Хөн сарин 30-д Москва балһснд Бичкдүдин Әрәсән шаңһа дегтрин саңд «Здравствуй, сосед!» төсвин йовудт хальмг сойлын Өдр давулгдхмн. Әрәсән орн-нутгт бәәдг олн келн-улсин тускар эн төсв күцәлһнә йовудт дегтрин саңгин көдләчнр олн-әмтнд келҗ өгхмн.

Арслң Хинеев болн Гилән Эрднеева Ик Буурла района муниципальн бүрдәцин һардврт көдлнә. Дәкәд Арслан Ик Буурла дунд сурһульд тууҗин багшар көдлнә. Келхд, эн одахн «Җилин сән багш» гидг таңһчин марһанд 2-ч орм эзлсмн. Баһчуд Хальмг ик сурһульд сурчасн цагтан таньлдад, нег-негнәннь седкл медҗ, өрк-бүлән өндәлһх шиидвр авсмн. Арслң бийнь Яшкулин районас, Гилән болхла Лаганя района Буранное селәнд өсәд-боссмн.

Басңга Баатрин нертә Келн-улсин театрин дарани 87-ч кем күцәмҗтә болв. «Хальмг хүрм» гидг наадыг үзүләд, театр эн җилә көшгән хаав. Театрин художественн һардач Манҗин Борис болн һардач Шуран Галина көдлмшин ашиг дигләд, кеҗ-күцәгдсн тоотыг тодлулад, тәвгдсн нааддын, учрсн гастрольн йовлһна тускар келцхәв.

Хальмг Таңһчин Толһач Хаска Бату Әрәсән Залврин Ахлачин дарук Дмитрий Чернышенкола харһв.
Терүнә йовудт зуульчллһна халхар ирлцңгү таал тогталһна төрәр күүндвр болв.

Нидн Хальмг Таңһчин Толһач Хаска Бату Беларусь орҗ, эн орн-нутгин толһач Александр Лукашенкола харһҗ, кесг халхсар нөкцлтхәр бооцас батлсн билә.

Хөн сарин 24-д таңһчин цуг сурһульмудт төгсәһәчнрин төлә сүл хоңх җиңнв.

Өдгә цагт зөв-йос эвдлһнә халхар баһ биш йовдлмуд учрҗадгин тускар дару-дарунь соңсгдна биший. Бәәдл-җирһлин тетклһн дор орад,хамг юмн үнтәрәд гихв, эс гиҗ хар саната, өөрхн ухата улст меклгддгнь олн болв гихв,зуг ирлцңгү бәәдл тас ясрҗахш, гиҗ келх кергтә. Эн туст зөв-йос харлһна бүрдәцс олна дунд гетллһнә, саглуллһна керг-үүлдврмүд күцәдг бийнь, өдр болһн гилтә энд-тенд хулха-була кеснә, мек-тах һарһсна, күүнә әмнд чигн күрснә, дааҗадг үүлән давулҗ күцәснә тускар даңгин зәңглгднә.

Ода орн-нутгт болн таңһчд физикин, эсвин, техникин сән медрлтә сурһульчнр белдлһнд онц оньг өггдҗәнә. Цуг сурһульмудт тиим салврин классмуд ода үүлдҗәнә, тер көтлвриг цааранднь өргҗүлҗ делгрүлх кергтә. Яһад гихлә мана Хальмг ик сурһулин физикин болн эсвин дацңд таңһчин сурһульмудас зуг цөөкн күн орна.

Элст балһснд бәәдг Аршина Анна бичкнәсн авн өөмхдән дурта. Эднә өрк-бүл Ростовск мүҗин Зимовниковск района Конезавод селәнд бәәдг билә. Тенд бәәрн бичкдүд зуни цагт һолд өөмәд, бийснь усчдг дассмн. Эдн дерин һадриг салькнд делсәд, терүг олзлҗ өөмдг дассиг Анна Борисовна ода инәҗ тодлна.

Җил болһн цуг нарт-делкәд скандинавск йовлһна Өдр темдглгднә. Эн җил энүг хөн сарин 18-д болн 19-д темдглв, тегәд хойр өдрин туршарт цуг нарт-делкәд әмтн цуглрад, шишлң тайг һартан авад, хамдан йовһар йовв. Мана орн-нутгт эн өдр арвн җил хооран темдглгддг болв. Мана таңһчд скандинавск йовлһар соньмсдг улсин то җил ирвәс икдәд йовхнь темдгтә.