• Ясврин йовудыг бүрткв

    Хальмг Таңһчин сойлын болн зуульчллһна министр Бембин Евгений Октябрьск района дегтрин саңд кегдҗәдг ясврин көдлмшин йовуд бүрткв. Района толһачин үүл дааҗадг Хасыка Тимур, энүнә дарук Нүдлчин Кеэма ясврин көдлмшин тускар келҗ өгв.

    • Сегодня, 13:47
  • Зуульчллһн әмтиг хамцулна

    Москвад мөчн сарин 10-ас авн 14 күртл зуульчллһна хург ик күцәмҗтәһәр давв. «Зуульчлый!» гиҗ нерәдгдсн нарт-делкән хург ВДНХ-д болснь чинртә. Эн керг-үүлдвр Әрәсән улсин ниицлтин җилд нерәдгдв.
    Әрәсәлә нөкцҗ үүлддг нутгудын шинҗләчнр, арһлачнр, нань чигн үүлдәчнр зурһадгч кемдән болсн эн ик цуглранд орлцв. Әрәсән зуульчллһна халхд эн керг-үүлдвр ик чинр зүүҗәнә.

    • 16-06-2026, 13:59
  • Хальмг дууч - Сербийд

    Ниш нертә сербск балһснд ах-дү болсн балһсдын түрүн наадм өргмҗтә бәәдлд давв. Улсин хоорндк сойлын залһлда батллһнд нилчән күргх эн наадм орн-нутгуд нөкцҗ үүлдлһнә талвң болх гисн күслтәһәр кегдсн мөн.

    • 16-06-2026, 12:22
  • Санкт-Петербургд – хальмг музейин зург

    Н. Пальмовин нертә Келн-улсин музей Санкт-Петербургд болсн аһу ик кемҗәтә һәәхүлд орлцв. «Константин и Владимир Маковские. Любовь земная и небесная» гиҗ тер ик төсв нерәдгднә.

    • 16-06-2026, 12:12
  • Бахмҗ болх улсин нерд заагдхмн

    «Келн-улсин бахмҗ – 2026» гидг марһанд Хальмг Таңһчин әмтн орлцҗ чадҗана. Цугәрәсән олна мөрән VII марһанд орлцх улсин нердиг зааҗ болхмн. Әрәсән келн-улсин негдлт батллһнд болн этносойлын делгрлтд ач-тусан күргҗәдг улсин нердиг тер марһанд орулх арһ бәәнә.
    «Келн-улсин бахмҗ - 2026» гидг мөрә олна үүлдврт, келн-улсин хоорндк хәрлцә делгрүллһнд орлцдг эврә сән дурар кедг олна көдлмш күцәҗәдг седвәртә үүлдәчнриг темдглх күслтәһәр үүдәгдсн болна.

    • 09-06-2026, 11:38
  • Элстд секгдсн соньн һәәхүл

    Н. Пальмовин нертә Келн-улсин музейд соньн һәәхүл секгдв. Белорус келн-улсин хувцнла энд таньлдҗ болхмн. Давсн җилд музейин һардач Мучан Ирина Беларусьт одад, тенд Келн-улсин тууҗин музейин һардврла харһад, нөкцҗ үүлдлһнә туск бооца батлсмн. Ода терүнәс иштә белорусь улсин эн һәәхүл Элстд үзүлгдҗәдг болв.

    • 09-06-2026, 11:29
  • Төрскн һазрин зөргтә күүкд

    Цуг Әрәсәһәр «Гризодубовск умшлһн» гидг нертә керг-үүлдврмүд болҗана. Хальмг Таңһч бас эн керг-үүлдврт орлцҗана. Әрәсән күүкд улсин ниицән эн керг-үүлдвриг 2026 җилд эклсмн. Советск күүкд улсин антифашистк комитетин 85 җилин өөнд болн нер туурсн Валентина Гризодубован санлд эн төсв нерәдгдҗәнә. Төрскән харсгч Алдр дәәнә җилмүдт залу-зөрмгәр үүлдсн күүкд улсин туск санл мөңкрүлх күслтәһәр эн умшлһн кегдҗәнә.

    • 29-05-2026, 13:09
  • Бурхна һурвн эрдньд нерәдсн көгҗмин йөрәл

    Хальмг келн-улсин хәәртә Үрс Сар эклв. Өвкнрин оюни зөөр болҗ, цагин холыг һатлҗ ирсн байриг өдгә цагт хальмгуд ик өргмҗтәһәр темдглнә. Хөн сарин 17-д Бурхн Багшин Алтн сүмин өмн олн-әмтнә седклиг байрар дүүргсн сәәхн керг-үүлдвр болв.

    • 19-05-2026, 13:15
  • «Бамб цецг» – Корейин хәләһәчнрт

    Корей Улсин Демократическ Республикд болсн «Мөрн сарин хавр» гидг нертә иньгллтин байрт Хальмг Таңһчин «Бамб цецг» дууна болн бииһин ансамбль орлцҗ, билг-эрдмән үзүлв.

    • 16-05-2026, 12:17
  • Сойлын наадм олн-әмтиг хамцулв

    Урҗ өдр Элстин Диилврин талвңд дәкнәс олн-әмтн цуглрв. Һурвн хонгтан Энткгин сойлын Өдрмүд давад, ашлгч байрин керг-үүлдвр болв. Хөн сарин 10-ас авн 12 күртл нег һазра мана улс Энткгин сойлла, тууҗла, авг-бәрцлә өөрхнәр таньлдад, тер һазра кино хәләһәд, хотынь амсад, цаган сергмҗтәһәр давулв.
    Энткгин Одиша, Гуджарат болн Пенджаб һурвн штатын сойлын коллективс эврә билг-эрдмән олнд тусхасн болдг.
    Керг-үүлдвриг Хальмг Таңһчин сойлын болн зуульчллһна министр Бембин Евгений секв.

    • 14-05-2026, 12:27

Видео