• «Үрс Сар» ансамбль – Түрг нутгт

    «Yрс Сар» гидг хальмг улсин бииһин ансамбль Түрг орн-нутгт одад ик сойлын наадмд орлцв. Түргин Серик балһсна мэр Мехмет Хабали кесн харһлтын йовудт Хальмгин коллективлә улсин хоорндк сойлын залһлдаг батллһна төр оньгт авгдв. Хамцу төсвс күцәлһнә тускар чигн үг һарв.
    Мехмет Хабалид иньгллтин болн күндллһнә темдг гиҗ хальмгин йосар белгүд бәрүлҗ өггдв.

    • 09-10-2025, 13:35 | Таңһчин зәңгс, Зіњг
  • Сән өдрән темдглв

    Хулһн сарин 3-д Росгвардин ханьд ордг ОМОН-а көдләчнр сән Өдрән темдглв. Хальмг Таңһчин Толһач Хаска Бату эдниг йөрәв.

    • 07-10-2025, 14:55 | Таңһчин зәңгс, Зіњг
  • Ончта өөнлә йөрәв

    Шидр Сарпан района Обильное селән бүрдснәс авн 175 җилин өөнән темдглсмн. 1850 җилд негдгч Николайин зәрлгәс иштә Воронежск болн Курск мүҗсәс әмтн нүүһәд нааран ирсн болдг. Эн цагас авн селәнә тууҗ эклв. Тер цагт кувцнр Хохриновихн болн Мешковихн селәнд Архангел Михаилын нертә чонҗ босххин төлә тәвцән орулсмн. 2021 җилд болхла Александр Невскийин нертә бичкн чонҗ тосхгдв. Элст-Аһш хаалһин хаҗуд эн ик холас үзгднә.

    • 07-10-2025, 14:54 | Таңһчин зәңгс, Зіњг
  • Селәнә эдл-ахун шишлң техникәр теткхәр

    Шидр Әрәсән сенатор Хачирә Борис Хальмгин селәнә эдл-ахун министр Гаван Тимурла хамдан Санкт-Петербург балһсна тракторн заводт одв.
    Мана орн-нутгт селәнә эдл-ахун шишлң техник кеҗ һарһдг эн бүрдәц нүүрләчнрин тоод орна. Сүл җилмүдт Хальмгт селәнә эдл-ахун бүрдәцст шин техник болн ирлцңгү мергҗлтнр керглгдҗәнә. Заводын һардврла харһсн кемд АПК-н халхар сурчадг нег һазра оютнриг нааран илгәхин туст күүндвр һарв.
    Тер мет таңһчин фермермүдиг шишлң техникәр теткхин төлә шаңһа дем кергтә болҗана. Харһлтын ашар Хачирә Борис «Петербургский тракторный завод» АО-н һардач Сергей Серебряковд нөкцлтин халхар дөң-нөкд болснд Ханлтын бичг бәрүлҗ өгв (зургт).

    • 07-10-2025, 14:48 | Таңһчин зәңгс, Зіњг
  • Мал асрхар шиидвр авв

    Ик кезәнәс авн көвүн үриг бичкнәснь авн тохман дуудулх күн гиҗ болн һазр-уснаннь, орн-нутгиннь харсач болхинь зааҗ өскдмн. Көтчнрә района Чкаловский селәнд Хулхачиевихнә олн үртә бүлд өсч-боссн Һәрә көвүн мел тиим сурһмҗ авсмн.

    • 07-10-2025, 14:40 | Таңһчин зәңгс, Зіњг
  • «МанджиевФЕСТ»: регионмудыг хамцулсн сойлын үүлдвр

    Басңга Баатрин нертә Келн-улсин драмин театрт регионмудын хоорндк хойрдгч театральн наадм эклснә тускар урднь умшачнртан зәңглләвидн.
    «МанджиевФЕСТ» гиҗ эн керг-үүлдвр нерәдгдснь басл учрта. Элстд ирҗ үзүлгдҗәдг нааддыг Әрәсән кесг театрмудт хальмг режиссер Манҗин Борис тәвсмн.

    • 07-10-2025, 14:22 | Таңһчин зәңгс, Зіњг, Сойл
  • Оюни герл – зурачин үүдәврмүдт

    Москвад һаха сарин 17-д «Арт Политех» гидг һәәхүлин комплекст Әрәсән улсин зурач, Хальмгин Баатр Санҗин Дмитрийин санлд нерәдсн һәәхүл секгдлә. Хальмгин нертә зурач, бәрмлч Санҗин Никитан көвүн Дмитрий эцкин кергиг цааранднь йовулҗ зурач болҗ, цуг делкәд нер һарсмн. Зургуд зурлһна янзнь йир өвәрц болн соньн болад, зурлһна билг-эрдмд Дмитрий Никитич эврә хаалһан сексмн.

    • 07-10-2025, 13:09 | Таңһчин зәңгс, Зіњг, Сойл
  • Багшнриг магтҗ йөрәв

    Урҗ өдр Хальмгин залврин герт багшнрин сән Өдр угтад, байрин хург болв. Таңһчин Улсин Хуралын (Парламентин) ахлач Артем Михайлов, залврин ахлач Босхмҗин Гилән, энүнә дарук, то-дигин делгрлтин министр Этән Алексей, федеральн ах инспектор Александр Беляев, сурһуль-эрдмин болн номин министрин үүл дааҗадг Александр Ким, Луганск Улсин Республикәс ирсн гиичнр, сурһуль-эрдмин ветеранмуд болн багшнр керг-үүлдврт орлцв.

    • 04-10-2025, 16:06 | Таңһчин зәңгс, Зіњг
  • Элст цаарандан ясгдҗана

    Хальмгин Толһач Хаска Бату таңһчин прокурор Виталий Семенчекола хамдан Элстд ясгдҗадг бәәрнсиг бүрткҗ хәләв.

    • 04-10-2025, 16:02 | Таңһчин зәңгс, Хальмг Тањєчин Толєачин ґдр-бўр, Зіњг
  • Седклән сурһульчнртан тусхана

    Маңһдур, хулһн сарин 5-д мана орн-нутгин цуг багшнр эврә күндтә эрдмин өдрән темдглх. Сән өдрән эдн сән таалд темдглҗәнә. Ут урштан таңһчин 47 сурһульд бат ясвр кегдсн бәәнә, тиим кевәр цуг сурһульчнрин 60 процентнь сән таалд сурчана.

    • 04-10-2025, 15:58 | Таңһчин зәңгс, Зіњг

Видео