• Дала Ламин гегән оютнрла харһв

    Хальмг ик сурһулин оютнр Дала Ламин гегәнлә болсн харһлтд орлцв. «Делкә хүврлтин цагт» гидг нертә харһлт моһа сарин 29-д болв.

    • 01-04-2021, 17:48
  • Диилврин өдр угтҗ демин мөңг өгх

    Төрскән харсгч Алдр дән төгсснә 76 җилин өөн удл уга болх. Сән авъяст тохрсар, Алдр Диилврин Өдр угтҗ дәәнд орлцачнрт болн гемтә-шалтгта улст федеральн бюджетәс демин мөңг өгхмн. Нег дәкҗ өгдг демин мөңгнә кемҗән 10 миңһн арслң тогтахмн.

    • 01-04-2021, 17:30
  • Сансрт күрсн Моңһлын үрн Ж. Гуррагча

    40 җил хооран сансрт күрсн, «Салют-6» орбитальн станцд көдлсн моңһл космонавт Ж. Гуррагча Александр Невскийин орденәр ачлгдв. Күндтә ачлвриг Әрәсән Президент В. Путинә батлсн зәрлгәр бәрүлҗ өгв. «Әрәсән Федерацин болн Моңһлын цуг халхин стратегическ нөкцлтин делгрлтд ач-тусан күргсн төләдән «Моңһл-Әрәсә» иньгллтин бүрдәцин президент Жугдэрдэмидийн Гуррагча Александр Невскийин орденәр ачлгдҗана» – гиҗ ачлврин цааснд бичгдҗәнә.

    • 25-03-2021, 17:14
  • «Үүрмүдин дун» альманахд барлгдв

    Хальмг шүлгч Татьяна Куликован шүлг Великобританьд барлгдсн «Үүрмүдин дун» гидг альманахд барлгдв. Нер һарсн английск шүлгч Вальтер Скоттин 250-ч җилин өөнд нерәдҗ шүлгүдин эн хураңһу барлгдсмн.

    • 20-03-2021, 15:04
  • Таңһчин эмнлһн даавртаһар көдлв

    Эн долан хонгт П.Жемчуевин нертә таңһчин эмнлһнд болсн медицинск хүүвин сүүрт 2020-ч җилд кеҗ-күцәсн көдлмшин аш диглгдәд, эн җилин зура батлгдв. Тооцана селвлцәнд Хальмг Таңһчин Толһачин һардврин, Росздравнадзорин, Роспотребнадзорин региональн заллтсин, ТФОМС-ин болн таңһчин эрүл-менд харлһна министерствин элчнр орлцв. Таңһчин эмнлһнә ах эмч Бадм-Һәрән Очр давсн җилә үүлдвриг ашлҗ, ямаран чинртә төрмүд хаһлгдсна тускар тодрхаһар келҗ өгв.

    • 20-03-2021, 14:56
  • 36 өрк-бүл марһанд орлцҗана

    Хальмг Таңһчин социальн делгрлтин, күч-көлснә болн көдлмшәр тетклһнә министерствин зәңглсәр, «2021 җилин сән гисн өрк-бүл» гидг Цугәрәсән марһана региональн девсңд 36 өрк-бүл орлцҗана. Терүнд таңһчин района муниципальн бүрдәц болһна элчнр орлцхар эрлһән орулсн бәәнә.

    • 20-03-2021, 14:54
  • Селәдин делгрлтин төлә

    Хальмг Таңһчд эн җил муниципальн бүрдәцсин төсвс күцәлһнд дөң күрглһнә көтлврин медлд 17 социальн төсв бәәдл-җирһлд тохрагдхмн. Эн көтлвр мана таңһчд 2019-ч җиләс авн күцәгдҗәнә, терүнә халхар таңһчин бюджетәс муниципальн бүрдәцст мөңгн йилһгднә. Хальмг Таңһчин Толһач Хаска Батун темдглсәр, һурвн җил дарандан мана таңһчд күцәгдҗәх көтлврин медлд әмтн төрскн селәнә эс гиҗ балһсна олна инфраструктур делгрүллһнд орлцҗана.

    • 18-03-2021, 17:02
  • Һуйрин зүүтә эдл-ууш кеҗәнә

    Әрәсән УФСИН-ә Хальмг Таңһчар үүлддг заллтын 1-ч тойгта колоньд «Уголовн-күцәгч системин делгрлт» гидг федеральн көтлврин медлд хулдҗ авсн кергсл олзлҗ һуйрин зүүтә эдл-ууш кеҗ-һарһлһна производств үүлдврән эклв. Энүнә төлә бүрдәцин цехд ясврин көдлмш кегдв, терүнд һуйр элддг, олн зүсн эдл-ууш кеҗ һарһдг болн хагсадг өдгә цага кергсл углҗ тәвгдв.

    • 16-03-2021, 17:50
  • Асрлһнд үр авсн улс бас ачлгдх

    Хальмг Таңһчин Улсин Хуралын (Парламентин) дарани сессин сүүрт мана таңһчд «Үрдтән чик сурһмҗ өгсн ач-тусин төлә» гидг темдгәр ачлгдх олн үртә өрк-бүлмүдин тоод бичкдүдиг асрлһнд авсн улс бас немгдхин туст закан батлгдв. Эн темдг мана таңһчд 2011-ч җиләс авн бәрүлҗ өггднә. Тер мет ачлгдсн өрк-бүл болһн нег дәкҗ 30 миңһн арслңга мөрә авна.

    • 16-03-2021, 17:25
  • «Күцәмҗтә һардач» - баахн багшнрт

    Шидр Зая-Пандитан нертә этносойлын гимназин улд «Күцәмҗтә һардач» гидг баахн наста һардачнрин төлә балһсна сурһуль секгдв. Терүг Элст балһсна сурһуль-эрдмин заллт бүрдәв. Энд баахн багшнр мергҗлтән өөдлүлҗ, иргчдән залврин көрңгин кандидатнрин тоод орхмн. Иргчдән сурһуль-эрдмин бүрдәцсин һардачин болн эднә даруксин үүлд көдлх багшнр сурһулин болн сурһмҗин үүлдвриг заллһна туст медрл хоршаҗ авхмн.

    • 16-03-2021, 17:24

Видео