• Күч-көлснә таал ясрулхар

    Эврә мөңгәрн күч-көлснә таал ясруллһна керг-үүлдврмүд күцәсн предприять-бүрдәцс һаруһин 30 процентынь даңцаҗ чадхмн. 2020-ч җилд өгсн даатхлһна мөңгнәс теднд даңцахмн гиҗ Әрәсән ФСС-ин Хальмг Таңһчар үүлддг әңгин барин цергллт зәңглв.

    • 22-04-2021, 15:04
  • Хотл балһсан кеерүлий!

    Мөрн сарла Элст балһснд бәәцин бәәдлиг ясрулхар үүлдвр шунмһадулгдна. Үвлин туршарт цуглрсн хог-богас хотл балһсан цеврлҗ авх цаг ирнә. Мөрн сар эклхин өмн Элст балһсна һардврин толһач Дмитрий Трапезников хотл балһсиг майин байрин өдрмүдт белдҗ цеврлҗ авх төр тәвсмн.

    • 22-04-2021, 15:02
  • Көдлмш олҗ авхд туслна

    Одахн таңһчин правительствин сүүрин залд әмтиг көдлмшәр тетклһнә цергллтин 30 җилин өөнд нерәдгдсн байрин хург болв. Терүнд Хальмг Таңһчин правительствин Ахлач Юрий Зайцев, Хальмг Таңһчар үүлддг ах федеральн инспектор Александр Беляев, Хальмг Таңһчин Улсин Хуралын (Парламентин) Ахлачин дарук Сергей Сухинин, таңһчин Толһачин селвгч Ивана Светлана, федеральн күцәгч йосна органмудын территориальн заллтсин болн олна бүрдәцсин элчнр орлцв.

    • 20-04-2021, 16:20
  • Тосхлтын йовудыг бүрткх кергтә

    Шидр Хальмг Таңһчин Толһач Хаска Бату бат тосхлтын объектсин тосхлт, реконструкц болн бат ясвр тетклһнә региональн штабин сүүр давулв. Терүнд «2021-ч җилд таңһчин эрүл-менд харлһна түрүн дөң күрглһнә халхин шинрүллһн» гидг региональн көтлвр хәләгдв.

    • 20-04-2021, 16:18
  • Туслмҗиг - электронн эв-арһар

    Пенсионн саң әмтнд зәңглхин болн шаңһа туслмҗ күргхин төлә үүлдврән өдгә цага некврлә ирлцүлҗ, шин эв-арһс өргнәр олзлна. Эндр өдр ПФР-ин сайтд 50 электронн сервис үүлднә, тегәд терүг олзлҗ гертәсн һарлго олн зүсн төр хаһлҗ болхмн. Мана таңһчд хойр миңһн һар күн пенсионн саңгин онлайн-туслмҗ олзлв.
    Әрәсән пенсионн саңгин Хальмг Таңһчар үүлддг заллтын клиентск цергллтин үүлдвриг бүрдәлһнә әңгин һардач Бүүрчин Байртан келсәр, өдгә цагт ведомствд ирлго пенсионн зөвин, онц тооһин тускар медҗ, пенсьт һарлһна болн сар болһн өгдг демин мөңг (ЕДВ) авлһна, экин сертификат олзллһна туск эрлһ орулҗ, пенсин болн социальн демин мөңгнә кемҗәнә туск иткл цаас авлһна, СНИЛС-ин болн экин сертификатын то-дигин болн нань чигн халхар медҗ болхмн. ПФР-ин туслмҗ авхин төлә шаңһа туслмҗин порталд бичгдх кергтә.

    • 20-04-2021, 16:17
  • Эк-эцк уга үлдсн болхла

    2018-ч җиләс авн шин социальн пенсь өгдг болв. Эн пенсиг төрҗ һарсна дару эк-эцкнь хайсн, нилхд төрлһнә герт үлдәсн бичкдүдт өгдг болв. Эн бичкдүдин төрҗ һарсна иткл цааснд экин болн эцкин нер-уснь эс заагдсн болхла, эдн эн социальн пенсь авх зөвтә. Урднь эднд иим пенсь өгдго бәәсмн, тегәд эн төр хаһлхин төлә «Әрәсән Федерацд шаңһа пенсионн теткврин туск» гидг федеральн заканд сольвр орулгдв. Тегәд ода эн сольвр орулгдсна хөөн эк-эцк уга үлдсн бичкдүд социальн пенсь авх зөвтә болв.

    • 20-04-2021, 16:17
  • Селәнә бичкдүдиг байрлулсн «Харада»

    Одахн Ик Буурла района Приманыч селәнд ончта болн байрта йовдл учрв. Энд «Демографь» гидг келн-улсин төсвин медлд тосхгдсн бичкдүдин сад секгдв. Өдгә цага некврлә ирлцдг ке-сәәхн бичкдүдин садт 50 күүкн-көвүн орхин төлә цуг таал тогтагдв.

    • 20-04-2021, 16:15
  • Шин төв тосххар

    Одахн Әрәсән эрүл-менд харлһна министерствд мана таңһчд шин медицинск төвин төсвин, терүг тосхлһна болн шаңһа көтлврт оруллһна төр хәләгдв. Эн төв П.Жемчуевин нертә таңһчин эмнлһнә медлд әмтнд гүлгн гемәс хөрлһнә дөң күргдг болхмн. Селвлцәг Әрәсән эрүл-менд харлһна министрин дарук Наталья Хорова һардҗ давулв. Харһлтд Хальмг Таңһчин правительствин ахлач Юрий Зайцев, эрүл-менд харлһна министр Кикенә Юрий болн тосхлтын, көлгн-күчнә болн хаалһин эдл-ахун министр Җанҗин Виктор орлцв.
    Олн халхин медицинск төвд кесг әңг үүлдхмн. Төсв белдлһнә медико-техническ даалһвриг таңһчин эрүл-менд харлһна министерств Н.Блохинан нертә гүлгн гемәс хөрлһнә номин-медицинск төвлә хамдан күцәхмн. Хөөннь терүг Әрәсән эрүл-менд харлһна министерствд батлхмн. Эн төвиг 2023-ч җилд тосххин төлә Хальмг Таңһчин социальн-экономическ делгрлтин онц көтлврин медлд эн җил төсвин-һаруһин бǝрмт цаас белдх кергтә. Тер мет федеральн инвестиционн көтлврт орхин төлә эн төсвиг батлҗ авх кергтә болҗана. Хальмг Таңһчин Толһач Хаска Бату болн правительств таңһчин делгрлтин көтлврин керг-үүлдврмүд күцәлһиг бүрткҗ, терүнд батлгдсн объектст мөңг йилһҗ өглһнә төриг федеральн йосна органмудла хамцу үүлдҗ хаһлҗана.

    БАТАН Наталья

    • 17-04-2021, 16:14
  • Хальмг бииhǝрн олыг байрлулв

    Давсн долан хонгт Элстд Олимпийск чемпион, Əрәсән спортын ачта мастер Макаренко Алинан мɵрә авхин тɵлә художественн гимнастикин Цугәрәсән марһан давулгдв. Мана орн-нутгин кесг регионас марһанд орлцхар олн элчнр ирсн билә.

    • 15-04-2021, 16:17

Видео