг Тањєчин Толєач Хаска Бату Элстин 23-ч тойгта дунд сурєульд харєлт кев. Энд стадион тосхлєна кґдлмш кељіні, тиим сін таал сурєульчнрин болн эн районд біідг олн улсин тґлі тогтахин кергт «Негдсн Ірісі» партин «Бичкдўдин спорт» гидг тґсв кесг эв-арє ґгчіні.